Rome 5:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bua bualu buandi kabidi tudi ne tshibueledi tshietu bua ditabusha mu ngasa emu mutudi bashindame; tutumbile bietu bua ditekemena dia butumbi bua Nzambi.

MUKANDA WA MYIDI MUKULU

² Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Rome 5:2 ပူးပေါင်းရင်းမြစ်များ

Misambu 17:15

Kadi meme hanyi, mu kubingishibua kuanyi, nemmone mpala webe: nengikale ne disanka dikumbane hanatabala ne hanatangila tshifuanyikishi tshiebe.

Misambu 73:24

Wewe neundombole ne meji ebe, hashishe, neumbueshe mu butumbi.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Abakuke 3:18

kadi meme hanyi nensanke mu Yehowa, nentumbile mu Nzambi wa luhandu luanyi.

Matayi 25:21

Mukelenge wandi wakamuambila ne, Bimpe, muana wanyi muimpe ne muntumikidi, wewe wakadi untumikila hawakadi ha mutu ha bintu bikese, nenkuteke ha mutu ha bintu bia bungi, buela mu disanka dia mukelenge webe.

Yowanane 10:7

Yesu wakabambila kabidi ne, Bulelela, bulelela, ndi nuambila ne, Meme ndi mushiku wa mbelu wa mikoko.

Yowanane 10:9

Meme ndi mushiku wa mbelu; wabuela kundi, neasungidibue, neabuele, neahatuke, neahete mashinde.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Bienzedi 14:27

Hakaluabo, hakasangishabo bena ekelesia, bakabalondela malu onso akenza nʼabo Nzambi, ne bua yeye wakunzuluila bisamba bia bende tshibi tshia ditabusha.

Rome 11:20

Bimpe; bakuâhula bua huhidia buau, kadi wewe udi ujalamamu bua ditabusha diebe. Kuedi meshi a kudilesha, kadi utshine biebe.

Rome 12:12

Nusanke mu ditekemena dienu, nuikale ne ditantamana mu makenga; nunanukile mu kutendelela.

Rome 14:4

Wewe udi nganyi udi ulumbuluisha umena mudimu wa mu nsubu wa mukuabo? Yeye udi wimana anyi udi uhona bua mukelenge wandi mene. Yeye neimane, bualu bua Mukelenge udi ne bukole bua kumuimanyika.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Rome 3:23

Bualu bua bonso bakenza malu mabi, ne badi bahanga kuheta butumbi kudi Nzambi.

Rome 5:5

Ne ditekemena kadiena difuisha bundu, bualu bua luse lua Nzambi luakitshikila mu mitshima yetu kudi Nyuma Muimpe wakafukeye.

Rome 8:1

Nunku kakuena dihila mpindiu kudi badi mu Kilisto Yesu.

Rome 8:24

Bua tuakasungidibua mu ditekemena; kadi ditekemena didibo bamona ku mesu kanditekemena; bualu bua muntu kai udi utekemena bidiye umona ku mesu?

1 Korente 15:1

Bana betu, katataka ndi numanyisha lumu luimpe lunakanuambila, lunuakitabusha kabidi, lunudi nuimanamu kabidi,

2 Korente 3:18

Kadi buonso buetu, katui ne tshilulu tshikudika ha mpala, tudi tutangila bu mu ludimuenu butumbi bua Mukelenge, tudi tuandamushibua mu tshifuanyikishi tshiotshimue ku butumbi ne ku butumbi; bu mudi kudi Mukelenge Nyuma.

2 Korente 4:17

Bualu bua dikenga dietu dikese dia tshituha tshihi didi ditamba kutuenzeshela bujitu bua butumbi bua tshiendelele musangu ne musangu;

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Efeze 3:12

bua bualu buandi tudi ne dikima ne ha kubuelela kudiye ne ditekemena, bua ditabusha ditudi tumuitabushe nʼadi.

Efeze 6:13

Bua muanda eu angatai bintu bionso bia nvita bia Nzambi, bua nuenu numanye mua kudimanyika bimpe halua dituku dibi, ne, hanuashikisha kuenza malu onso, nudi mua kuimana.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

Ebrewu 3:6

kadi Kilisto wakadi wa kueyemenyibua bu Muana ku mutu kua nsubu wa Nzambi; tuetu tudi nsubu wandi, bitualamata ku dikima dietu ne ku kutumbila kua ditekemena dietu bikole tô ne kunshikidilu.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;

Didimanyisha 21:11

muikale ne butumbi bua Nzambi; ne dinkenka diau diakafuana dibue dia mushinga mutambe bukole, bu dibue dia yasape, ditoke tô bu ntalatala.

Didimanyisha 21:23

Musoko kawena ukengela diba, anyi ngondo bikenkamu; bualu bua butumbi bua Nzambi budi bûtemenamu, ne Muana wa Mukoko udi muinda wau.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

Didimanyisha 3:21

Udi uhita bukole nemuhe bua kushikameye nʼanyi mu nkuasa wa butumbi, bu munakatamba bukole ne munakashikama ne Tatu wanyi mu nkuasa wandi wa butumbi.