Yakobe 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ mmuntu wa mitshima Ibidi udi utatakana mu nshila yandi yonso.

MUKANDA WA MYIDI MUKULU

⁸ Bualu muntu udi wela mpata, udi wenda utetuka mu bionsu bidiye wenza.

Yakobe 1:8 ပူးပေါင်းရင်းမြစ်များ

1 Bakalenga 18:21

Eliya wakasemena ha buihi ne bantu bonso, wakabakonka ne, Nudi nuenda nuzobela hankatshi ha nseke ibidi musangu bule munyi? Bikala Yehowa Nzambi, numulonde; kadi bikala Bâla Nzambi, numulonde. Bantu kabakamukudimuna.

2 Bakalenga 17:33

Bakatshina Yehowa, kadi bakakuatshila nzambi yabo mudimu, bu muakenza bantu ba mu bisamba biakabumusha.

2 Bakalenga 17:41

Nunku ba bisamba ebi bikuabo bakatshina Yehowa, bakatendelela mpingu yakasongabo; nunku bana bakalelabo ne bana bakadi bana babo balele badi benza bu muakenza batatu babo tô ne ku dituku edi.

Misambu 119:113

Ndi nkina bena mitshima ibidi; kadi ndi nnanga mikenji yebe.

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Osheya 10:2

Mitshima yabo idi mitahuluke nseke ibidi; mpindiu badi ne bua kukenga bua muanda eu; Yehowa neatshibule bioshelu biabo bituha bituha, neashimbule makunshi abo a tshijila.

Matayi 6:22

Disu didi muinda wa mubidi; bikala disu diebe dimona tshintu bimpe, mubidi webe wonso neutoke ne munya.

Matayi 6:24

Muntu kena mumanye mua kukuatshila banfumu babidi mudimu diakamue; yeye neikale ne mukuabo lukuna ne mukuabo dinanga, anyi nealamate mukuabo neahidie mukuabo. Kanuena bamanye mua kukuatshila Nzambi mudimu ne Mamona diakamue.

Yakobe 1:7

Bua muntu au kedi meshi ne, Nengangate tshintu kudi Mukelenge;

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

2 Petro 2:14

badi ne mesu mûle tente ne masandi, ne adi kâi mamanye mua kulekela malu mabi; badi balekesha badi ne mitshima mitekete; badi ne mitshima yabo mibidila mu lukuka; badi bana badi ne mulau.

2 Petro 3:16

bu mudiye wenza kabidi mu mikanda yandi yonso wambamu bua malu â, munda muai mudi manga malu adi makole ha kuajingulula, adi bantu badi kabai bayishibue ne ba mitshima mitekete bakonyangasha mei, bu mudibo benzela mei makuabo mu Mukanda wa Nzambi, bua dibutuka diabo.