Osheya 9:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

MUKANDA WA MYIDI MUKULU

⁷ Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Osheya 9:7 ပူးပေါင်းရင်းမြစ်များ

2 Bakalenga 9:11

Hashishe Yehu wakahingana kudi bantu ba mukelenge wandi; umue wabo wakamuebesha ne, Malu kai? Muntu au muhote wakakufila bua tshinyi? Yeye wakabambila ne, Nuenu nudi bamanye muntu au ne mei akadiye wamba.

Yeshaya 10:3

Nenuenze tshinyi mu difuku dia kunulumbuluisha, ne dia kubutuka kudi kufuma ku muaba mule? Nenunyemene kudi nganyi bua yeye ankuatshishe? Nenushiye biuma bienu kudi kunyi?

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 34:8

Bualu bua Yehowa udi ne dituku dia kusombuela ne tshidimu tshia kubafutshisha ditutu bua malu mabi akenzelabo ba mu Siona.

Yeshaya 44:25

Ndi yeye udi uhumbisha bimanyinu bia bena mashimi, udi uvuisha batempi ba mbuku bu bahale; udi wakikisha bena meji tshianyima, udi uvuisha meji abo buhote.

Yirmeya 10:15

Idi bintu bia hatuhu bua kudinga nʼabi bakuabo; mu tshikondo tshia kuyiteta neyijimine.

Yirmeya 11:23

Kakuena umue wabo washala, bualu bua nenvuishe ntatu kudi bantu ba ku Anatota, tshikondo tshia kubala malu mabi abo mene.

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

Yirmeya 23:13

Nakumona malu a hatuhu munkatshi mua baprofete ba mu Samalea; bakamba mei abo mu dina dia Bâla, bakasesuisha bantu banyi Kena Isalele.

Yirmeya 25:14

Bualu bua ba mu bisamba bia bungi ne bakelenge banene nebababueshe mu buhika mene; meme nembafute bu mudi bienzedi biabo ne bu mudi midimu ya ku bianza biabo.

Yirmeya 29:26

Yehowa wakukusungula bu muakuidi mu muaba wa Yehoyada muakuidi, bua balombodi bikale mu nsubu wa Yehowa ne ha mutu ha muntu yonso munale udi udivuisha muprofete ne bua kumubuesha mu nkanu ne mu tshikunyi.

Yirmeya 46:21

Masalayi andi mabueshibue mu mudimu wandi ku difutu adi bu bana ba ngombe mu tshikumbi, bualu bua wowo mene akualukila ku nyima, akunyema, buonso buau hohamue, kâkimana; bualu bua dituku dia dibutuka diabo diakufika, tshikondo tshia dikengesha diabo.

Yirmeya 6:14

Bakûmisha mputa wa bantu ba nyi anu kakese, bamba ne, Ditalala, ditalala; ne ditalala kadiyiku.

Yirmeya 8:11

Bakûmisha mputa wa bantu banyi anu kakese, bamba ne, Ditalala, ditalala, ne ditalala kadiyiku.

Muadi 2:14

Bua bualu buebe baprofete bebe bakumona bikena kumona bidi bikudinga ne bia tshianana; kabakukusokoluela bubi buebe, bua kuandamuna buhika buebe bukudimuke diakalengele, kadi bua bualu buebe bakumona malu a kukudinga nʼau, ne malu adi akusesuisha mu nshila.

Yezekiyele 13:10

Bualu bua bakahambuisha bantu banyi, bamba biabo ne, Ditalala didiku, kadi ditalala kadiyiku; ne bibaka muntu mukuabo lumbu lutekete, bobo badi balabahu anu luhemba.

Yezekiyele 13:3

Mukelenge Yehowa udi wamba ne, Mulau wikale kudi baprofete bahote badi balonda meji adi nyuma yabo ibalesha, kabayi banze kumona tshikena kumona!

Yezekiyele 25:17

Nendisombuele kudibo ne kusombuela kukole, nembabele ne tshiji tshianyi tshikole; nebamanye ne, Meme ndi Yehowa hanashikisha kudisombuela kudibo.

Yezekiyele 38:23

Nemmueneshe bunene buanyi ne tshijila tshianyi, nendimanyishe ku mesu kua bisamba bia bungi bia bantu. Nunku nebamanye ne, Meme ndi Yehowa.

Yezekiyele 9:10

Nunku meme hanyi tshiena mbalesha dinanga, tshiena mbafuila luse, kadi nempingashe dikenga bu difutu dia bienzedi biabo ha mitu babo.

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Osheya 5:9

Bena Efelayima nebabutudibue mu dituku dia dikengeshibua diabo. Munkatshi mua bisamba bia Bena Isalele nakubamanyisha muanda ulualua bulelela.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Osheya 9:8

Bena Efelayima badi balamina Nzambi wanyi; buteyi bua tshilembi tshia nyunyu budi mu nshila ya baprofete, ne lukuna ludi mu nsubu wa Nzambi wandi.

Amosa 8:2

Yeye wakankonka ne, Amosa, udi umona tshinyi? Nakamuitaba ne, Tshibondo tshia mamuma mabobe. Hashishe, Yehowa wakangambila ne, Nshikidilu wakufika kudi bantu banyi Bena Isalele; tshiena mbabuikidila bubi kabidi tshiendelele.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Mika 7:4

Udi uhita bakuabo buimpe udi bu dieba, udi uhita bakuabo kulonda malu makane udi bu luhangu lua mingonge. Dituku diakambabo kudi baprofete benu, dituku dia dikenga dienu mene diakufika; mu diba edi mitshima yabo neyilubakane.

Sefanya 3:4

Baprofete babo badi babuluke ne bena bunsonge; bakuidi babo badi banyanga bintu bia tshijila, ne badi banyanga mikenji.

Marke 3:21

Hakunvua balunda bandi bualu ebu, bakaya bua kumuangata, bakamba ne, Yeye udi mubale.

Luke 21:22

Bualu bua â adi matuku a disombuela, bua kushikisha malu onso akafundibua mu Mukanda wa Nzambi.

2 Korente 5:13

Bituikala ne meshi matshimbakane, budi bua Nzambi; anyi bituikala ne mitshima mihole, budi bua bualu buenu.

Didimanyisha 16:19

Ne musoko munene wakatahuluka mu bituha bisatu, ne misoko ya bisamba bia bende yakuhuka; ne Babulona munene wakavulukibua ku mesu kua Nzambi bua kumuhesha luhanza lua nvinyo ya bukole bua tshishi tshiandi.