Tite 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² utuyisha ne, Hatuahidia malu adi kâi a Nzambi ne nkuka ya ha buloba, tuikale ne meshi mahuekele ne makane ne a Nzambi hatutshidi ha buloba ebu,

MUKANDA WA MYIDI MUKULU

¹² Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Tite 2:12 ပူးပေါင်းရင်းမြစ်များ

Misambu 105:45

Bua kulondabo mei akabambileye; ne bua kutumikilabo mikenji yandi. Tumbishai Yehowa!

Misambu 4:3

Kadi mimanye ne, Yehowa wakudijidila muntu muakane bua bualu buandi; Yehowa neangunvuile hanamuela dî.

Yezekiyele 36:27

Nenteke Nyuma wanyi munda muenu, nennuendeshe mu mikenji yanyi mifunda, nenutumikile mikenji yanyi, nengenze.

Matayi 12:32

Muntu yonso wahetula Muana wa muntu, nebamujimishile bubi buandi; kadi wahetula Nyuma Muimpe kabena bamujimishila bubi buandi nasha mu tshikondo etshi nasha mu tshikondo tshialua.

Matayi 16:24

Yesu wakambila bayidi bandi ne, Biasua muntu kundonda, adihidie, ambule mutshi wandi mutshiamakane, alonde.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Luke 1:75

Nenutendelele mu buimpe ne mu Buakane ku mpala kuanyi matuku enu onso, kanui ntshina.

Yowanane 14:30

Tshiena nuambila malu makuabo a bungi, bualu bua mukokeshi wa buloba ulualua, yeye kena nʼanyi bualu munda muanyi;

Yowanane 6:25

Hakamumonabo dishia dia dishiba, bakamukonka ne, Labi, wakulua kunoko diba henyi?

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Bienzedi 24:25

Hakadiye wakulangana abo bualu bua buakane, ne bua didikanda, ne bua tshilumbuluidi tshilualua, Felika wakatshina bikole, wakamba ne, Ya biebe katataka; hanaheta tshikondo tshiakane, nenkubikile kundi.

Rome 12:2

Kanudifuanyikishi ku malu a mu tshikondo etshi, kadi miandamuke ku dikudimuna dia meshi enu to meshi mahia-mahia bua nuenu nujingulule mudi disua dia Nzambi didi dimpe, didi dimusankisha, ne didi diakane tshishiki.

Rome 6:12

Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 6:19

(Ndi ngakula ne tshiakuidi tshia bantu bualu bua butekete bua mibidi yenu.) Bu munuakafila bituha bia mibidi yenu bu bahika ba bukoya ne malu mabi ha mutu ha malu mabi, nunku katataka filai bituha bia mibidi yenu bu bahika ba buakane bua kudijidila.

Rome 8:13

Bua binualonda malu a mubidi, nudi ne bualu bua kufua; kadi binuafuisha bienzedi bia mubidi kudi Nyuma, nenuikale ne muoyo.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

Ngalate 1:4

wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Efeze 1:4

bu muakatusunguleye munda muandi diambedi yeye kai muanze kufuka buloba, bua tuetu tuikale bantu ba tshijila badi kabai mua kubandibua ku mesu kuandi mu luse.

Efeze 2:2

anuakendamu diambedi bu mudi tshikondo tshia buloba ebu, bu mudi mukelenge wa bukokeshi bua mu luhehele, wa nyuma udi wenzesha katataka munkatshi mua bana ba buhidia.

Kolose 1:22

katataka yeye wakulengeshangana nʼenu mu mubidi wandi wa ha buloba bualu bua lufu luandi, bua kunuteka ku mesu kuandi bu bantu ba tshijila, badi kabai ne tshilema ne badi kabai mua kubandibua ku mpala kuandi;

1 Tesalonike 4:7

Bualu bua Nzambi kakatubikila bua kuikala ne bukoya bua mutshima, kadi wakatubikidila mu malu a tshijila.

1 Tesalonike 4:9

Kadi bualu bua dinangangana dia bana babo ba mu Kilisto, kanuedi ne bualu bua muntu anufundile dî; bualu bua nuenu nudi bayishibue kudi Nzambi bua kunangangana.

1 Timote 4:12

Muntu kakulenguludi bua bunsongalume buebe; kadi wikale tshileshilu kudi bena ditabusha mu mei ne mu tshikadilu tshiebe ne mu dinanga ne mu ditabusha ne mu butoke bua mutshima.

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.

1 Timote 6:9

Kadi bobo badi basue kuikala babanshi badi bahona mu kutetshibua kua munda ne mu buteyi ne mu nkuka ya bungi Idi mihote ne idi ibanyanga, bu yoyo mene idi inyisha bantu mu dibashihesha ne mu dibutuka.

2 Timote 3:12

Ne bantu bonso badi basue kuikala bena kanemu mu Kilisto Yesu nebakengeshibue.

2 Timote 4:10

bualu bua Dema wakandekela mumane kusua malu a ha buloba, wakaya ku Tesalonike; Kulesekene wakaya ku Galatia; Tito wakaya ku Dalamatia.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Ebrewu 8:11

Ne kabena bayîshangana muntu ne muntu ne mukuandi, Ne muntu ne muntu ne muanʼabo, bamba ne, Umanye biebe Mukelenge; Bua bonso nebanmanye, Kudi udi mutambe kuhuekela tô ne kudi udi mutambe bunene munkatshi muabo.

Yakobe 1:27

Bualu bua Nzambi bua bushua ne budi kabui bunyanguka ku mesu kua Nzambi Tatu budi nunku, bua kuya kutangila bana ba nshîa ne bakashi ba mu lufuila mu dikenga diabo, ne bua kudilama kai ne ditoba dia ku malu a ha buloba.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

2 Petro 3:11

Bualu bua bintu ebi bionso bidi bijimina nunku, bunudi nʼabu mbua kuikala bantu ba mushindu kai mu bienzedi bia tshijila ne bia Nzambi,

1 Yone 2:27

Ne nuenu bienu, diedibua dia manyi dinuakuangata kudiye didi dikale munda muenu, nunku kanuena ne bualu bua muntu anuyishe; kadi bu mudi diela diandi dia manyi dinuyisha bua malu onso, didi dilelela kabidi ne kadiena mashimi, bu muakanuyishadi, nushale munda muandi.

1 Yone 2:6

yeye udi wamba ne, Ndi muikale munda muandi, budiye nʼabu mbua kuenda bu muakendeye mene.

1 Yone 5:19

Tudi bamanye ne, Tuetu tudi ba Nzambi, ne ba ha buloba bonso badi balala mu bubi.

Yuda 1:18

ne bakanuambila ne, Mu tshikondo tshia kunshikidilu bena tuseku nebikaleku, benda bu mudi nkuka yabo idi ibenga Nzambi.

Didimanyisha 14:12

Eku nkutantamana kua basanto, badi batumikila mikenshi ya Nzambi, ne ditabusha dia Yesu.