Yakobe 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bituabuesha nkanu ya kuendesha nʼai tubalu mukana muatu, bua tuotu tututumikile, tudi tutshungulula mibidi yatu yonso.

MUKANDA WA MYIDI MUKULU

³ Patudi tuela tubalu nkanu ku mbanga, bua tuitabe bitudi tutuenzeja, tudi mua kuludika mubidi watu mujima.

Yakobe 3:3 ပူးပေါင်းရင်းမြစ်များ

2 Bakalenga 19:28

Bualu bua wewe wakafunyina bukole kundi, ne bualu bua kudisua kuebe ku mesu kuanyi, ka meme nenteke ndobo ku diulu diebe ne lukanu ku mishiku yebe, nenkuhingishe mu nshila kuwakufuma.

Yobe 41:13

Muntu kai udi mua kuvula bivualu biandi bidi hamʼbidi handi?

Misambu 32:9

Kanuikadi bu kabalu anyi bu nyama wa mpunda bidi kabiyi ne lungenyi, bidi ne bua kukandibua ne lukanu mukana muabi ne mionshi ya kubilombola nʼai, anyi kabiena bilua ha buihi nʼebe.

Misambu 39:1

Nakamba ne, Nendame mundi ngenda mu nshila yanyi, bua tshienji bibi ku ludimi luanyi. Nenteke tshintu tshia kujibika nʼatshi mukana muanyi, tô ne hatshidi muntu mubi ku mpala kuanyi.

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yakobe 1:26

Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

Yakobe 3:4

Tangilai matu kabidi, nasha wowo manene be, adi endeshibua ku bihehele bikole, kadi adi atshunguludibua ku tshidimba tshitamba bukese, kuonso kudi mutshima wa muena yenda musue.