Yeshaya 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ngombe udi mumanye nfumu wandi, mpunda udi mumanye tshidilu tshia mukelenge wandi; kadi Bena Isalele kabena bamanye bualu, bantu banyi kabena bajingulula malu.

MUKANDA WA MYIDI MUKULU

³ Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Yeshaya 1:3 ပူးပေါင်းရင်းမြစ်များ

Misambu 94:8

Elanganai meji a bualu ebu, nuenu badi bajibale munkatshi mua bantu! Nuenu bantu bahote, nenulue bena meji dituku kai?

Nsumuinu 28:5

Bantu babi kabena bajingulula kulumbulula kuakane, kadi badi bakeba lungenyi kudi Yehowa badi bakajingulula tshishiki.

Nsumuinu 6:6

Wewe, muntu mufuba, ya kudi kankenene; welangane meji mudiku kaya mu nshila yaku, wikale ne meji.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Yeshaya 42:20

Wewe wakumona malu a bungi, kadi kuena wabuesha mu mutshima; matshu ebe adi majibuke, kadi kuena unvua bimpe.

Yeshaya 44:18

Bobo kabena bamanye, kabena belangana meji; bualu bua yeye wakumana kubuikila mesu abo ne kabena mua kutangila; wakukanda mitshima yabo ne kabena mua kujingulula.

Yeshaya 5:12

Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Yeshaya 5:13

Bua malu â bantu banyi badi babuela mu buhika bualu bua kabena ne meji; bantu babo baneme badi bafua ne nzala, ne nyota idi isuma ba mu tshisumbu tshiabo tshia bantu bangi.

Yeshaya 56:11

Mbua idi ne lumpukusu kabidi, kayena mua kukuta; ne bantu aba badi balami ba mikoko badi kabayi ne meji. Buonso buabo bakuhingana bua kuenda mu nshila yabo, muntu ne muntu udikebela luhetu luandi, kakuyi muntu udi kayi wenza nunku.

Yirmeya 10:14

Muntu yonso wakuandamuka bu muhote udi kayi ne meji; mutudi wa or yonso wakufuishibua bundu ku mpingu yakusongeye; bualu bua mpingu yakufulabo idi ya mashimi, kakuena muhuya munda muai.

Yirmeya 10:8

Kadi bantu kabena ne meji, badi anu ne buhote; diyisha dia mpingu didi hatuhu; idi anu tshituha tshia mutshi!

Yirmeya 35:16

Nunku, bualu bua bana balume ba Yonadaba, muana wa Lekaba, bakutumikila dî dia nkambua wabo diakabambileye, kadi bantu aba kabakungunvuila;

Yirmeya 4:22

Bantu banyi badi bahote, kabena bammanye; badi bu bana badi kabayi ne lungenyi, kabena ne dijingulula dia malu; badi ne lungenyi lua kuenzabo malu mabi, kadi kabena ne lungenyi lua kuenzabo malu mimpe.

Yirmeya 50:6

Bantu banyi bakadi bu mikoko mijimine, balami babo bakubahambuisha mu nshila, bakubalekelela bua kuendakanabo hatuhu ha mikuna; bakuendakana ku mukuna munene tô ne ku mukuna mukese; bakuhua muaba wa tshikishilu tshiabo muoyo.

Yirmeya 8:7

E, lusongo nyunyu tua mu diulu, tudi tumanye bikondo biatu; nyunyu wa nkutshi ne kandinda ne nyunyu wa mudinga idi ivuluka bikondo biai bia kuluayi; kadi bantu banyi kabena bamanye mikenji ya Yehowa.

Yezekiyele 16:30

Mukelenge Yehowa udi wamba ne, Tangila mudi mutshima webe mutekete, bualu bua udi wenza malu â onso, bu mudi mukashi wa masandi wa dikamakama wenza;

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Matayi 13:19

Hunvua muntu dî dia bukelenge bua mu diulu kai mudijingile, hashishe, mubi udi ulua, udi unyenga bualu buakumiaminabo mu mutshima wandi. Kayeyʼeu wakumiaminabo kukala kua nshila.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

2 Petro 3:5

Bua bobo badi basue kuhua muoyo bua bualu ebu ne, Diulu diakadiku kale, ne buloba huakakuatakashibua bua mu mai bufume mu mai bua dî dia Nzambi;