Rome 8:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kambiobio nkayabi bidi bienza nunku, hadi tuetu kabidi badi ne mamuma a kumudilu a Nyuma Muimpe, tuetu bine tudi tufua mikemu munda muetu, hatudi tuindila buhianyi buetu bua bana, mbuhikudibu bua mibidi yetu mene.

MUKANDA WA MYIDI MUKULU

²³ Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.

Rome 8:23 ပူးပေါင်းရင်းမြစ်များ

2 Kulondolola 31:5

Hakambeye mukenji eu, Bena Isalele bakafila bintu bia bungi bia bintu biakahuolabo diambedi ne bia nvinyo ne bia manyi ne bia buitshi ne bia bintu bionso biakamena mu madimi abo; bakalua ne tshia dikumi tshia bintu biabo bia bungi.

Luke 20:36

kabena bamanye mua kufua kabidi, badi muomumue ne banjelo; badi bana ba Nzambi, badi bana ba dibika dia ku lufu.

Luke 21:28

Habanga malu â kulua, nubanduluke, nutangile mulu, bualu bua bunuhikudi buenu budi ha buihi.

Rome 5:11

Kemuanda eu nkayau, kadi tudi tutumbila kabidi mu Nzambi bua Mukelenge wetu Yesu Kilisto, kutudi bahete dilengesha kudiye mpindiu.

Rome 5:3

Bualu bukuabo kabidi, tutumbile bietu mu ntatu, tumanye ne, Ntatu idi yenzesha ditantamana,

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Rome 7:24

Ka meme muena majia! Wansulula ku mubidi wa lufu elu, nganyi?

Rome 8:19

Bualu bua ditekemena dikole dia bifukibua didi dindila dimueneshibua dia bana ba Nzambi.

1 Korente 1:7

Nunku kanuena nuhanga mu tshihedi tshimue; nudi nuindila dimueneka dia Mukelenge wetu Yesu Kilisto.

2 Korente 1:22

wakatutekela tshimanyishilu tshiandi ne wakatuha tshieya tshia Nyuma Muimpe mu mitshima yetu kabidi.

2 Korente 7:5

Hatuakalua mu Makedonia mene, mibidi yetu kayakadi ne dikisha, kadi tuakadi tutatshishibua ku nseke yonso; nvita yakadi hamʼbidi, ne ditshina diakadi munda muetu.

Ngalate 5:5

Tuetu, bualu bua Nyuma udi utukuatshisha, ku ditabusha tudi tuindila buakane butudi tutekemena,

Efeze 1:14

udi tshieya tshia buhianyi buetu, tô ne ku kuhikudibua kua bantu ba Nzambi muenʼabo, bua dianyisha dia butumbi buandi.

Efeze 4:30

Kanunyingalashi Nyuma Muimpe wa Nzambi, nuakahebua tshimanyishilu kudiye munda muenu tshidiku tô ne halua dituku dia buhikudi.

Efeze 5:9

(mamuma a munya adi malu mimpe onso ne malu makane ne malu malelela),

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

Tite 2:13

hatudi tuindila ditekemena dietu dia disanka, ne dimueneka dia butumbi bua Nzambi munene ne Musungidi wetu, Yesu Kilisto.

Ebrewu 9:28

nunku, Kilisto kabidi, hakafidibueye musangu umue hua kutualeye mibi ya bantu ba bungi, neamueneke musangu muibidi mutahuluke ku bubi, kudi bantu badi bamuindila tô ne ku luhandu luabo.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Yone 3:2

Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.