Yeshaya 2:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

MUKANDA WA MYIDI MUKULU

³ Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yeshaya 2:3 ပူးပေါင်းရင်းမြစ်များ

Estere 9:27

Bena Yuda bakahunga dî diabo bualu buabo ne bua bana babo baledibue ne bua bantu bonso bakalamata kudibo ne, Tuetu katuena tuhanga kuvuluka matuku â abidi bu muakafundabo, ne mu tshikondo tshiakasungulabo, ku tshidimu ku uhidimu;

Misambu 102:23

Wakutekesha bukole buanyi mu nshila mundi nyilamu; wakukehesha matuku anyi.

Misambu 110:2

Yehowa neolole bukokeshi buebe bu dikombo kule bubangile mu Siona. Ukokeshe biebe munkatshi mua badi nʼebe lukuna.

Misambu 119:171

Mishiku yanyi ikutumbishe, bualu bua wewe udi unyisha mikenji yebe mifunda.

Misambu 122:1

Nakadi ne disanka hakungambilabo ne, Tuye mu nsubu wa Yehowa.

Misambu 48:1

Yehowa udi munene, udi muakane bua kumutumbisha bikole mu musoko wa Nzambi wetu, mu mukuna wandi wa tshijila.

Yeshaya 1:26

Nenkuhingashile balumbuluishi bebe bu muakadi aba ba diambedi, ne bafidi bebe ba meji bu muakadi ba ku tshibangidilu. Hashishe nebakubikile ne, Musoko wa buakane, musoko udi bantu bamanye mua kueyemena.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Yeshaya 19:23

Mu dituku adi nshila munene neikaleku muhatuke mu Ejipitu ne muyile tô ne ku Ashû, ne muena Ashû neayilemu bua kufikeye mu Ejipitu, ne muena Ejipitu neayilemu bua kufikeye mu Ashû. Ne Bena Ejipitu nebatendelele Nzambi hohamue ne Bena Ashû.

Yeshaya 28:9

Neayishe muntu kai lungenyi? Neajinguluile muntu kai dî diandi? Neayishe bana badi bajidika mabele, badi bumushibua mu biadi bia bamamuʼabo, anyi?

Yeshaya 44:5

Mukuabo neambe ne, Meme ndi muntu wa Yehowa; mukuabo neadidike ku dina dia Yakoba; mukuabo neafunde ha tshianza tshiandi ne, Ntshia Yehowa, neabikile dina diandi dibidi ne, Isalele.

Yeshaya 56:5

Nembahe tshivulukidi ne dina mu nsubu muanyi ne munda mua ngumbu yanyi bidi bihita bana balume ne bana bakashi buimpe; nembahe dina dia tshiendelele didi kadiyi dijimishibua.

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yeshaya 60:3

Bisamba bia bantu nebilue ku munya webe, bakelenge nebalue ku dinkenke dia kubanda kua munya webe.

Yeshaya 65:11

Kadi ebu mbualu buenu badi balekela kulonda Yehowa, badi bahua mukuna wanyi wa tshijila muoyo, badi balongoluela nzambi wakabikilabo ne, Dikasa Dimpe mesa, badi belela nzambi wakabikilabo ne, Tshishikidilu maluvu masangisha ne bintu bia muhuya muimpe mu mpanza,

Yeshaya 66:20

Nebalue ne bana benu bakuhatulabo mu bisamba bionso bia bantu bua kubafila bu mulambu kudi Yehowa, babendesha ha nyima ha tubalu, mu makalu, mu bihoyi, ha nyima ha nyama ya mpunda, ne ha nyima ha tumelo. Yehowa udi wamba ne, Nebalue nʼabo ku mukuna wanyi wa tshijila, Yelushalema mene, bu mudi Bena Isalele balua ne mulambu wabo wa bia kudia mu dilonga ditoke ku nsubu wa Yehowa.

Yirmeya 12:16

Biananukilabo kuyila bienzedi bia bantu banyi, bua kuditshihabo ku dine dianyi ne, Bu mudi Yehowa ne muoyo; bu muakuyishabo bantu banyi mua kuditshiha kudi Bala; nebajadikibue bimpe munkatshi mua bantu banyi.

Yirmeya 26:18

Mika, Muena Molesheta, wakambila bantu dî dia Nzambi mu matuku a Hezikiya, mukelenge wa Yuda. Yeye wakambila Bena Yuda bonso ne, Yehowa wa misumba udi wamba ne, Nebabundulule Siona bu mudibo babundulula budimi, Yelushalema nealue anu bikulu, ne mukuna wa ntempelo newikale bu mukuna mu ditu.

Yirmeya 31:6

Bualu bua dituku nedilue, hela batentekedi badi ha mikuna ya mu Efelayima dî ne, Jukai, tubande ku Siona kudi Yehowa Nzambi wetu.

Yezekiyele 40:2

Mu bikena kumona bia Nzambi yeye wakalua nʼanyi mu buloba bua Isalele, wakanshikika ha mutu ha mukuna mule mule, kuakadi nsubu muidikishe hanshi bu musoko ku luseke lua sude.

Osheya 3:5

Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Matayi 7:24

Muntu yonso udi munvue mei anyi â ne utu wâtumikila neikale bu muena meshi, wakibaka nsubu wandi ha mutu ha dibue;

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Yowanane 4:22

Nudi nutendelela tshinudi kanui bamanye; tuetu tudi tutendelela tshitudi bamanye; bualu bua luhandu ludi lufuma kudi Bena Yuda.

Yowanane 7:17

Bitabusha muntu kuenza bu mudi Nzambi musue, yeye neamanye diyisha edi, ne ndia Nzambi, anyi ndi ndiambila nkayanyi.

Bienzedi 1:8

Kadi nuenu nenuangate bukole, hanuhuekela Nyuma Muimpe hamʼbidi henu; nenuikale bamanyi banyi mu Yelushalema ne mu Yudaya yonso ne Samalea ne kunfudilu kua buloba.

Bienzedi 10:33

Nunku nakukutumina dî lubilu; wakulua, wakuenza bimpe. Katataka buonso buetu tudi munemu ku mesu kua Nzambi bua kunvua malu onso akukuambila Mukelenge.

Rome 10:18

Kadi ndi ngamba ne, Kabakunvua, anyi? E, bulelela, bakunvua, ne, Dî diabo diakamuangalaka ha buloba buonso, Ne mei abo akambibua kunfudilu kua buloba.

Dielulula 33:19

Bobo nebabikile bantu ku mikuna, nebashiheleku milambu ya buakane: bua bobo nebadie bintu bia bungi bia mu mai manene, ne bintu bimpe bidi bisokoma muinshi mua nsenga.

Dielulula 6:1

Ei mmikenji ne â mmei ne â mmalu wakangambila Yehowa bua kunumanyisha, bua nuenu nubienze mu buloba bunudi nuhiana:

Yakobe 1:25

Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.