Yakobe 4:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nudi ne lukuka lua bintu, ne kanuena nʼabi; nudi nushihangana; nudi nukuma mitshima ku bintu bia bakuabo, kamuena mua kubiangata; nudi nufuilangane, nudi nuluangana nvita; kamuena ne bintu, bualu bua kamuena nubilonde.

MUKANDA WA MYIDI MUKULU

² Nudi nujinga tshintu, kadi kanuena mua kutshipeta. Ke panudi nukeba kushipangana. Nudi nualakana tshintu, kanuyi mua kutshipeta. Ke panudi nutandangana, nuluangana mvita. Kanuena ne binudi nukengela, bualu kanuena nubilomba kudi Mvidi Mukulu.

Yakobe 4:2 ပူးပေါင်းရင်းမြစ်များ

1 Bakalenga 21:6

Yeye wakamuambila ne, Bualu bua nakuambila Nabota, Muene Yizelele, ne, Umpe budimi buebe bua tumuma tukese ku mushinga, anyi biwasua, meme nenkuhe wewe budimi bukuabo. Yeye wakungambila ne, Tshiena nkuha budimi buanyi bua tumuma tukese.

Nsumuinu 1:19

Nshila ya bonso badi ne lukuka lua kunyenga bintu ku bukole idi nunku; ludi lujimisha mioyo ya badi nʼalu.

Muambi 4:8

mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Yeshaya 7:12

Kadi Ahaza wakamba ne, Tshiena ntshilomba, tshiena nteta Yehowa munda.

Abakuke 2:5

Bualu bua dikuatshika diandi dia maluvu didi dimuvuisha umena dikamakama, muena dihetu udi kayi musue kushala kuandi; maluvu adi adiundisha lukuka luandi ku bunene bua Muaba wa Bafue, bu lufu ludi kaluyi mua kukuta; kadi yeye udi usangisha ba mu bisamba bionso ne udi ukungisha bantu bonso kudiye.

Yowanane 16:24

Tô ne katataka kanuakanza kulomba tshintu mu dina dianyi; nulombe, nenuangate, bua disanka dienu dikumbane.

Yowanane 4:10

Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

Yakobe 1:5

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Yakobe 5:6

Nuakuhisha, nuakushiha muntu muakane; yeye kena ufuilangana nʼenu.

1 Yone 3:15

Muntu yonso udi ne muanʼabo lukuna udi mushihianganyi; ne nudi bamanye ne, Kakuena mushihianganyi udi ne muoyo wa tshiendelele muikale munda muandi.