Osheya 9:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele, kanusanki bua kutumba bu mudi ba mu bisamba bia bende hatumba! Bua nuakulonda malu a masandi hanuakulekela Nzambi wenu; nuakunanga difutu dia bena masandi dia ha bishihuidi bionso bia maminu.

MUKANDA WA MYIDI MUKULU

¹ Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Osheya 9:1 ပူးပေါင်းရင်းမြစ်များ

Misambu 73:27

Bua mona, badi nʼebe kule nebajimine. Wewe wakubutula bonso badi bakulekela bua kulondabo malu a masandi.

Yeshaya 17:11

Mu dituku diudi wikuna nansha wewe winyunguluka ne luhangu lua mitshi hatshiabu ne dinda wewe mumane kukuna nansha wewe muvuishe maminu ebe bilongo, kadi bintu bia kunowa nebikujimine mu dituku dialua masama ne kanyinganyinga kadi kakayi kamanye mua kuholeshibua.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 2:20

Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Muadi 4:21

Wewe muana mukashi wa Edome, udi mushikame mu buloba bua Uza, anji kusanka, wikale ne disanka mu mutshima. Luhanza nelufike kûdi kabidi; neukuatshike maluvu, neuvule bilamba biebe bionso.

Yezekiyele 16:15

Kadi wakeyemena bulengele bua mubidi webe, ne bua lumu lua butumbi buebe wakenda masandi; wakendenda masandi ne muntu yonso wakadi uhita mu nshila.

Yezekiyele 16:30

Mukelenge Yehowa udi wamba ne, Tangila mudi mutshima webe mutekete, bualu bua udi wenza malu â onso, bu mudi mukashi wa masandi wa dikamakama wenza;

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Yezekiyele 21:10

udi musekeshibue bua kushiha nʼau bantu, udi munonoke bua kuhenya bu muele wa nvula! Tuetu netusekeshangane, anyi? Wewe mulangala wa muanʼanyi wa balume, udi uhetula mutshi wonso.

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Osheya 2:12

Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

Osheya 4:12

Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

Osheya 5:4

Bienzedi biabo kabiena bikumbana bua bahingane kudi Nzambi wabo, bualu bua mutshima wa masandi udi munda muabo, kabena bamanye Yehowa.

Osheya 5:7

Bobo bakutungila Yehowa tshitungu, bualu bua bakulela bana ba mu masandi. Mpindiu ngondo muhia-muhia neabashihe mene ne bintu biabo.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Amosa 4:5

Oshilai Nzambi mulambu wa kumusakidila wa bidia biela luevene, ambilai bantu bua balue ne milambu idi mitshima yabo misue, manyisha! bantu bualu buai! Ebu mbunudi basue kuenza, nuenu Bena Isalele. Mukelenge Yehowa udi wamba di edi.

Amosa 6:13

Nuenu nudi nusankila mu tshintu tshia tshianana, nudi nuamba ne, Tuetu bine nkayetu katuena badiangatshile bukole ku makanda etu, anyi?

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Yakobe 4:16

Biadi katataka nudi nuditumbisha mu kufunafuna kuenu; kuditumbisha kuonso kua nunku kudi kubi.

Yakobe 5:1

Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.