Rome 9:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mukanda wa Nzambi udi Wambila Palô ne, Bua bualu ebu nakakubishila, bua kulesha bukole buanyi munda muebe, ne bua dina dianyi ditedibue ha buloba buonso.

MUKANDA WA MYIDI MUKULU

¹⁷ Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

Rome 9:17 ပူးပေါင်းရင်းမြစ်များ

Estere 4:14

bualu bua biwahuwa biebe ku tshikondo etshi, dikuatshisha ne luhandu nebimueneke kudi Bena Yuda bifume ku muaba mukuabo, kadi wewe ne ba mu nsubu wa tatu webe nenufue; nganyi udi mumanye ne, Wewe wakabuela mu bukelenge anu bua tshikondo etshi mene?

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Ekesode 9:16

Kadi bulelela, nakukubisha bua kukulesha bukole buanyi ne bua dina dianyi dimanyishibue ha buloba buonso.

Nsumuinu 16:4

Yehowa wakafuka tshintu tshionso ne kafukila katshi; e, wakalongoluela muntu mubi dituku dia dikenga.

Yeshaya 19:12

Nunku bena meji bebe badi kudi kunyi? Bobo bakuambile mpindiu, bamanye biabo bualu budi Yehowa wa misumba muhangidishe bua kuenzela Ejipitu.

Yeshaya 37:20

Nunku, ndi nkusengelela, Yehowa Nzambi wetu, utusungile mu tshianza tshiandi, bua ba mu makelenge onso a ha buloba bamanye ne wewe Yehowa udi Nzambi nkayebe.

Danyele 4:22

Mutshi eu nguewe muine, mukelenge. Wewe wakudiunda mimene ne mukole; bualu bua bunene buebe buakuhita bunene, budi bufika tô ne mu diulu, bukokeshi buebe budi bufika tô ne kunfudilu kua buloba.

Yowanane 17:26

nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Rome 11:4

Kadi diandamuna dia Nzambi didi dimuambila tshinyi? Udi Wamba ne, Bua bualu buanyi nakadishila balume binunu muanda mutekete badi kabai batue binu hanshi kudi Bâla.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Ngalate 3:8

Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Ngalate 4:30

Kadi Mukanda wa Nzambi udi wamba tshinyi? Udi wamba ne, Ihata mukashi muhika ne muanʼandi mulume: bualu bua muana wa mukashi muhika kena mua kuhiana bintu ne muana wa mukashi, muena budishikaminyi.

Yoshua 9:9

Bakamuambila ne, Bahika bebe bakalua kule ku buloba bukuabo bualu bua dina dia Yehowa, Nzambi webe; bualu bua tuetu tuakunvua lumu luandi ne malu onso akenzeye mu Ejipitu,

1 Samuele 4:8

Mulau wakutukuata! Nganyi watusungila mu bianza bia nzambi ei ya bakole? Ei nnzambi yakashiha Bena Ejipitu ne makenga makole mu tshihela.