Rome 2:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ne wewe kampanda, utu walumbuluisha batu benza malu a nunku, ne utu wenza biebe muomumue, udi welangana meshi ne, Meme nempanduke mu dilumbuluisha dia Nzambi, anyi?

MUKANDA WA MYIDI MUKULU

³ Wewe udi ulumbuluisha badi benza malu a nanku, wenza kabidi a momumue, udi wela meji ne: neupanduke ku tshilumbuluilu tshia Mvidi Mukulu anyi?

Rome 2:3 ပူးပေါင်းရင်းမြစ်များ

2 Samuele 10:3

Kadi baminyampala ba Bena Amona bakambila Hanuna, mukelenge wabo, ne, Udi welangana meji ne, Davidi udi utumbisha tatu webe bualu bua yeye wakakutumina bakusambi, anyi? Davidi kakakutumina bantu bandi bua kutangilabo musoko ne bua kûtentekela ne bua kûhaula, anyi?

Yobe 35:2

Udi welangana meji ne ebu mbualu buakane, anyi? Udi wamba ne, Udi muakane ku mpala kua Nzambi, anyi,

Misambu 50:21

Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

Misambu 56:7

badi mua kuhanduka ne dikuatshisha dia bubi buabo, anyi? Mu tshiji tshiebe, Nzambi, wele bantu hanshi!

Nsumuinu 11:21

Manya bimpe ne, Muntu mubi kena uhanga kukengeshibua, kadi tunkanunuma tua bantu bakane neluhandishibue.

Nsumuinu 16:5

Muntu yonso udi ne kudisua mu mutshima udi utondesha Yehowa, manya bimpe ne, Kena uhanga kukengeshibua.

Yezekiyele 17:15

Kadi muntu wakasunguleye wakatombokela mukelenge, hakatumeye miloho yandi mu Ejipitu, bua bamuhe tubalu ne masalayi a bungi. Neikale ne diakalengele, anyi? Udi wenza malu bu nunku neahanduke, anyi? Neahanduke hashiheye tshihungidi tshiakahungeye, anyi?

Yezekiyele 17:18

Bualu bua yeye wakahetula mutshihu wandi hakashiheye tshihungidi; wakakuatangana bianza ne mukelenge bua kuditshiha kudiye, kadi wakenza malu â onso; kena mua kuhanduka.

Danyele 10:19

Yeye wakamba ne, Wewe muntu munangibue bikole, kutshinyi nansha! Ditalala dikale kûdi! Ikala ne bukole, tantamana biebe! Hakangambileye dî edi nakakoleshibua, nakamba ne Mukelenge wanyi akule biandi, bualu bua wakunkolesha.

Matayi 23:33

Nuenu nyoka, ne bana ba nyoka, nudi bamanye mua kuhanduka dihila dia mu Ngena munyi?

Matayi 26:53

Udi welangana meshi ne, Meme tshiena mumanye mua kulomba Tatu wanyi, yeye ampe banjelo batambe binunu makumi muanda mutekete ne bibidi, anyi?

Luke 12:14

Kadi Yesu wakamukonka ne, Mulumiana, wakunteka meme mulumbuludi wenu ne munutahuluidi nganyi?

Luke 22:58

Hakaleha tshituha, mukuabo wakamutangila, wakamuambila ne, Wewe kabidi udi umue wabo. Petelo wakamba ne, Nasha, mulumiana, tshiena wabo.

Luke 22:60

Kadi Petelo wakamba ne, Mulumiana, tshiena mumanye tshiudi wamba. Hakadiye wakula nunku, tshitala tshiakasama.

Rome 1:32

Bantu aba, hakamanyabo mukenshi wa Nzambi ne, Bantu badi benza malu â badi bakanangane ne lufu, bobo bine batshidi bênza, ne badi bikalangana kabidi ne dî dimue ne bantu badi bênza.

Rome 2:1

Nunku, wewe kampanda, utu walumbuluisha bakuabo, kuena ne tshia kudibingisha nʼatshi; udi udihisha biebe ne dilumbulula diudi ulumbuluisha nʼadi mukuabo; bualu bua hawalumbuluisha mukuabo, wewe utu wenza malu momumue.

Rome 2:2

Tudi bamanye ne, Dilumbulula dia Nzambi didiye ulumbuluisha nʼadi batu benza malu a nunku didi dia bushua.

Rome 9:20

Nasha, kadi wewe, muntu udi nganyi udi wela Nzambi mpata? Tshintu tshifukibua netshikenke mufuki watshi ne, Wakunfuka nunku bualu kai, anyi?

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?