Rome 3:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua kakuena muntu wabingishibua ku mesu kuandi bua kuenza kua mikenshi. Bualu bua ku mikenshi kudi kufuma dijingulula dia bubi.

MUKANDA WA MYIDI MUKULU

²⁰ Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Rome 3:20 ပူးပေါင်းရင်းမြစ်များ

Yobe 15:15

Tangila mudi Nzambi kayi weyemena bandi ba tshijila, ne diulu kadiena ditoke tô ku mesu kuandi;

Misambu 130:3

Yehowa, bu wewe mubale dihambuka dia bantu, muntu kai wakadi mua kuimana, Mukelenge?

Misambu 143:2

Kulumbuluishi muena mudimu webe, bualu bua kakuena muntu udi muakane ku mesu kuebe hatshidiye ne muoyo.

Bienzedi 13:39

ne bua bualu buandi, muntu yonso wamuitabusha udi ubingishibua ku malu onso, akadi mikenshi ya Mose kayi mimanye mua kunubingisha.

Rome 2:13

Badi bakane ku mesu kua Nzambi kembunvu ba mikenshi, kadi benji ba mikenshi nebabingishibue.

Rome 3:28

Nunku tudi tuamba ne, Muntu udi ubingishibua ku ditabusha, kenku kuenza kua mikenshi.

Rome 4:13

Bualu bua mulayi wa kuhianeye buloba kawakadi kudi Abalahama anyi kudi tunkanunuina tuandi bualu bua mikenshi; kadi wakadika bua buakane bua ku ditabusha.

Rome 4:15

Mikenshi idi yenzesha tshishi, kadi kudi kakui mikenshi, kakuena kushiha kua mikenshi.

Rome 5:13

Bualu bua bubi buakadi ha buloba tô ne hakalua mikenshi ya Mose, kadi bubi kabuena bubadibua kudi muntu hadiku kakui mikenshi.

Rome 5:20

Mikenshi yakabuela kabidi bua bushihi bua mikenshi buvulangane. Kadi hakavulangana bubi, ngasa wakatamba kusangana.

Rome 7:11

Bualu bua bubi buakaheta tshikondo tshiakane, buakanteya ku mukenshi, buakanshiha nʼau.

Rome 9:32

Bualu kai? Bualu bua bakabakeba kenku ditabusha, hadi bu mudibo babukeba ku kuenza kua mikenshi. Bakalenduka ku dibue dia tshilenduishi,

1 Korente 15:56

Kalonda ka lufu kadi bubi, ne bukole bua bubi budi mikenshi;

Ngalate 2:16

kadi ludi bamanye ne kakuena muntu wabingishibua bua kuenza kua mikenshi kadi anu ku ditabusha dia mu Yesu Kilisto; tuetu kabidi tuakitabusha Kilisto Yesu bua kubingishibua ku ditabusha dia mu Kilisto, kenku kuenza kua mikenshi, bualu bua kakuena muntu wabingishibua ku kuenza kua mikenshi.

Ngalate 2:19

Bualu bua mikenshi nakamana kufua ku mikenshi, bua meme ngikale ne muoyo kudi Nzambi.

Ngalate 5:4

Nudi batahuluke kudi Kilisto, nuenu badi bakeba kudibingisha ku mikenshi; nuakumuka mu ngasa,

Ebrewu 7:19

(bua mikenshi kayakavuisha tshintu tshimue tshiakane tshishiki), ne dibueshibua ha muaba wau dia ditekemena ditamba buimpe didiku, ditudi tusemena nʼadi ha buihi ne Nzambi.