Osheya 9:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Monai, bakuya kukuabo bualu bua kubutuka kua buloba buabo, kadi Ejipitu neabasangishe kudiye, Mempi neabajike. Mpesa neyihiane bintu biabo bilengele bia argent; mingonge ya meba neyikale mu ntenta yabo.

MUKANDA WA MYIDI MUKULU

⁶ Panuanyema mu ditunga dienu, didibu bamane kunyangakaja, bena Ejipitu nebanuakidile. Kadi, amu bua kunuteka mu nkita ya mu tshimenga tshia Memfise. Mionji ya mpese neibuikile tshiamu tshienu tshitoke tshia mushinga mukole. Meba ne mingonga nebitoloke mu nzubu yenu.

Osheya 9:6 ပူးပေါင်းရင်းမြစ်များ

2 Bakalenga 13:7

Mukelenge wa Sulia wakashila Yehoaza anu bantu makumi atanu bakadi benda ha nyima ha tubalu, ne makalu dikumi, ne binunu dikumi bia bantu bakadi benda ku makasa; mukelenge wa Sulia wakababutula, wakabavuisha bu luhuishi lua ku tshituilu.

Misambu 107:34

Udi ukudimuna buloba bufuke bua kuluabu tshihela tshia luehu, bua malu mabi a bantu badi bashikamemu.

Nsumuinu 24:31

Monai! Buakadi ne mingonge mitoloka kuonso, buakadi tente ne mpesa, ne luhangu luabu lua mabue luakadi lushimbuke.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 19:13

Bakokeshi ba mu Soana bakulua bahote, bakokeshi ba mu Mempi bakudingibua; bantu badi bu dibue dia mu ditumba dia bisamba biabo bakuhambuisha ba mu Ejipitu.

Yeshaya 27:12

Mu dituku adi Yehowa neashihule miehu yandi ya blé ya ku musulu wa Pelata tô ne ku kasulu ka Ejipitu; ne ba nusangishe muntu ne muntu, nuenu, Bena Isalele.

Yeshaya 32:13

bua buloba bua bantu banyi bukadi ha kumenesha meba ne mingonge, ne kua nsubu yonso ya disanka ya mu musoko wa disanka.

Yeshaya 34:13

Meba neatoloke mu mbalasa yabo ya bunfumu, mpesa ne mingonge nebitoloke munda mua ngumbu yabo ya nvita; nebuikale muaba wa mibuabua kuendakanayimu, tshiendelu tshia nyunyu ya nfiondo.

Yeshaya 5:6

Nenkubutule, ne kabena balengesha matamba a mionshi yabu kabidi, kabena babulula; kadi meba ne mingonge nehimenemu; nengele matutu mukenji bua kalokeshi nvula hamʼbidi habu.

Yeshaya 7:23

Mu dituku adi, mu muaba wonso muakadi mionshi ya tumuma tua nvinyo tshinunu, yakadi mushinga wa bituha bia argent tshinunu, nemuikale buloba budi bumenesha anu meba ne mingonge.

Yirmeya 2:16

Bana balume ba mu Mempi ne Tapanehese bakuhanda lubombo lua mutu webe.

Yirmeya 42:22

Nunku numanye bienu ne, Nenufue ku muele wa nvita, ku tshiole ne ku tshihuhu mu muaba unudi basue kuya bua kushikama.

Yirmeya 44:1

Dî diakalua kudi Yelemiya bua Bena Yuda bonso bakadi bashikama mu buloba bua Ejipitu, mu Migedola, mu Tapanehese, mu Mempi ne mu luseke lua Patelosa.

Yirmeya 44:12

Nengangate bantu ba mu Yuda batshidi bashala bakutangisha mpala yabo bua kuya ku Ejipitu bua kushikamaku, buonso buabo nebabutudibue; nebashihibue mu buloba bua Ejipitu; nebashihibue ku muele wa nvita ne ku tshiole; nebafue, kudi udi mutambe kuhuekela tô ne kudi udi mutambe bunene, nebafue ku muele wa nvita ne ku tshiole; nebikale bu tshintu tshidibo bahenda ne tshidi tshikuatshisha buowa, tshidibo bela mulau ne bahetula.

Yirmeya 44:13

Nenkengeshe badi bashikame mu buloba bua Ejipitu, bu munakakengesha ba mu Yelushalema, ne muele wa nvita, tshiole ne tshihuhu,

Yirmeya 46:14

Wambe dî edi mu Ejipitu, udimanyishe mu Migedola; utumanyishe kabidi mu Mempi ne mu Tapanehese; ubambile ne, Imanai, elai mualu wa nvita, bualu bua muele wa nvita wakushiha bantu ku nseke yebe yonso.

Yirmeya 46:19

Wewe, muana mukashi udi mushikame mu Ejipitu, udilongoluele bintu biebe bua kuya mu buhika! Bualu bua musoko wa Mempi neulue tshikulu, nebawoshe, newikale kauyi ne bantu.

Yezekiyele 30:13

Mukelenge Yehowa wakuamba ne, Nentshibule mpingu, nenshiheshe bintu biakasongabo bia mu musoko wa Mempi, ne kakuena kuikala mukokeshi mu buloba bua Ejipitu, nenkuatshishe ba mu buloba bua Ejipitu buowa.

Yezekiyele 30:16

Nentemeshe kahia mu Ejipitu, ba mu Sina nebikale ne kanyinganyinga kakole, musoko wa No neubuludibue, nebashimbule ngumbu ya Mempi kudi bena lukuna.

Osheya 10:8

Bitendelelu bia ha mukuna wa Awena nebibutudibue, biakadi bubi bua Bena Isalele; meba ne mingonge nebimene ha bioshelu biabo; ne bobo nebambile mikuna ne, Nutubuikile! Nebambile mikuna mikese ne, Nutuhonene!

Osheya 11:11

Nebafume ku Ejipitu bazakale bu nyunyu, nebafume ku buloba bua Ashû bu nyunyu wa nkutshi; nembashikike mu nsubu yabo kabidi. Â mmei adi Yehowa Wamba.

Osheya 2:6

Nunku nenjike nshila wandi ne luhangu lua meba, nengase lumbu lua kumukanda bua yeye kamonyi nshila yandi.

Osheya 7:11

Bena Efelayima badi bu nyunyu wa nkutshi muhote udi kayi ne lungenyi; badi bela dî diabo ku Ejipitu, badi baya ku Ashû.

Osheya 7:13

Mulau wikale kudibo, bualu bua bakuhambuka! Kubutuka kuikale kudibo, bualu bua bakuntombokela! Nakadi kubuhikula, kadi bakunshiminyina malu.

Osheya 7:16

Badi bahingana, kadi kabena bahingana kudi Nzambi wa mu diulu, badi bu buta buela buelavi. Bakokeshi babo nebashihibue ku muele wa nvita bualu bua tshiji tshikole ku ndimi yabo; netshibavuishe bihendu mu buloba bua Ejipitu.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Osheya 9:3

Kabena bashala mu buloba bua Yehowa, kadi ba mu Efelayima nebahingane mu Ejipitu, nebadie bia kudia bidi bibiha mu Ashû.

Lewitiki 26:33

Nennumuangalashe mu bisamba bikuabo, nempatule muele wa nvita ku nyima kuenu, buloba buenu nebuikale hatuhu ne misoko yenu neyikale mihaula.

Sefanya 1:11

Asai miadi, nuenu badi bashikame mu Maketesha, bualu bua bantu bonso ba mu Kânana nebubutuke; bonso badi batuala bujitu bua biamu bia argent nebashihibue.

1 Samuele 13:6

Hakatangila Bena Isalele ne didi munkatshi mua malu makole (bualu bua bantu bakadi ne ntatu), nunku bakasokoma mu mbuebue ne mu bisuku ne mu mabue ne mu miaba mikuabo ya kusokoma ne mu mena a mikela.