Yeshaya 40:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mashinde adi afubidila, tshilongo tshidi tshitutuka, bualu bua Yehowa udi wela muhuya wandi hamʼbidi habi; bulelela, bantu badi bu mashinde.

MUKANDA WA MYIDI MUKULU

⁷ Padi Maweja-Nangila wela mupuya, tshisosa tshidi tshiuma, tshilongu tshifubidila. — Bushuwa, bantu badi ne butekete bu bua bisosa.

Yeshaya 40:7 ပူးပေါင်းရင်းမြစ်များ

Yobe 14:2

Udi umena bu tshilongo ne udi ufubidila, udi uhita lubilu bu mundidimbi ne kena ushalaku.

Yobe 4:9

Badi bafua ku muhuya udi uhatuka mukana mua Nzambi, bua bukole bua tshiji tshiandi badi babutudibua.

Yobe 41:21

Muhuya wandi udi utemesha makala a kahia, ludimi lua kahia ludi luhatuka mukana muandi kabidi.

Misambu 102:4

Mutshima wanyi udi mutahibue bu mashinde, wakufubidila; bualu bua ndi mpua muoyo bua kudia bidia bianyi.

Misambu 103:15

Bua mundi matuku andi adi bu mashinde, udi utumpuka bu tshilongo tshia mu budimi.

Misambu 103:16

Bualu bua luhehele ludi luheha hamʼbidi hatshi, tshidi tshijimina, muaba watshi kawena mutshimanye kabidi.

Misambu 90:5

Wewe udi ubumusha bu muakadi mai mûla ahueka nʼabo; badi bu tshilota, bu mashinde adi akola ne dinda.

Misambu 90:6

Adi adiunda bimpe ne dinda, adi akola; halua dilolo, adi mutahibue ne adi afubidila.

Yeshaya 11:4

kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

Yeshaya 37:27

Nunku bena misoko ei bakadi ne bukole bukese, bakatshina, bakabondakana; bakadi bu mashinde a mu budimi, bu mashinde a lutende, bu masele mabishi adi amena ha misaka ya nsubu, ne bu budimi bua maminu adi anyanguka kâyi manji kumena bimpe.

Yeshaya 40:24

Kabena banze kukunyibua musangu mule, kabena banze kumiaminyibua, kabena banze kuela miji yabo bikole mu buloba, heleye muhuya wandi hamʼbidi habo, ne badi bafubidila, ne nvunde udi ubumusha bu bisote.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Agayi 1:9

Nuakutekemena bia kudia bia bungi, ne monai, biakadi anu bibalê; hanuakulua nʼabi kuenu, nakubihehuka! Bualu kai? Edi ndikonka dia Yehowa wa misumba. Mbualu bua nsubu wanyi udi mulale munyanguke, hanudi nunyema, muntu ne muntu, ku nsubu kuandi.

Yakobe 1:10

ne mubanshi atumbile mu dihuekeshihua diandi; bualu bua yeye neajimine bu tshilongo tshia mu tshisuku.

Yakobe 1:11

Bualu bua diba didi dibanda hohamue ne luhehele lua luiya lukole ne bidi bifubisha bisosa; ne tshilongo tshiabi tshidi tshimata hanshi ne bulengele bua mu mpala muatshi budi bujimina; muomumue kabidi, muntu mubanshi neajimisbibue mu nshila yandi.