Osheya 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Buonso buabo badi batema bu nfulu, badi bamina bakokeshi babo. Bakelenge babo bonso bakubikuka mu bukelenge; kakuena umue wa munkatshi muabo udi umbikila.

MUKANDA WA MYIDI MUKULU

⁷ Bonsu ne tshiji tshikole, bu kapia ka mu tshioshilu, badi bashipa balombodi babu. Bakalenga babu badi babutuka ku umue ku umue. Kadi muntu nansha umue kena mumbikile to.

Osheya 7:7 ပူးပေါင်းရင်းမြစ်များ

1 Bakalenga 15:28

Mu tshidimu tshisatu tshia bukelenge bua Asa, mukelenge wa Yuda, Bâsha wakamushiha, wakakokesha mu muaba wandi.

1 Bakalenga 16:18

Hakatangila Zimeli ne, Bakanyenga musoko, yeye wakabuela mu nsubu wa mukelenge, wakamuosha, wakafuilamu,

1 Bakalenga 16:22

Kadi bantu bakalonda Omeli bakahita bantu bakalonda Tibeni, muana wa Ginata, bukole; nunku Tibeni wakafua ne Omeli wakakokesha.

2 Bakalenga 10:14

Yeye wakamba ne, Bakuatai ne muoyo. Bakabakuata ne muoyo, bakabashiha ku dina dia mai dia mu nsubu wa bakoshi ba miosa, bu bantu makumi anai ne babidi. Kabakashiya umue wabo.

2 Bakalenga 10:7

Hakafika mukanda kudibo, bakakuata bana balume ba mukelenge makumi muanda mutekete, bakabashiha, bakateka mitu yabo mu bisaka, bakamutuminayi ku Yizelele.

2 Bakalenga 15:10

Shaluma, muana wa Yabesha, wakamuelela tshifufu, wakamukuma ku mesu kua bantu, wakamushiha, wakakokesha mu muaba wandi.

2 Bakalenga 15:14

Menahema, muana wa Gadi, wakafuma ku Tîsa, wakaya ku Samalea, wakakuma Shaluma, muana wa Yabesha, mu Samalea, wakamushiha, wakakokesha mu muaba wandi.

2 Bakalenga 15:25

Peka, muana mulume wa Lemalaya, kapitene ka masalayi andi wakamuelela tshifufu, wakamukuma mu Samalea mu nsubu wa mukelenge; Âgoba ne Aliye ne Bena Gilada makumi atanu bakadi nʼandi; yeye wakamushiha, wakakokesha mu muaba wandi.

2 Bakalenga 15:30

Hoshea, muana wa Ela, wakelela Peka, muana wa Lemalaya, tshifufu, wakamukuma, wakamushiha, wakakokesha mu muaba wandi mu tshidimu tshia makumi abidi tshia bukelenge bua Yotama, muana wa Uziya.

2 Bakalenga 9:24

Yehu wakanana buta buandi ne bukole buandi buonso, wakasa Yolama ha masangu a nyima, mukete wakasompoka ha dimuma diandi dia muoyo, yeye wakadishinda hanshi mu dikalu diandi.

2 Bakalenga 9:33

Yehu wakabambila ne, Numuele hanshi. Nunku hakamuela hanshi, ne mashi andi makuabo akamatshila ha lumbu ne ha tubalu; tuakamudiata muinshi mua bikono.

Yobe 36:13

Badi babenga Nzambi mu mitshima yabo badi baditekelamu tshiji; kabena badila dikuatshisha diandi habakengesheye.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Yeshaya 43:22

Ahu wewe, Yakoba, kuakudibikidila dina dianyi; kadi wewe wakudihangisha bua bualu buanyi, Isalele!

Yeshaya 64:4

Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Yezekiyele 22:30

Nakakeba muntu munkatshi muabo wakamanya mua kuibaka lumbu kabidi, ne bua kuimaneye ku mpala kuanyi mu muaba wakashimbuka bua kukuatshisha ba mu buloba ebu, bua meme tshibubutudi; kadi tshiakasangana muntu.

Danyele 9:13

Dikenga edi diakutukuata, bu muakafundabo mu mikenji ya Mose; katuena banze kulomba luse kudi Yehowa Nzambi wetu; katuena banze kulekela malu mabi etu ne katuakutumikila mei ebe a bushuwa.

Osheya 13:10

Mukelenge wenu udi kudi kunyi bua kunuhandisheye mu misoko yenu yonso? Balumbuluishi benu badi kudi kunyi, bawakuamba ne, Utuhe mukelenge ne bakokeshi?

Osheya 5:15

Nenye, nempingane ku muaba wanyi, tô ne hatondabo bubi buabo ne hakebabo mpala wanyi. Mu makenga abo nebankebe ne lukunukunu, bamba ne,

Osheya 7:10

Dihetu dia Bena Isalele didi dibahisha, kadi kabena bahingana kudi Yehowa Nzambi wabo; kabena bamukeba, nansha malu â onso mikale nunku.

Osheya 7:14

Kabakudia kundi ne mitshima yabo, kadi badi basa muadi ha malalu abo; badi badisangisha hohamue bua kuangata manvua ne nvinyo muhia-muhia, badi bantombokela.

Osheya 8:4

Bakadisunguila bakelenge, tshiyi mubambile; bakaditekela bakokeshi, kadi tshiakamanya muanda eu; bakadifudila mpingu ku biamu bia argent ne bia or, bua bobo babutudibue.

Mika 2:1

Mulau wikale kudi badi belangana meji a kuenza bibi, ne badi bahangidisha malu mabi munda muabo ha malalu abo! Hatshiabu badi benza malu â, bualu bua bukole bua kuaenza budi mu bianza biabo.