Yeshaya 32:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bantu banyi nebashikame mu miaba ya ditalala, ne mu nsubu idi kayiyi ne njiu hehi, ne mu bikishilu bia ditalala.

MUKANDA WA MYIDI MUKULU

¹⁸ Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 32:18 ပူးပေါင်းရင်းမြစ်များ

Misambu 107:7

Yeye wakabalombola mu nshila mululame, bua bamanye mua kufika mu musoko wa kushikamabo.

Ekesode 9:26

Anu mu buloba bua Goshene muakadi Bena Isalele, mabue a nvula kakadiku.

Nsumuinu 24:15

Wewe muntu mubi, kualaminyi ku muaba udi muntu muakane mushikame; kunyangi muaba udiye uladila.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Yeshaya 14:3

Hashishe, mu difuku adi hakukuha Yehowa dikisha ku dikenga diebe ne ku malu akadi akutatshisha ne ku mudimu mukole wakakuenzeshabo ku bukole,

Yeshaya 2:4

Yeye nealumbulule bilumbu bia munkatshi mua bisamba bia bantu, neakosele bantu ba bungi bilumbu biabo; bobo nebafule nkasu ya kudima nʼai ku miele yabo ya nvita, nebatule miele ya kukosa nʼai matamba mafubidila a mitshi ku mafuma abo; tshisamba tshikuabo katshiena tshibisha muele wa nvita bua kuluisha nʼau tshisamba tshikuabo, ne kabena bayila lungenyi lua kuluangana nʼalu nvita kabidi.

Yeshaya 26:12

Yehowa, neutujadikile ditalala; bualu bua wakutuenzela midimu yetu yonso.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 28:12

Wakumana kubambila ne, Etshi ntshikondo tshia kuikisha, nuheshe muntu muhungile dikisha; etshi ntshikondo tshia kukankamika. Kadi kabakasua kunvua nansha.

Yeshaya 30:15

Bualu bua Mukelenge Yehowa, wa Tshijila wa Isalele wakamba ne, Hanualukila kundi, hanuaheta dikisha kundi, nenusungidibue; mu buhote bua mutshima ne mu kungeyemena kuenu nemuikale bukole buenu. Nuenu kanuakasua nunku,

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Yeshaya 65:21

Nebase nsubu, nebashikamemu; nebatentule mionshi ya tumuma tua nvinyo mu madimi, nebadie tumuma tuai.

Yeshaya 65:9

Nempatule tunkanunuma mu Yakoba, nempatule bahianyi ba mikuna yanyi mu Yuda; bantu banakusungula nebahiane buloba, ne badi bankuatshila mudimu nebashikamemu.

Yirmeya 33:16

Mu matuku au nebasungile Bena Yuda, ne Bena Yelushalema nebashikame talalâ; ne edi ndina didibo bamuidika ne, Yehowa mBuakane Buetu.

Yezekiyele 34:28

Kayena ikala kabidi bu tshintu tshia kunyengabo kudi ba mu bisamba bia bantu, ne nyama ya ha buloba kayena iyidia; kadi neyishikame talalâ kayiyi ne ntatu, ne kakuena muntu wayitshinyisha.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Zekâya 2:8

Udi ubisha tshianza tshiandi kudi Bena Isalele udi utu mu kamonyi ka disu dia Yehowa. Bua bualu ebu, Yehowa wa misumba, mumane kuntuma bua kumuhetela butumbi kudi ba mu bisamba bia bantu bakanuhaula, udi wamba ne,

Zekâya 3:10

Yehowa wa misumba udi wamba ne, Dituku adi buonso buenu, muntu ne muntu, neabikile muena mutumba nʼandi, neasombe nʼandi muinshi mua muonshi wandi wa tumuma tua nvinyo ne muinshi mua mutshi wandi wa nfigi.

Ebrewu 4:9

Nunku kudi kushala dikisha dia Lumingu dia bantu ba Nzambi.

1 Yone 4:16

Ne tuetu tudi bamanye ne tuakuitabusha dinanga didi Nzambi nʼadi bua bualu buetu. Nzambi udi dinanga; ne utu wikala mu dinanga utu wikala mu Nzambi, ne Nzambi utu wikala munda muandi.