Rome 1:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Paulo, muhika wa Yesu Kilisto, wakabikidibua bua bakola mupostolo; wakafidibua ku lumu luimpe lua Nzambi,

MUKANDA WA MYIDI MUKULU

¹ Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 1:1 ပူးပေါင်းရင်းမြစ်များ

1 Kulondolola 23:13

Bana balume ba Amalama: Alona ne Mose; Alona wakadi mujidibue bua yeye ajidile bintu bia tshijila, yeye ne bana bandi balume tshiendelele, bua kuoshelabo Yehowa musenga wa manananshi, ne bua kumukuatshilabo mudimu ne bua kuvudishilabo bantu disanka mu dina diandi tshiendelele.

Yeshaya 49:1

Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yirmeya 1:5

Diambedi tshiyi muanji kukufuanyikisha munda mua mamu webe nakakumanya, ne diambedi kuyi muanji kuhatuka munda muandi nakajidila; nakakusungula muprofete wa bisamba bia bantu.

Marke 1:14

Hakakuatabo Yone, Yesu wakalua mu Galela, wenda wambila bantu lumu luimpe lua Nzambi,

Yowanane 12:26

Biangenzela muntu mudimu, andonde; muena mudimi wanyi neikale kundi ngikala; biangenzela muntu mudimu, Tatu neamutumbishe.

Yowanane 15:15

Tshiena nubikila kabidi bahika; bualu bua muhika kena mumanye budi mukelenge wandi wenza; kadi nakunubikila balunda; bualu bua nakunumanyisha malu onso anakunvua kudi Tatu wanyi.

Yowanane 15:20

Nuvuluke dî dinakunuambila ne, Muhika kena mutambe nfumu wandi. Biankengeshabo, nebanukengeshe kabidi; bienzabo dî dianyi, nebenze dî dienu kabidi.

Bienzedi 13:9

Kadi Shaula, udi ne dinga dina Paulo, mûle tente ne Nyuma Muimpe, wakamutangila talala,

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Bienzedi 21:40

Hakitabusheye, Paulo wakimana ha tshibandilu, wakahoha bantu tshianza; hakahuabo talala, yeye wakabambila di mu muaku wa Bena Ebelu, wakamba ne,

Bienzedi 22:21

Yeye wakangambila ne, Umuke munemu, bualu bua nenkutume kuakua kule kudi bisamba bia bende.

Bienzedi 22:7

Nakahona hanshi, nakunvua dî dingambila ne, Shaula, Shaula, udi unkengesha meme tshinyi?

Bienzedi 26:1

Agipa wakambila Paulo ne, Udi mua kudiambila bualu buebe. Paulo wakolola tshianza, wakabanga kudividila ne,

Bienzedi 26:14

Buonso buetu hatuakahona hanshi, nakunvua dî dingambila mu muaku wa Bena Ebelu ne, Shaula, Shaula, udi unkengesha meme tshinyi? Wewe udi udikengesha hautshidi usuba mikolo ku mutshi musonga.

Bienzedi 27:23

Bualu bua muanjelo wa Nzambi wanyi, undi nkuatshila mudimu, wakuimana ha buihi nʼanyi butuku ebu;

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Rome 1:5

Tuakuangata ngasa kudiye ne bupostolo, bua kuvudisha ditumikila dia ditabusha munkatshi mua bisamba bia bende bionso, bualu bua dina diandi.

Rome 1:9

Bualu bua Nzambi, undi nkuatshila mudimu mu nyuma wanyi mu lumu luimpe lua Muana Wandi, udi mumanyi wanyi bu mundi tshî ndekela kunutela misangu yonso mu mitendelelu yanyi,

Rome 11:13

Ndi nuambila dî, nuenu ba bisamba bia bende. Bualu bua meme ndi mupostolo kudi bisamba bia bende, ndi ntumbisha mudimu wanyi;

Rome 15:16

bua meme kuikala mukuatshishi wa mudimu wa Kilisto Yesu mutumibue kudi bisamba bia bende, ngenza mudimu wa muakuidi wa mu lumu luimpe lua Nzambi, bua kufila kuanyi kua bisamba bia bende kuvuishibue mulambu udi Nzambi musue, mujidibue kudi Nyuma Muimpe.

Rome 15:29

Ndi mumanye ne, Hanalua kunudi, nendue mu tshiuwidi tshia disanka dia Kilisto.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

Rome 16:25

Butumbi buikale kudi Nzambi, udi ne bukole bua kunujadika bu mudi lumu luimpe luanyi ne kuamba kuanyi kua Yesu Kilisto, bu mudi dibuluibua dia bualu busokoko buakadi buhuwishibue ku bikondo bia tshiendelele;

1 Korente 1:1

Paulo, mubikidibue mupostolo wa Yesu Kilisto bua disua dia Nzambi, ne Sosetene, muanʼetu wa mu Kilisto,

1 Korente 9:1

Tshiena ne budishikaminyi, anyi? Tshiena mupostolo, anyi? Tshiakutangila Yesu, Mukelenge wetu, anyi? Nuenu kanuena bu mudimu wanyi mu Mukelenge, anyi?

2 Korente 1:1

Paulo, mupostolo wa Kilisto Yesu, bua disua dia Nzambi, ne Timote, muanʼetu wa mu Kilisto, tudi tufunda mei kudi bena ekelesia wa Nzambi ba mu Kolinto ne kudi basanto bonso ba mu buloba buonso bua Akaya.

2 Korente 11:5

Ndi ntshinka ne, Meme tshiena nshala kaba kakese ku nyima kua bapostolo badi batambe bonso bunene.

2 Korente 11:7

Meme nakenza bualu bubi hanakadihuekesha bua nuenu nubandishibue, bualu bua nakanuambila lumu luimpe lua Nzambi tshi ne difutu, anyi?

2 Korente 12:11

Nakulua mutshimbakanyi; nuenu nuakungenzeshaku ku bukole; nakadi ne bualu bua kuanyishibua kunudi, bua tshiakadi ku nyima kua bapostolo bakatamba bunene nasha kaba kakese: nasha meme bianyi ngikala tshianana.

2 Korente 2:12

Hanakalua ku Toa bualu bua lumu luimpe lua Kilisto ne hakadi tshibi tshinene tshingunzuluila mu Mukelenge;

2 Korente 4:5

Bualu bua katuena tudiamba, kadi tudi tuamba Kilisto Yesu bu Mukelenge; ne tuetu bu bahika benu bualu bua Yesu.

Ngalate 1:1

Paulo, mupostolo, tshi mufume kudi bantu, tshî mutumibue kudi muntu, kadi anu kudi Yesu Kilisto ne kudi Nzambi Tatu wakamubisha ku lufu,

Efeze 1:1

Paulo, mupostolo wa Kilisto Yesu, bua disua dia Nzambi, kudi basanto badi mu Efeso ne kudi badi mua kueyemenyibua mu Kilisto Yesu;

Efeze 1:13

Nuenu kabidi, hanuakamana kunvua dî dia bushua kudiye, lumu luimpe lua luhandu luenu, hanuakamuitabusha kabidi, nuakuangata tshimanyishilu tshia Nyuma Muimpe mulayibue,

Efeze 4:11

Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

Dielulula 10:8

Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Filipe 1:1

Paulo ne Timote, bahika ba Kilisto Yesu, kudi basanto bonso ba mu Kilisto Yesu badi ku Filipoi, ne bakulu batangidi ne bulami;

Filipe 2:11

ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

Kolose 1:1

Paulo, mupostolo wa Kilisto Yesu bua disua dia Nzambi, ne Timote, muanʼetu wa mu Kilisto,

Kolose 1:25

Nakavuishibua muena mudimu wa ekelesia bu mudi bulami bua kudi Nzambi buakampeye bua bualu buenu, bua meme kukumbasha dî dia Nzambi mu kuamba kuanyi;

1 Tesalonike 2:2

kadi hatuakadianjila kukenga, ne hakatuenzelabo bibi ku Filipoi, bu munudi bamanye, tuakakolesha mitshima mu Nzambi wetu bua kunuambila lumu luimpe lua Nzambi mu kuluangana kua bungi.

1 Tesalonike 2:8

Nunku muomumue, bualu bua tuakatamba kumusua, tuakadi ne disanka dimpe bua kunuha, kendumu luimpe lua Nzambi nkayalu, kadi mioyo yetu kabidi, bualu bua nuakalua banangibue kutudi.

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

1 Timote 1:1

Paulo, mupostolo wa Kilisto Yesu bu mudi mukenshi wa Nzambi Musungidi wetu, ne wa Kilisto Yesu ditekemena dietu,

1 Timote 2:7

Bua bualu ebu nakatekibua muambi ne mupostolo (ndi ngamba dî dilelela, tshiena nshima nasha) muyishi wa ba bisamba bia bende mu ditabusha ne mu malu malelela.

2 Timote 1:11

luakantekabo musambi ne mupostolo ne muyishi bualu bualu.

Tite 1:1

Meme Paulo, udi muhika wa Nzambi ne mupostolo wa Yesu Kilisto, bualu bua kuitabushisha bantu bakasungulabo kudi Nzambi, ne bua dimanya dia tshishiki dia bualu bulelela bua mu buimpe bua Nzambi,

Ebrewu 5:4

Muntu kena udiangatshila buneme ebu nkayandi, kadi udi ubuangata hakabikidibueye kudi Nzambi bu muakabikidibua Alona kabidi.

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

Yakobe 1:1

Yakobo, muhika wa Nzambi ne wa Mukelenge Yesu Kilisto, kudi ba bisamba dikumi ne bibidi badi bena tshimuangi, ndi nuela muoyo.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?

2 Petro 1:1

Simona Petelo, muhika ne mupostolo wa Yesu Kilisto kudi bantu bakuangata ditabusha dia mushinga mukole muomumue ne ditudi nʼadi mu buakane bua Nzambi wetu ne bua Musungidi Yesu Kilisto.

Yuda 1:1

Yuda, muhika wa Yesu Kilisto, ne muanʼabo ne Yakobo, kudi bantu badi babikidibue, bananga mu Nzambi Tatu, ne balamibue bua Yesu Kilisto;

Didimanyisha 1:1

Buakabuluibua bua Yesu Kilisto buakamuha Nzambi bua kulesheye bahika bandi, malu mene adi ne bua kulua tshituha tshihi. Wakabutuma ne wakabumanyishila muhika wandi Yone kudi muanjelo wandi;

Didimanyisha 22:6

Yeye wakangambila ne, Mei â adi a kueyemena ne malelela; Mukelenge, Nzambi wa nyuma ya baprofete, wakatuma muanjelo wandi bua kulesheye bahika bandi malu adi ne bua kulua tshituha tshihi.

Didimanyisha 22:9

Yeye wakangambila ne, Tangila bua wewe kuenji nunku; meme ndi muhika nʼebe ne wa bana benu baprofete, ne wa badi balama mei a mu mukanda eu; ukukuile Nzambi.