Tite 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ alamate dî didi mua kueyemenyibua didi bu mudi diyisha dia Nzambi, bua yeye amanye mua kusengelela bantu ne diyisha dilenge, ne mua kutuisha bena mpata.

MUKANDA WA MYIDI MUKULU

⁹ Alongeshe malu a Mvidi Mukulu malelela, amu muvuabu bamulongeshewu. Nanku neamanye mua kukolesha bantu bakuabu ku muoyi. Alongeshe amu malu malelela. Aleje bantu badi babenga dilongesha diende ntupakanyi yabu.

Tite 1:9 ပူးပေါင်းရင်းမြစ်များ

Yobe 2:3

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi. Yeye utshidi unanukila kulamata ku buakane buandi, kadi wewe wakanshikila bualu buandi bua kumubutula kayi ne bualu,

Yobe 27:6

Nennanukile kukuata buakane buanyi ne tshiena mkulekela nansha. Mutshima wanyi kawena umpisha bua dituku dimue dia ku matuku anyi onso.

Nsumuinu 23:23

Sumba bushuwa, kubuhanyi nansha; sumba meji, diyisha ne dijingu tula dia mianda.

Bienzedi 18:28

bualu bua wakadi utuisha Bena Yuda bikole ku mesu kua bantu, ubalesha mu Mukanda wa Nzambi ne, Yesu udi Kilisto.

1 Korente 14:24

Kadi biamba buonso buabo dî dia Nzambi, ne biabuela muntu udi kai muena ditabusha anyi udi kai mumanye miaku, yeye udi ubedibua kudi buonso buabo, udi ulumbuluishibua kudi buonso buabo;

1 Tesalonike 5:21

Nujingulule malu onso; nulamate malu adi mimpe;

2 Tesalonike 2:15

Nunku bana betu, nudijadike bimpe, nulamate ku bilele biamba kudi bantu biakanuyishabo, nasha ku mei etu nasha ku mukanda wetu.

1 Timote 1:10

ne bena masandi, balume badi benzelangana malu a bundu, banyengi ba bantu, bena mashimi, bena mitshihu ya mashimi, anyi bikalaku tshinga tshintu tshidi tshifuilangana ne diyisha dimpe;

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

1 Timote 1:19

Ulamate ditabusha ne muoyo-mukese muimpe; bakuabo bakumusha malu â kudibo, bakanyanguka mu ditabusha diabo bu mudi majua matshibuke mu mai.

1 Timote 4:9

Di edi didi mua kueyemenyibua ndidi bonso bamanye mua kuitabusha.

1 Timote 6:3

Biayisha muntu diyisha dikuabo dia bualu bua Nzambi, ne bikaleye kai witabusha mei adi malenge, nga Mukelenge wetu Yesu Kilisto mene, ne kai witabusha diyisha dia bu mudi buimpe bua Nzambi;

2 Timote 1:13

Ulamate tshidikishilu tshia mei malenge awakuamua kundi mu ditabusha ne mu dinanga dia mu Kilisto Yesu.

2 Timote 2:2

Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

2 Timote 2:25

adimushe badi badimanyika bu baluisha ne mutshima wandi muhuekele; ne bumue Nzambi neakudimune mitshima yabo ku dimanya dia bualu bulelela;

2 Timote 3:14

Kadi wewe wikale mu malu awakayila ne awakeyemena ne, Nga bushua; umanya biebe bantu bakakuyishau;

2 Timote 4:3

Bualu bua tshikondo netshilue hikalabo kabai bunvua diyisha dilenge ne lutulu; kadi bualu bua matshu abo adi asasakana, bobo nebadikebele bayishi ba bungi bu mudi disamina dibi dia mitshima yabo;

Tite 1:11

budibo nʼabu mbua kubuikidishibua mishiku yabo; bobo badi bona ditabusha dia bena nsubu mijima, bayisha bantu malu adibo kabai ne bualu bua kubayisha, hua kuhetabo biuma bibihe.

Tite 2:1

Kadi wewe wambe malu adi makanangane ne diyisha dilenge;

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

Didimanyisha 2:25

Kadi tshinudi nʼatshi, nutshikuate bikole tô ne hanalua.

Didimanyisha 3:11

Ndualua lubilu, ukuate bikole tshiudi nʼatshi, bua muntu kanyengi tshifulu tshiebe tshia butumbi.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.