Rome 2:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi badi ne matandu, badi kabai batumikila malu a bushua, badi batumikila malu mabi, yeye neabafute tshishi ne difika dia munda.

MUKANDA WA MYIDI MUKULU

⁸ Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

Rome 2:8 ပူးပေါင်းရင်းမြစ်များ

2 Kulondolola 6:23

unvue biebe mu diulu, wenze biebe, ulumbuluishe bantu bebe, ukengeshe muntu mubi bua kuhingisha bienzedi biandi ha mutu handi; ubingishe muntu muakane bua kumufutshila bu muakadi buakane buandi.

Yobe 24:13

Aba mbantu badi batombokela munya; kabena bamanye nshila yau, ne kabena bananukila kuenda mu nshila yau.

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Nsumuinu 11:23

Dijinga dia bantu bakane didi dibavuishila anu diakalengele, ditekemena dia bantu babi didi dibavuishila tshiji tshikole.

Nsumuinu 13:10

Kudisua kudi kuhatula anu matandu, kadi badi bitabusha mei a lungenyi badi ne meji.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Yirmeya 34:18

Ndi ngamba bua bantu bakushiha tshihungidi tshianyi, badi kabayi benze bu muakambabo mu tshihungidi atshi tshiakahungabo ku mpala kuanyi, hakahandabo muana wa ngombe nseke ibidi ne hakahitshilabo munkatshi mua nseke ei;

Yezekiyele 22:31

Mukelenge Yehowa udi wamba ne, Nunku nakubahongoluela tshiji tshianyi tshikole; nakubabutula ne kahia ka tshifikʼa munda; nakubatumina dikenga bualu bua bienzedi biabo.

Nahume 1:6

Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

Rome 1:18

Bualu bua tshishi tshia Nzambi tshidi tshibuluibua mu diulu ha malu onso adi kâi a Nzambi ne adi kâi makane a bantu, badi bakanda bushua ku malu mabi.

Rome 10:16

Kadi bonso kabakatelesha ku lumu luimpe. Bua Yeshaya udi wamba ne, Mukelenge, wakuitabusha muwakuamba nganyi?

Rome 15:18

Bua tshiena ne dikamakama dia kuamba bua malu makuabo, anu bua malu akenza nʼanyi Kilisto bua ditumikila dia bisamba bia bende, ku dî ne ku bienzedi,

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

Rome 9:22

Bikala Nzambi, hakasueye kulesha bantu tshishi tshiandi, ne kubamanyisha bukole buandi, wakatukisha ne lutulu lunene bifuadi bitekela tshishi tshiandi bilongolodibua bua dibutuka,

1 Korente 11:16

Kadi biasua muntu kutandangana bua buala ebu, katuena ne tshilele tshia nunku, ne ekelesia ya Nzambi kayena nʼatshi kabidi.

2 Korente 12:20

Ndi ntshina ne hanalua kunudi, bumue tshiena nusangana bu mundi musue kunusangana; ne nuenu kanuena nusangana bu munudi basue kunsangana; tshiena musue kusangana ditandangana ne mukau ne tshishi ne matahuluka ne bunsonge ne mikoso ne kudisua ne mitoyo;

Ngalate 5:20

ditendelela dia mpingu, kubaka kua manga, lukuna, kutandangana, mukau, tshishi, kutahuluka, mpata, diyoyo,

Filipe 1:17

kadi bakuabo badi bamba Kilisto bua ditahuluka, kabai ne mitshima mitoke, bela meshi bua kunjudila makenga mu nkanu yanyi.

Filipe 2:3

Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

Tite 3:9

kadi ehuka ku kuebeshangana kua malu mahote, ne ku mena a bankambua malongolola, ne ku kutandangana, ne ku kufuilangana bua mikenshi; malu â kena mamanye mua kuvuishila muntu mushinga muimpe, adi hatuhu.

Ebrewu 10:27

kadi kudi kushala kuindila kukuabo kua dilumbulula kudi kukuatshisha buowa, ne kahia kakole nekoshe bahitshi bandi.

Ebrewu 11:8

Bua ditabusha Abalahama, hakabikidibueye wakatumikila bua kuyeye ku muaba wakadiye wamba kuangata bu buhianyi; wakaluhuka, kai mumanye kuakadiye uya.

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Yakobe 3:14

Kadi binuikala ne mukau wa luonji ne difuilangana mu mitshima yenu, kanuditumbishi ne kanudingi ku malu malelela.

Yakobe 3:16

Bualu bua hadi mukau ne difuilangana hadi diyoyo ne malu mabi onso.

1 Petro 3:1

Muomumue, nuenu bakashi, nukokele babayenu; nunku bikala bakuabo kabai bitabusha dî dia Nzambi, nebahetebue mu bualu bua Nzambi kabai ne dî dia Nzambi, ku bienzedi bia bakashi babo:

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?

Didimanyisha 14:10

yeye kabidi, neanue nvinyo wa tshishi tshia Nzambi wakalongolodibua kai musangisha ne tshinga tshintu mu luhanza lua tshishi tshiandi; ne neakengeshibue mu kahia ne soufre ku mpala kua banjelo ba tshijila ne ku mpala kua Muana wa Mukoko.

Didimanyisha 16:19

Ne musoko munene wakatahuluka mu bituha bisatu, ne misoko ya bisamba bia bende yakuhuka; ne Babulona munene wakavulukibua ku mesu kua Nzambi bua kumuhesha luhanza lua nvinyo ya bukole bua tshishi tshiandi.