Yakobe 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Muanʼetu wa mu Kilisto udi muhuekele atumbile mu dibandishibua diandi;

MUKANDA WA MYIDI MUKULU

⁹ Muanetu mupele asanke, bualu Mvidi Mukulu udi umubandisha kulu.

Yakobe 1:9 ပူးပေါင်းရင်းမြစ်များ

Misambu 62:9

Bulelela, bantu bahuekele badi anu muhuya, bantu badi ne buneme bunene badi mashimi. Mu tshiamu tshia kuidikisha nʼatshi bujitu badi babanda kulu; buonso buabo basangisha hohamue badi bahita muhuya kuhehela.

Nsumuinu 17:5

Muntu udi useka muhele udi uhenda Mufuki wandi, udi usanka bua dikenga dia mukuabo kena uhanga kukengeshibua.

Nsumuinu 19:1

Muntu muhele udi ne mutshima mutoke udi uhita udi ne tshishiku ne buhote buimpe.

Yeshaya 29:19

Bena kalolo kabidi nebavudishe disanka diabo mu Yehowa, bahele ba munkatshi mua bantu nebasanke mu Wa Tshijila wa Isalele.

Luke 1:52

Wakahuekesha banfumu bakadi mu nkuasa ya butumbi, Wakabandisha bantu bahuekele,

Luke 10:20

Kadi kanusanki bua nyuma mibi idi itumikila dî dienu, kadi nusanke bua mena enu adi mafunda mu diulu.

Luke 14:11

Bualu bua wadibandisha nebamuhuekeshe, wadihuekesha nebamubandishe.

Luke 9:48

wakabambila ne, Witabusha muana mukese eu mu dina dianyi udi ungitabusha meme; wangitabusha meme udi witabusha udi muntume; bua udi mutambe bukese munkatshi muenu nyeye udi mimene.

Rome 8:17

Ne bituikala bana, tudi bahianyi kabidi; bahianyi ba Nzambi, ne bahianyi tshiahamue ne Kilisto: bituakenga nʼandi, mbua tuetu tutumbishibue nʼandi.

2 Korente 6:10

bu badi ne kanyinganyinga ka mutshima, kadi tutu tuasanka misangu yonso; bu bahele, kadi tudi tuvuisha ba bungi babanshi; bu badi kabai ne bintu, kadi tudi ne bintu bionso.

Dielulula 15:11

Bualu bua bahele nebikale mu buloba buenu matuku onso, nunku nakanuambila ne, Nubulule tshianza tshienu kudi muanʼenu, kudi mukengi ne kudi muhele mu buloba buenu.

Dielulula 15:7

Bikalaku muntu muhele, umue wa bana benu, ku mbelu kua muntu yonso mu buloba budi Yehowa, Nzambi wenu, munuhe, kanukoleshi mitshima yenu, kanubuikidi tshianza tshienu kudi muanʼenu udi muhele;

Dielulula 15:9

Nudimuke, kanuedianganyi meji mabi mu mitshima yenu ne, Tshidimu tshia muanda mutekete, tshidibo balekelelangana bintu tshikadi ha kulua, ne kanuenzedi muanʼenu muhele bibi, bua kubenga kumuha tshintu; bua kadidi kudi Yehowa bualu buebe, ne bua wewe kushadi ne bubi.

Filipe 3:14

ndi ntshinta bua kufika ku ndekelu wa nshila bua kuangata bukenshi bua dibikila dia mulu dia Nzambi mu Kilisto Yesu.

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Didimanyisha 2:9

Ndi mumanye dikenga diebe ne buhele buebe (kadi wewe udi mubanshi) ne bihendu bia badi badiamba ne, Tudi Bena Yuda, ne kabena Bena Yuda; kadi badi nsunagoga wa Satana.

1 Samuele 2:8

Udi ujula bahele ha buloba: udi ujula badi ne bintu bualu ku diala: udi ubashikika hohamue ne baminyampala, bua kuhianabo nkuasa wa butumbi: bualu bua makunshi a buloba adi a Yehowa, ne yeye wakajadika buloba ha mutu hau.