Rome 11:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ ne binamanya mua kufuisha ba tshisamba tshianyi mukau ku muanda wonso, ne kusungila bakuabo ba munkatshi muabo.

MUKANDA WA MYIDI MUKULU

¹⁴ Bualu ndi ntekemena kujula lubabu kudi bena kuetu, bua nansha bamue ba kudibu bamone mua kupeta lupandu.

Rome 11:14 ပူးပေါင်းရင်းမြစ်များ

Genese 29:14

Labana wakamuambila ne Bulelela, wewe udi mufuba wanyi ne musunyi wanyi Yeye wakashala nʼandi to ngondo mujima.

2 Samuele 19:12

Nuenu nudi bana betu, nudi bu mifuba ya mifuba yanyi ne musunyi wa mu misunyi yanyi; nunku nutshidi bashadile ku nyima bua kuhingisha mukelenge bua tshinyi?

Rome 10:19

Kadi ndi nkonka ne, Bena Isalele kabakamanya, anyi? Diambedi Mose udi wamba ne, Meme neufuishe mukau kudi badi kabai bu tshisamba; Nenukuatshishe tshishi kudi tshisamba tshia bantu bahote.

Rome 11:11

Nunku ndi ngamba ne, Bakadilenduisha bua kuhonabo, anyi? Nasha kakese! Kadi bua kuhona kuabo luhandu luakulua kudi bisamba bia bende bua kufuisha Bena Isalele mukau.

Rome 9:3

Nakadi kusua kuedibua mulau wa kumushibua hanyi kudi Kilisto, bualu bua bana betu, badi bakuetu ba mubidi.

1 Korente 1:21

Bualu bua mu meshi a Nzambi hakahanga ba ha buloba kumanya Nzambi mu meshi abo, Nzambi wakasanka bua kusungila badi bamuitabusha ku buhote bua kuamba kua dî diandi.

1 Korente 10:33

bu mundi nsankisha bantu bonso mu malu onso, tshi ndikebela dikuatshisha dianyi, kadi ndi nkeba dia bantu ba bungi, bua bobo basungidibue.

1 Korente 7:16

Bua wewe, mukashi, udi mumanye munyi, ne kuena mua kusungila mulume webe anyi? Anyi wewe, mulume, udi mumanye munyi, ne kuena mua kusungila mukashi webe anyi?

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

1 Timote 2:4

udi musue bantu bonso basungidibue, bafike ku dimanya dia malu malelela.

1 Timote 4:16

Wikale mudimuke ku malu ebe ne ku diyisha diebe. Unanukile kushala mu malu â; bua bawenza nunku, neudisungile wewe ne bobo kabidi badi bunvue mei ebe.

2 Timote 1:9

wakatusungila, wakatubikila ne dibikila dia tshijila, kembu mudi midimu yetu mimpe, kadi bu mudi disungula diandi mene ne ngasa, wakatuheye mu Kilisto Yesu diambedi bikondo bia tshiendelele kabi bianze kuikalaku.

2 Timote 2:10

Nunku ndi nkankamana mu malu makole onso bua muanda wa bantu basungula, bua bobo bangate luhandu lua mu Kilisto Yesu ne butumbi bua tshiendelele.

Tite 3:5

kembua midimu ya mu buakane ituakenza nkayetu, kadi bu mudi luse luandi wakatusungila, bualu bua diuvua dia kuedibua kua tshiakabidi ne bua mitshima mihia-mihia yakatuhabo kudi Nyuma Muimpe,

Filemone 1:12

nakamuhingisha kûdi, yeye muine, udi bu mutshima wanyi mene.

Ebrewu 1:14

Banjelo bonso kabena nyuma mukuatshishi mitumibue bua kukuatshilabo badi bamba kuhiana luhandu mudimu, anyi?

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?

Yakobe 5:20

amanye biandi ne, Muntu udi wandamuna muntu mubi ku dihambuka dia mu nshila wandi, yeye neasungile muoyo wa muntu ku lufu, neabuikile malu mabi a bungi.