Yeshaya 40:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

MUKANDA WA MYIDI MUKULU

⁹ Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 40:9 ပူးပေါင်းရင်းမြစ်များ

2 Kulondolola 13:4

Abiya wakimana ha mutu ha mukuna wa Semalayima mu luseke lua mikuna ya Efelayima, wakamba ne, Unvuai, Yalobama ne Bena Isalele bonso;

Yeshaya 1:1

Tshikena kumona tshia Yeshaya, muana, wa Amoza, tshiakatangileye bualu bua Yuda ne Yelushalema, mu matuku a Uziya, Yotama, Ahaza ne Hezikiya, bakelenge ba Yuda.

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 35:2

netshimeneshe bilongo bia bungi, netshisanke ne disanka ne misambu mene. Nebatshiheshe butumbi bua Lebanona, bulengele bua Kâmele ne Shalona; nebatangile butumbi bua Yehowa ne bulengele bua Nzambi wetu.

Yeshaya 41:27

Meme ndi wa kumudilu wakudianjila kuambila Siona ne, Tangila, ubatangile! Nentume kudi Yelushalema udi uya ne lumu luimpe kudiye.

Yeshaya 44:26

Ndi yeye udi ujadika dî dia muntu wandi, udi ushikisha mei a miloho yandi. Ndi yeye udi wamba bua Yelushalema ne, Bantu nebashikamemu; udi wamba bua misoko ya Yuda ne, Neyibakibue kabidi, nengase nsubu tshiakabidi mu miaba idi bikulu.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yeshaya 52:6

Nunku bantu banyi nebamanye dina dianyi; nunku nebamanye halua difuku diadia ne, Mmeme Yehowa udi wamba dî edi; ka meme ndiku.

Yeshaya 58:4

Monai, nudi nujila bia kudia bua kuikala ne diyoyo ne difuilangana, bua kutuangana ne bisusu bia bantu babi. Kujila kua bia kudia bu kuenu dituku edi kakuena mua kunvuisha dî dienu mu diulu.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yirmeya 22:20

Banda mukuna wa Lebanona, washilahu muadi; bisha dî diebe mu Bashana; muadi webe ufume ku Abalima, bualu bua bakubutula banangi bebe bonso.

Yirmeya 29:11

Yehowa udi wamba ne, Bua ndi mumanye meji andi nnuelela, adi meji a kunuvuisha ditalala, kaena a kunuvuisha diyoyo; adi bua kunuha ditekemena mu matuku atshidi ku mpala.

Nahume 1:15

Monai, ha mikuna hadi makasa a messager udi ulua ne lumu luimpe, udi wela lubila lua ditalala! Uvuluka masanka ebe a bia kudia, Yuda, Shilesha mitshihu yebe; bualu bua mundi mubi au kena uhitshila munkatshi muenu kabidi, yeye wakubutudibua kabutu.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Bienzedi 2:14

Kadi Petelo wakimana ne bapostolo dikumi ne umue, wakabandisha dî diandi, wakabambila ne, Nuenu Bena Yudaya ne buonso buenu badi bashikama mu Yelushalema, numanye bienu bualu ebu, nunvue mei anyi.

Bienzedi 4:13

Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Bienzedi 4:29

Mukelenge, bua malu a mpindiu, utangile dikanyina diabo; uhe bantu bebe mitshima ya kuamba dî diebe ne dikima dikole,

Rome 10:18

Kadi ndi ngamba ne, Kabakunvua, anyi? E, bulelela, bakunvua, ne, Dî diabo diakamuangalaka ha buloba buonso, Ne mei abo akambibua kunfudilu kua buloba.

Efeze 6:19

ne bua bualu buanyi kabidi, bua meme kuheshibua mua kuakula hanabulula mukana muanyi ne bua meme kumanyisha bantu ne dikima bualu bua lumu luimpe busokoka.

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

1 Petro 3:14

Kadi binuakenga bualu bua buakane, nudi ne disanka; kanutshinyi kutshinyisha kuabo, kanulubakashibu mitshima yenu;

Balombodi 9:7

Hakambabo Yotama bualu ebu, yeye wakaya, wakimana ha mutu ha mukuna wa Gelizima, wakabandisha dî diandi, wakabambila ne, Nuenu bena Shekeme, nungunvuile, bua Nzambi anufuile.