Tite 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

MUKANDA WA MYIDI MUKULU

³ Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Tite 3:3 ပူးပေါင်းရင်းမြစ်များ

Genese 38:9

Onana wakamanya ne bana aba kabena bikala bu bana banyi ne hakayeye kudi mukashi wa mukulu andi, wakalela hanshi, bua yeye kaleledi mukuluʼandi bana.

Genese 39:16

Yeye wakateka tshivualu tshia Yosefe hanshi to ne hakahingana mukelenge wandi ku nsubu wandi.

Misambu 36:2

Bualu bua didi dimubomba ku mesu kuandi ne, Kabena bamuenesha dihambuka diebe dia ku buakane, kabena badikina.

Nsumuinu 8:5

Nuenu batshimbakanyi, nuyile mua kumanya budimu; nuenu bahote, nuyile mua kuikala ne mutshima wa kujingulula malu.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Yeshaya 44:20

Yeye udi udia butue bua kahia; mutshima wandi munyanguke ne mashimi wakumusesuisha. Kena mua kuhandisha muoyo wandi, kena mua kuamba ne, Tshiena nkuata mashimi mu tshianza tshianyi tshia bukole, anyi?

Obadya 1:3

Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?

Matayi 21:29

Yeye wakandamuna ne, Tshiena musue; kadi ku nyima yeye wakakudimuna mutshima wandi, wakaya.

Luke 21:8

Yeye wakamba ne, Nuende badimuke, muntu kanuhambuishi; ba bungi nebalue mu dina dianyi, bamba ne, Meme nyeye mene; bamba kabidi ne, Dituku diakulua; kanubalondi.

Yowanane 8:34

Yesu wakabakudimuna ne, Bulelela, bulelela, ndi nuambila ne, Muntu yonso utu wenza bubi udi muhika wa bubi.

Rome 11:30

Bu munuakadi ne buhidia kudi Nzambi mu bikondo biakashala ku nyima, kadi mpindiu nnakuheta luse ku buhidia buabo;

Rome 6:12

Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

Rome 6:22

Kadi katataka hanuakahikudibua ku bubi, ne hanuakavuishibua bahika ba Nzambi, nudi ne mamuma enu a ku dijidila dienu, kunshikidilu kua malu au mmuoyo wa tshiendelele.

Rome 6:6

Tudi bamanye bualu ebu ne, Muoyo wetu mukulukulu wakashihibua nʼandi ku mutshi mutshiamakane, bua mubidi wetu wa bubi kujimishibua; bua tuetu katuikadi mu buhika bua bubi kabidi.

2 Korente 12:20

Ndi ntshina ne hanalua kunudi, bumue tshiena nusangana bu mundi musue kunusangana; ne nuenu kanuena nusangana bu munudi basue kunsangana; tshiena musue kusangana ditandangana ne mukau ne tshishi ne matahuluka ne bunsonge ne mikoso ne kudisua ne mitoyo;

Ngalate 6:3

Bikala muntu udiela meshi ne, Ndi muntu mimene, hatshidiye muntu wa tshianana, yeye udi udidinga.

Kolose 1:21

Ne nuenu, bakadi diambedimbedi ba bende ne bena lukuna nʼandi mu meshi enu bua bienzedi bienu bibi,

Kolose 3:7

anuakendamu kabidi diambedi hanuakikala ne muoyo munkatshi mua malu â.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

2 Timote 3:6

Bua munkatshi mua bantu aba mudi badi babombelela mu nsubu bua babueshe bakashi bahote mu buhika badi bûle tente ne malu mabi, badi bahambuishibua ku mibi ya mishindu yonso;

Tite 1:16

Bobo badi bamba ne, Tudi bamanye Nzambi; kadi badi bamudiula ne bienzedi biabo; mbena tshinyangu, mbena buhidia, babengibue kadi Nzambi bua kuenza mudimu muimpe wonso.

Tite 2:12

utuyisha ne, Hatuahidia malu adi kâi a Nzambi ne nkuka ya ha buloba, tuikale ne meshi mahuekele ne makane ne a Nzambi hatutshidi ha buloba ebu,

Yakobe 1:26

Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

1 Petro 1:14

Nuikale bana batumikidi, kanudifuanyikishi bu munuakadi mu nkuka yenu ya diambedi, mu buhote buenu;

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Didimanyisha 13:14

Yeye udi udinga bantu badi bikala ha buloba bualu bua bimanyinu biakadiye uheshibua bua kuenza ku mesu kua nyama wa luonji, wambila badi bikala ha buloba bua kuenzabo tshifuanyikishi tshia nyama wa luonji wakadi ne mputa wa muele wa nvita ne wakushala ne muoyo.

Didimanyisha 18:2

Wakela dî dikole, wamba ne, Babulona munene wakuhuka, wakuhuka, wakulua muaba wa bademon ne nsubu wa lukanu wa nyuma yonso wa bukoya, ne nsubu wa lukanu wa nyunyu yonso wa bukoya ne udi wa kukina.