Yeshaya 20:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe Yehowa wakamba ne, Bu muakuenda muntu wanyi Yeshaya butaka ne kayi ne bisabata bidimu ebi bisatu, bu tshimanyinu ne bu bualu bua dikema kudi ba mu Ejipitu ne kudi ba mu Atiopa,

MUKANDA WA MYIDI MUKULU

³ “Kudi mpindiewu bidimu bisatu bidi muntu wanyi Yeshaya wendakana butaka, kayi bilamba nansha bisabata. Ke mudiye uleja malu adi ne bua kuenzekela bena Ejipitu ne bena Kushe.

Yeshaya 20:3 ပူးပေါင်းရင်းမြစ်များ

Yeshaya 19:4

Mukelenge, Yehowa wa misumba, udi wamba ne, Nenfile Bena Ejipitu mu bianza bia mukokeshi udi muena tshinyangu; ne mukelenge udi ne luonji neabakokeshe.

Yeshaya 37:9

Hakunvueye lumu ne, Tihaka, nfumu wa Atiopa, ulualua bua kuluangana nʼebe, wakatuma ba-messager kudi Hezikiya kabidi ne,

Yeshaya 43:3

Bualu bua meme ndi Yehowa Nzambi webe, Wa Tshijila wa Isalele, Musungidi webe. Nakufila Ejipitu bu biuma bua kukubikila nʼabi, nakudia Atiopa ne Seba bua kubashintakasha nʼebe.

Yeshaya 8:18

Monai, meme ne bana bakumpabo kudi Yehowa tudi bu bimanyinu ne bu malu a kukema mu Isalele bidi Yehowa wa misumba, udi mushikame mu mukuna wa Siona, mutumine bantu.

Yirmeya 13:1

Yehowa wakangambila ne, Ya biebe, ule mukaba wa tshilamba tshia lin, ûsuike mu tshifuka tshiebe, kûtu mu mai nansha.

Yezekiyele 12:6

Ambula bintu biebe bia luendu ha diaha ku mesu kuabo, luhuka nʼabi butuku; buikila mesu ebe bua wewe kutangidi buloba; bualu bua nakukuteka bu tshimanyinu kudi ba mu tshisamba tshia Bena Isalele.

Yezekiyele 30:4

Muele wa nvita neufike kudi Ejipitu, kanyinganyinga nekikale mu Atiopa, hahona bantu bashihibue mu Ejipitu, nebaye ne tshisumbu tshia bintu biabo, ne bishimikidi biabo nebishimbuke.

Yezekiyele 30:6

Yehowa udi wamba ne, Bonso badi bakuatshisha Ejipitu nebahone, bukole buabo budi buvuisha dihetu mu mitshima yabo nebujimine; Mukelenge Yehowa udi wamba ne, Ku Migedola tô ne Siene nebashihibue ku muele wa nvita mu buloba ebu.

Yezekiyele 4:1

Wewe kabidi, muana wa muntu, angata dimpana, uditeke ku mpala kuebe, fundahu tshifundu tshia musoko, Yelushalema mene.

Yezekiyele 4:3

Udiangatshile mpanu wa tshiamu tshifike, umuteke bu lumbu lua tshiamu tshifike hankatshi hebe ne musoko; tangisha mpala webe kudiu, ûvuishe bu musoko udibo batshintshimika, ne wewe ûtshintshimike. Etshi netshikale tshimanyinu kudi Bena Isalele.

Sefanya 2:12

Nuenu kabidi, Bena Atiopa, nenushihibue ku muele wanyi wa nvita!

Zekâya 3:8

Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.

Dibadika 14:34

Bungi bua matuku anuakutentekela buloba, matuku makumi anai mene, nebuikale bungi bua bidimu binudi nutuala bujitu bua bubi buenu, nenumanye ne mbualu bukole hangumuka kunudi.