Rome 11:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mbu muakafundabo ne, Nzambi wakabaha nyuma wa kubabungisha tulu, mesu bua kâmonyi, ne matshu bua kâunvu, tô ne ku dituku edi mene.

MUKANDA WA MYIDI MUKULU

⁸ Ke padi Mukanda wa tshijila wamba ne: “Mvidi Mukulu mmututubije lungenyi luabu. mMupangishe mesu abu bua kaamonu, matshi abu bua kaateleji, too ne lelu.”

Rome 11:8 ပူးပေါင်းရင်းမြစ်များ

2 Bakalenga 17:34

Nunku tô ne ku dituku edi badi benza bu muakenzabo diambedi: Kabena batshina Yehowa, kabena batumikila mikandu ne mei ne mikenji biakambila Yehowa bana ba Yakoba bakidikeye ne, Bena Isalele.

2 Bakalenga 17:41

Nunku ba bisamba ebi bikuabo bakatshina Yehowa, bakatendelela mpingu yakasongabo; nunku bana bakalelabo ne bana bakadi bana babo balele badi benza bu muakenza batatu babo tô ne ku dituku edi.

Yeshaya 29:10

Bualu bua Yehowa wakatshihisha nyuma udi ne tulu tukole hamʼbidi henu; wakubuikila mesu enu, mbaprofete mene, wakubuikila mitu yenu, mbamonyi ba bikena kumona mene.

Yeshaya 6:9

Yeye wakamba ne, Ya, wambile bantu aba ne, Unvuai! Unvuai! Kadi kanujinguludi! Monai! Monai! Kadi kanumanyi nansha!

Yirmeya 5:21

Unvuai bienu dî edi, nuenu bantu bahote ne badi kabayi ne mitshima idi ijingulula; nudi ne mesu, kadi kanuena numona; nudi ne matshu, kadi kanuena nunvua.

Yezekiyele 12:2

Muana wa muntu, wewe udi mushikame munkatshi mua ba mu tshisamba etshi tshia bantombokedi, badi ne mesu a kumona nʼau kadi kabena bamona, badi ne matshu a kunyua nʼau kadi kabena bunvua; hualu bua badi diku dia bantombokedi.

Yezekiyele 20:26

Nakabihishisha kuha kuabo, bualu bua bakela banʼa bute babo mu kahia bu milambu ya kuosha, bua meme mmanye mua kubabutula, ne bua bobo bamanye ne, Ndi Yehowa.

Luke 8:10

Yeye wakamba ne, Bakunuha bienu lungenyi lua kumanya malu a bukelenge bua Nzambi adi masokoka; kadi badi bambila bakuabo malu anu mu nsumuinu; nunku hamonabo, kabena bamona bimpe; hunvuabo, kabena bajingulula.

Bienzedi 28:26

Ya biebe kudi bantu aba ubambile ne, Kunvua nenunvue, kanuena nujingulula; Kumona nenumone, kanuena numona bimpe;

Dielulula 29:4

Kadi Yehowa kena muanze kunuha mitshima ya kumanya nʼai ne mesu a kutangila nʼau ne matshu a kunvua nʼau tô ne ku dituku edi.