Yeshaya 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

MUKANDA WA MYIDI MUKULU

⁴ Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Yeshaya 1:4 ပူးပေါင်းရင်းမြစ်များ

Genese 13:13

Bantu ba mu Sodoma bakadi babi, bakatamba kuhidia Yehowa.

2 Bakalenga 21:22

Wakabenga Yehowa, Nzambi wa bankambua bandi; kakenda mu nshila wa Yehowa nansha.

2 Kulondolola 12:1

Hakadi bukelenge hua Lehabama bujadikibue bimpe, ne hakakoleye biakane, yeye wakasesuka ku mikenji ya Yehowa, ne Bena Isalele bakamulonda.

2 Kulondolola 27:2

Wakenza malu mimpe ku mesu kua Yehowa, bu muakenza Uziya tatuʼandi; kadi yeye kakabuela mu ntempelo wa Yehowa. Bantu bakatshidi benza malu mabi.

Nehemya 1:7

tuakukuenzela malu a bundu, katuakutumikila mikenji ne mei mafunda ne mei majadika biwakambila muntu webe Mose.

Misambu 58:3

Bantu babi badi bahambuka mu diba didibo bahatuka munda mua bamamuʼabo, badi bahambuka mu nshila dituku dia kuledibua kuabo, bamba mei a mashimi.

Misambu 71:22

Nenkutumbishe kabidi ne lunzenze, nentumbishe lulamatu luebe lua bushuwa, Nzambi wanyi; nenkuimbile misambu ya kukutumbisha nʼai ne lunkombe, wewe wa Tshijila wa Isalele.

Misambu 78:40

Monai bungi bua misangu yakamutombokelabo mu tshihela, ne yakanyingalashabo mutshima wandi mu muaba wa hatuhu!

Misambu 78:41

E, bakahingana ku nyima, bakatela Nzambi, bakatatshisha wa Tshijila wa Bena Isalele.

Misambu 78:57

Bakalukila tshianyima, bakamutungila tshitungu bu muakenza batatu babo, bakasesuisha a bu mudi buta budi ne buelafi.

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Misambu 89:18

Bualu bua ngabu wetu ngua Yehowa; mukelenge wetu ngua Wa Tshijila wa Isalele.

Ekesode 32:7

Yehowa wakambila Mose ne, Hueka mu tshibanda, bualu bua bantu bebe bawakaluhula mu buloba bua Ejipitu bakudiona.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 1:28

Kadi kubutuka nekuhone hamʼbidi ha bantombokedi ne bantu babi diatshimue, ne bantu badi balekela kulonda Yehowa nebabutudibue.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 14:20

Wewe kuena usangishibue nʼabo mu dijikibua diebe, bualu bua wakubutula buloba buebe, wakushiha bantu bebe. Kabena batela mena a tunkanunuina tua benji ba malu mabi tshiendelele!

Yeshaya 29:19

Bena kalolo kabidi nebavudishe disanka diabo mu Yehowa, bahele ba munkatshi mua bantu nebasanke mu Wa Tshijila wa Isalele.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Yeshaya 30:1

Yehowa udi wamba ne, Mulau wikale kudi bana badi bantombokela, badi benza bualu buakudihangidishilabo, kadi budi kabuyi bufume kundi; badi bahunga tshihungidi, kadi kantshia Nyuma wanyi, bua kutentekasha bubi ha mutu ha bubi!

Yeshaya 30:15

Bualu bua Mukelenge Yehowa, wa Tshijila wa Isalele wakamba ne, Hanualukila kundi, hanuaheta dikisha kundi, nenusungidibue; mu buhote bua mutshima ne mu kungeyemena kuenu nemuikale bukole buenu. Nuenu kanuakasua nunku,

Yeshaya 30:9

Bua bantu aba badi batomboka, badi bana, bena mashimi, badi bana badi kabayi basue kunvua diyisha dia Yehowa.

Yeshaya 31:2

Kadi yeye kabidi udi ne meji, udi uvuisha makenga, kena ukudimuna mei andi, kadi neajuke bua kukanda ba mu nsubu wa benji ba malu mabi, ne bakuatshishi ba badi benza malu mabi.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 41:16

Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 41:20

bua bantu batangile, bamanye, bele meji ne bajingulule diatshimue ne, Tshianza tshia Yehowa tshiakuenza bualu ebu, Wa Tshijila wa Isalele wakubufuka.

Yeshaya 5:19

badi bamba ne, Endeshe biandi lubilu, endeshe bua kushikisha mudimu wandi bua tuetu tûmone; bualu budi Wa Tshijila wa Isalele muhangidishe busemene ha buihi, bumueneke, bua tuetu tubumanye!

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yeshaya 57:17

Bua bubi bua lukuka luandi nakadi nʼandi tshiji, nakamukuma, nakasokoka mpala wanyi ne nakadi ne tshiji; kadi yeye wakananukila kuhingana ku nyima mu nshila wakadi mutshima wandi musue kuendela.

Yeshaya 58:2

Kadi badi bakeba lungenyi kundi ku dituku ku dituku, badi ne disanka bua kumanyabo nshila yanyi, bu mudi bantu badi benza malu adi makane, ne badi kabayi balekela kulonda mikenji ya Nzambi wabo benza; badi bandomba mikenji idi mua kuyuisha buakane, badi basanka bua kusemena ha buihi ne Nzambi.

Yeshaya 65:11

Kadi ebu mbualu buenu badi balekela kulonda Yehowa, badi bahua mukuna wanyi wa tshijila muoyo, badi balongoluela nzambi wakabikilabo ne, Dikasa Dimpe mesa, badi belela nzambi wakabikilabo ne, Tshishikidilu maluvu masangisha ne bintu bia muhuya muimpe mu mpanza,

Yeshaya 65:3

Mbantu badi bantatshisha tshiji hatoke misangu yonso, bafila milambu ya hatuhu mu bibidi ne bosha musenga wa manananshi ha matafuadi.

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 2:13

Bualu bua batu banyi bakuenza malu mabi abidi: bakundekela meme, mushimi wa mai a muoyo, bakudiumbuila mena a mai, mena mamane kûhuka mene, adi kâyi mua kulama mai.

Yirmeya 2:17

Kadi wewe muine kuena mudikebele bualu ebu hawakulekela Yehowa Nzambi webe, mu tshikondo tshiakakulomboleye mu nshila, anyi?

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yirmeya 2:33

Ke bu mûdi wewe ulongolola nshila yebe ne budimu bua kudikebela dinanga! Nunku wakuyisha bakashi babi mene bienzedi biebe!

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yirmeya 32:32

bua malu mabi onso adi Bena Isalele ne Bena Yuda benze bua kunkuatshishabo tshiji, ne bobo bine ne bakelenge babo ne baminyampala babo, bakuidi babo ne baprofete babo, bantu ba mu Yuda ne bantu badi bashikame mu Yelushalema,

Yirmeya 50:29

Bikilai bananyi ba mata bua kuluisha Bena Babulona, bonso badi banana buta; babanyunguluke ne bitudilu bia bena nvita mu nseke yonso, muntu wandi umue kahanduki: Numufute bu mudi bienzedi biandi, bualu bua wakudibandisha ku mpala kua Yehowa, Wa Tshijila wa Isalele.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 7:19

Yehowa udi ukonka ne, Badi bankuatshisha meme tshiji, anyi? Kabena badihishisha bua kudifuisha bundu, anyi?

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Yezekiyele 16:33

Bobo badi bahesha bakashi ba ndumba difutu; kadi wewe udi ufila difutu kudi balunda bebe bonso, ne udi ubabueshila bua kuluabo ku nseke yonso bua kuenda nʼebe masandi.

Yezekiyele 16:45

Wewe udi muana wa bakashi, muena mamuʼebe, udi ne mulume wandi ne bana bandi lukuna; wewe kabidi, udi muena bana benu ba bakashi bakadi ne babayabo ne bana bakalelabo lukuna. Mamu webe wakadi Muena Hiti ne tatu webe wakadi Muena Amole;

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

Sefanya 1:6

Nengumushe kabidi badi balekela kulonda Yehowa ne badi kabayi bakeba Yehowa, kabayi bamulombe lungenyi luandi.

Dibadika 32:14

Nuenu nuakadibisha mu miaba ya batatu benu bu bana ba bantu babi bakavulangana, bua kudiundisha bukole bua tshiji tshia Yehowa kudi Isalele.

Matayi 11:28

Luai kundi, bonso badi ne mu dimu mukole, badi ne bujitu bunene, meme nenuhe dikisha.

Matayi 23:33

Nuenu nyoka, ne bana ba nyoka, nudi bamanye mua kuhanduka dihila dia mu Ngena munyi?

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Rome 8:7

Bua meshi mateka ku malu a mubidi adi ne Nzambi lukuna, kêna manze kudihuekesha munshi mua mikenshi ya Nzambi; bualu bukuabo kabidi, kêna ne bukole bua kuenza nunku.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Dielulula 29:25

Hashishe bantu nebambe ne, Bualu bua bobo bakahidia tshihungidi tshia Yehowa, Nzambi wa batatu babo, tshiakahungeye nʼabo hakaluhukeye nʼabo mu buloba bua Ejipitu;

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Dielulula 32:19

Yehowa wakatangila bualu ebu, wakadi nʼabo tshiji, bualu bua mateta a bana bandi balume ne a bana bandi bakashi.

Dielulula 32:5

Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

Kolose 1:24

Mpindiu ndi nsanka mu makenga andi nʼau bua bualu buenu, ne ku luanyi luseke ndi nkumbasha mu muhidi wanyi makenga a Kilisto atshidi mashale bua mubidi wandi, ekelesia mene.

Didimanyisha 18:5

bualu bua malu andi mabi akalungakana tô ne mu diulu, ne Nzambi wakuvuluka bienzedi biandi bibi.

Balombodi 10:10

Bena Isalele bakadila kudi Yehowa, bamba ne, Tuetu tuakakuenzela bibi, bualu bua tuetu tuakalekela Nzambi wetu, tuakakuatshila Babâla mudimu.