Rome 5:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Budi bualu bukole bua muntu kufuila anu muntu mubingishibue, kadi bumue mukuabo neitabushe kufuila muntu muimpe wa bushua.

MUKANDA WA MYIDI MUKULU

⁷ Bidi bikole bua kuanyisha kutuila muntu udi kayi ne bualu. Bumue muntu udi mua kukolesha muoyi, kutuila muntu wa malu mimpe.

Rome 5:7 ပူးပေါင်းရင်းမြစ်များ

2 Samuele 18:27

Mutentekedi wakamba ne, Ndi ngelangana meji ne luendu lua muntu udi ku mpala ludi bu lua Ahimasa, muana wa Sadoka. Mukelenge wakamba ne, Yeye udi muntu muimpe, udi ulua ne lumu luimpe.

2 Samuele 18:3

Kadi bantu bakamuambila ne, Kuyi nansha; bualu bua bituanyema, kabena nʼetu bualu; biashihabo tshituha tshia buonso buetu, kabena nʼetu bualu nansha; wewe udi uhita binunu bietu dikumi mushinga mukole; bidi bitamba buimpe bua wewe kudilongolola bua kutukuatshisha ku musoko.

Misambu 112:5

Muntu udi ulesha bantu luse ne udi ubasombesha bintu udi ne disanka, udi ulonda malu andi anu ha muanda.

Matayi 13:15

Mitshima ya bantu aba yakulua manyi a bungi, Badi mpudi matshu, Bakubikila mesu abo; Nunku kabamonyi ne mesu abo, Kabunvu ne matshu abo, Kabamanyi mu mitshima yabo. Kabakudimunyi mitshima yabo Bua meme mbondahe.

Yowanane 15:13

Kakuena muntu udi ne dinanga didi ditambe edi, dia muntu udi ufuila balunda bandi.

Bienzedi 11:24

Bualu bua yeye wakadi muntu muimpe, wakadi mûle tente ne Nyuma Muimpe ne ditabusha; ba bungi bakasangishibua kudi Mukelenge.

Rome 16:4

Bobo mene bakafila nshingu yabo bua kuikosabo bua muoyo wanyi; kudibo kutudi tubasakidila, kememe nkayanyi, kadi bena ekelesia bonso ba mu bisamba bia bende.

Rome 5:6

Bualu bua hatutshivua batekete, mu tshikondo tshiakane Kilisto wakafuila bantu babi.

Rome 5:8

Kadi Nzambi wakatamba kulesha luse luandi kutudi mu muanda eu ne, Hatutshivua bantu babi, Kilisto wakatufuka.

1 Yone 3:16

Mu muanda eu tudi bamanye dinanga, bualu bua Yesu wakateka muoyo wandi hanshi bua bualu buetu; ne tuetu tudi ne bualu bua kuteka mioyo yetu hanshi bualu bua bana betu.