Rome 4:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ (bu muakafundabo ne, Nakakuvuisha nkambua wa bisamba bia bungi). Mulayi wakajadikibua ku mpala kua wakuitabusheye, Nzambi mene, udi uha badi bafue muoyo, udi Ubikila bidi kabihu bu bidi bikalehu.

MUKANDA WA MYIDI MUKULU

¹⁷ mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Rome 4:17 ပူးပေါင်းရင်းမြစ်များ

Genese 17:16

nemmuvudishile di sanka, yeye neakulelele muana mulume, nemmusankishe bulelela, yeye neikale nkambua wa bisamba bia bungi, ne bakelenge ba bantu nebaluhuke munda muandi.

Genese 17:20

Nakukunvuila bualu bua Yishemaele kabidi, mona, nakumusankisha, nemmukumbashe, nemmuvuishe bisamba bia bungi, yeye nealele baminyampala dikumi ne babidi, nemmuvuishe tshisamba tshinene.

Genese 28:3

Nzambi wa Bukole Buonso akusankishe akukumbashe, akuvuishe bana ba bungi bua wewe ulue tshisumbu tshinene tshia bantu,

Yeshaya 43:6

Nengambile luseke lua node ne, Ubalekele, nengambile luseke lua Sude ne, Kukandamanyi nʼabo; nulue kundi ne bana banyi ba balume badi ku luseke lua kule, ne bana banyi ba bakashi badi kunfudilu kua buloba.

Yeshaya 44:7

Udi mua kuamba malu adi kâyi manji kulua, bu mundi ngenza, katshia najadika bantu ba kale, nganyi? Ambe biandi muandu eu, aubulule ku mpala kuanyi. Bambile biabo malu adi alua ne malu alualua kuhita.

Yeshaya 48:13

Bulelela, tshianza tshianyitshiakajadika bishimikidi bia buloba, tshianza tshianyi tshia bukole tshiakabalula diulu; hanabibikila, bidi bimana hohamue.

Yeshaya 49:12

Monai, bantu aba nebafume kule, ne bantu aba nebafume ku nôde, ne ku wesete, ne bantu aba nebafume ku buloba bua Bena Siene.

Yeshaya 51:2

Tangilai kudi Abalahama tatu wenu, ne kudi Sala wakamuela; bualu bua hakadiye ha nkayandi nakamubikila, nakamuvudishila disanka, nakamuvudisha bua ikale bantu ba bungi.

Yeshaya 55:12

Bualu bua nenduhuke ne disanka, nebanulombole ne ditalala; mikuna minene ne mikuna mikese neyibishe mei ai mu kuimba kua misambu ku mpala kuenu; mitshi yonso ya mu mpata neyitutakashe bianza.

Matayi 3:9

kanuedianganyi meshi munda muenu ne, Tuetu iudi ne Abalahama tatu wetu; ndi nuambila ne, Nzambi udi mumanye mua kubisha mabue â alue bana ba Abalahama.

Yowanane 5:21

Bu mudi Tatu ubisha bafue, ubaha muoyo; nunku kabidi Muana udi uha badiye musue muoyo.

Yowanane 5:25

Bulelela, bulelela, ndi nuambila ne, Diba nedilue, didiku katataka mene, diunvua bafue dî dia Muana wa Nzambi; badi bunvua nebikale ne muoyo.

Yowanane 6:63

Nyuma ngudi uha muoyo, mubidi kawena wenza bualu; mei anakunuambila adi nyuma ne muoyo.

Bienzedi 15:18

Mukelenge udi Wamba nunku udi umanyisha malu â kale.

Rome 3:29

Nzambi udi anu Nzambi wa Bena Yuda nkayabo, anyi? Yeye kena Nzambi wa bisamba bia bende kabidi, anyi? E, udi Nzambi wa bisamba bia bende kabidi;

Rome 4:18

Bualu bua Abalahama, wakitabusha ne ditekemena, kai ne bualu bua kutekemena, bua kulueye nkambua wa bisamba bia bungi, bu mudi dî diakambabo ne, Ke muikale tunkanuniuna tuebe.

Rome 4:2

bualu bua bikala Abalahama mubingishibue ku bienzedi, udi ne tshia kuditumbisha nʼatshi, kadi kenku mesu kua Nzambi.

Rome 8:11

Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.

Rome 9:11

ne diambedi bana kabai banze kuledibua, kabai banze kuenza bualu buimpe anyi bualu bubi, bualu bua disua dia Nzambi dikale dijalama bu mudi disungula diandi, kambua kuenza kua mikenshi, kadi bua yeye udi ubabikila,

Rome 9:26

Bualu ebu nebuikaleku kabidi ne, Mu muaba muakadibo bamba ne, Kanuena bantu banyi, muamua nebabikidibue ne, Bana ba Nzambi wa muoyo.

1 Korente 1:28

ne Nzambi wakasungula malu mahuekela a ha buloba, ne malu adibo bahetula, ne bintu bidi kabîku, bua kuvuisheye nʼabi bintu bidiku ne ntshianana;

1 Korente 15:45

Bu muakafundabo ne, Muntu wa kumudilu, Adama, wakalua musûke udi ne muoyo. Ne Adama wa kunshikidilu wakalua nyuma udi uhesha bantu muoyo.

1 Timote 6:13

Ndi nkuambila bikole ku mesu kua Nzambi udi uhesha bintu bionso muoyo, ne kua Kilisto Yesu wakajukula bualu buandi bimpe ku mesu kua Pontio Pilato;

Ebrewu 11:12

Nunku kabidi, kudi muntu umue, ne yeye bu mufile mene, bana bakaledibua bu mitoto ya mu diulu mu bungi buabo, ne bu nsenga ya ku muelelu wa mai manene idibo kabai bamanye mua kubala.

Ebrewu 11:3

Bua ditabusha tudi tujingulula ne buloba buakalongolodibua ku dî dia Nzambi, bua nunku bitudi tumona ku mesu kabiakufukibua ku bintu bidi bimueneka ku mesu.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

1 Petro 2:10

Mu tshikondo tshia diambedi kanuakadi bantu, kadi katataka nudi bantu ba Nzambi; kanuakafuidibua luse, kadi katataka nuakufuidibua luse.

2 Petro 3:8

Kadi bananga, kanuhu muoyo bua bualu ebu bumue ne, Dituku dimue kudi Mukelenge didi bu bidimu tshinunu, ne bidimu tshinunu bidi bu dituku dimue.