Yeshaya 10:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mu dituku adi difuka dikese dia ba mu Isalele ne ba mu bana ba Yakoba badi bahanduka ku lufu, kabena beyemena muntu wakabakuma, kadi nebeyemene Yehowa, Wa Tshijila wa Isalele, mu bushuwa.

MUKANDA WA MYIDI MUKULU

²⁰ Dituku adi, bena Izrayele badi bashale ne muoyi, bena diku dia Yakobe badi kabayi bafue mu mvita, nebumuke kudi muntu uvua mubakume. Kadi nebanyemene kudi Maweja-Nangila, Mvidi Mukulu wa tshijila wa bena Izrayele. Nebamulamate kashidi.

Yeshaya 10:20 ပူးပေါင်းရင်းမြစ်များ

2 Bakalenga 16:7

Nunku Ahaza wakatuma ba-messager kudi Tigelata-pilesê, mukelenge wa Ashû, ne, Meme ndi muntu webe ne muana webe mulume; lua biebe, ansungile mu bianza bia mukelenge wa Sulia ne bia mukelenge wa Isalele, badi baluangana neanyi.

2 Bakalenga 19:31

Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.

2 Kulondolola 14:11

Asa wakadila kudi Yehowa Nzambi wandi, wakamba ne, Yehowa, kakuena mukuabo bu wewe udi mua kukuatshisha badi ne bukole ne badi kabayi ne bukole; utukuatshishe, Yehowa Nzambi wetu; bualu bua tuetu tudi tukueyemena, tuakuluila mu dina diebe bua kuluangana ne tshisumbu etshi tshinene. Yehowa, wewe udi Nzambi wetu; kuitabushi bua bantu bakuhite bukole.

2 Kulondolola 28:16

Ku tshikondo atshi mukelenge Ahaza wakatumina mukelenge wa Bena Ashû dî bua yeye kunukuatshisha.

2 Kulondolola 28:20

Tilegata-pilenese, mukelenge wa Ashû, wakalua kudiye, wakamutatshisha, kakamukuatshisha nansha.

Ezela 9:14

netushihe mikenji yebe kabidi bua kubuelakana ne bantu aba mu malu abo a bundu munyi? Bituenza nunku wewe kuena wikala nʼetu tshiji tô ne hawatubutula buonso buetu, nunku difuka dikese dia bantu kadiena mua kushala anyi kuhanduka, anyi?

Yeshaya 1:9

Bu Yehowa wa misumba kayi mutushile difuka dikese dia bantu bakahanduka munkatshi mua bantu bakadiku diambedi, tuakadi kuikala bu Sodoma, tuakadi kufuanangana ne Amola.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 11:16

Nshila munene mufume ku buloba bua Ashû neikaleku bua difuka dia bantu bandi diendelemu, bu muakadiku tshikuabo bua Bena Isalele bendelemu mu dituku diakahatukabo mu buloba bua Ejipitu.

Yeshaya 37:4

Bumue Yehowa Nzambi webe neunvue mei a Labashake, udi mukelenge wa Ashû, mukelenge wandi, mutume bua kufunyineye Nzambi udi ne muoyo bulobo, ne neasamine mei adi Yehowa Nzambi webe munvue; nunku ubishe mei ebe bua kulombela bantu badi bashala Nzambi.

Yeshaya 46:3

Nungunvuile, nuenu ba mu tshiota tshia Yakoba, ne bonso batshidi bashale ba Bena Isalele, banakutuala bu bujitu katshia nualedibua, banakuya habo katshia muhatuka mu difu.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Yirmeya 3:23

Bulelela, dikuatshisha didibo batekemena ku mikuna mihi didi hatuhu, ne tshintompatompa tshia ha mikuna mile tshidi hatuhu kabidi; bulelela, luhandu lua Bena Isalele ludi lufuma kudi Yehowa Nzambi wetu.

Yirmeya 44:14

bua kakuikadi umue wa ba mu Yuda badi bashala bakuya mu buloba bua Ejipitu bua kushikamamu wahanduka anyi washala bua kuhinganeye ku buloba bua Yuda kudibo bajinga bua kuhingana ne kushikama. Bualu bua kakuena bakuabo bahingana, anu bantu banya-banya badi banyema.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Osheya 5:13

Hakamona Bena Efelayima disama diabo, hakamona Bena Yuda mputa wabo, mu diba adi Bena Efelayima bakaya ku Ashû, bakatuma dî kudi Mukelenge Yaleba. Kadi yeye kena ne bukole bua kunushikishila disama dienu, kena mua kunûmishila mputa wenu.

Mika 5:3

Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

Sefanya 3:13

Ba mu Isalele batshidi bashala kabena benza malu mabi kabidi, kabena bamba mashimi; kabena basangana mukana muabo ludimi ludi ludinga; bualu bua nebadie ne nebalale hanshi; kakuena kuikalaku muntu wabatshinyisha.