Rome 2:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua dina dia Nzambi didi dihendibua bualu buenu munkatshi mua bisamba bia bende, bu muakafundabo.

MUKANDA WA MYIDI MUKULU

²⁴ Bualu Mikanda ya tshijila idi yamba ne: “Buenu nuenu bena Yuda, ke budibu bampendela kudi bantu ba bisamba bikuabu.

Rome 2:24 ပူးပေါင်းရင်းမြစ်များ

2 Samuele 12:14

Kadi bua bualu ebu bubi buwakenza wewe wakavuishila bena lukuna ba Yehowa tshikondo tshia kumuhendabo, nunku muana uwakalela neafue biandi bulelela.

Yeshaya 52:5

Nunku mpindiu Yehowa udi ukonka ne, Ndi mmona tshinyi kunoko, bualu bua bakuya ne bantu banyi mu buhika tshianana? Yehowa udi wamba ne, Badi babakokesha badi bela bibingu, ne dina dianyi ditu diahendibua dinda tô ne dilolo.

Yezekiyele 20:27

Nunku, muana wa muntu, akula ne ba mu tshisamba tshia Bena Isalele, ubambile ne, Mukelenge Yehowa udi wamba ne, Batatu benu bakahenda dina dianyi hakantombokelabo.

Matayi 18:7

Dikenga dilualua kudi bantu bualu bua malu adi abalenduisha. Bushua, malu adi alenduisha bantu adi alua, kadi mulau neulue kudi mulenduishi.

1 Timote 5:14

Nunku ndi musue bansongakashi ba mu lufuila baye ku dibaka, balele bana, bakokeshe ba mu nsubu yabo, kabaheshi muhumbishi kaba ka kubendeye bena ekelesia;

1 Timote 6:1

Bonso badi bahika munshi mua mutshi wa tshikokedi babale banfumu babo ne mbakanyine buneme buonso; bua dina dia Nzambi ne diyisha dia buala buandi kabihendibu.

Tite 2:5

bua kuikala ne meshi mahuekele; bua kuikala kabai ne meshi a tshiendenda; bua kusala mudimu wa mu nsubu yabo; bua kuikala bimpe; kukokela babayabo, bualu bua dî dia Nzambi kadihendibu.

Tite 2:8

wikale ne mei malenge adi kâi mua kuhishibua; bua yeye udi ku luseke lua batuhumbishi afuishibue bundu, kai ne mua kuamba dî dibi bualu buetu.

2 Petro 2:2

Bantu ba bungi nebalonde bienzenza biabo bia masandi; bua bualu buabo nshila wa bushua neahendibue.