Osheya 6:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua ndi musue kudifila kuenu, kankufila kua milambu; ndi musue kumanya kuenu kua Nzambi, kankuosha kua milambu.

MUKANDA WA MYIDI MUKULU

⁶ Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Osheya 6:6 ပူးပေါင်းရင်းမြစ်များ

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Misambu 50:8

Tshiena nnubela bua milambu yenu; milambu yenu ya kuosha idi ku mpala kuanyi matuku onso.

Nsumuinu 21:3

Kuenza malu makane ne kukosa nsambu biakane bidi bihita kufila kua nyama mishiha kusankisha Yehowa.

Muambi 5:1

Ulame makasa ebe hawabuela mu nsubu wa Nzambi; kusemena ha buihi bua kunvua kudi kuhita milambu ya bahote buakane, bualu bua bobo kabena bamanye ne, Tudi tuenza bualu bubi.

Yeshaya 1:11

Yehowa udi unukonka ne, Bisumbu bia milambu yenu bidi bu tshinyi kundi? Nakumana kukuta ne milambu ya kuosha ya bimpanga ne ya manyi a nyama midisha; tshiena nsanka bua mashi a balume ba ngombe, anyi a bana ba mikoko anyi a mpumbu ya mbushi.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yirmeya 22:16

Yeye wakalumbulula bilumbu bia bahele ne bakengi; nunku wakadi ne diakalengele. Yehowa udi ukonka ne, Bualu ebu kabuena bukuatshisha muntu bua kummanya, anyi?

Yirmeya 7:22

Bualu bua tshiakambila batatu benu, tshiakabelela mukenji mu dituku dinakabaluhula mu buloba bua Ejipitu, bua milambu ya kuosha ne milambu mikuabo.

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Osheya 2:20

Nenkubangile ne kuditshiha kûdi mua kueyemena, ne wewe neumanye Yehowa.

Osheya 4:1

Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Amosa 5:21

Ndi mbenga bidia bienu bia disanka, bidi bintonda; tshiena ngunvua disanka hua masangisha enu.

Mika 6:6

Ndue ne tshintu kai ku mpala kua Yehowa bua kukukuila Nzambi Mutambe Bunene wa mu diulu? Ndue ku mpala kuandi ne milambu ya kuosha, ne ya bana ba ngombe ba tshidimu tshimue, anyi?

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Matayi 12:7

Bu nuenu bamanye dî edi ne, Ndi musue luse, tshiena nsua nyama minshihela, kanuakadi kuhisha badi kaba! ne dihila.

Matayi 5:7

Badi ne luse badi ne disanka, bua bantu bakuabo nebabafue luse.

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Marke 12:33

kumusua ne mutshima wonso ne lungenyi luonso ne bukole tuonso, kusua kabidi mukuabo bu mudiye mudisue kudi kutamba milambu yonso ya kuosha ne nyama mishiha.

Yoshua 5:5

Bantu bonso bakaluhuka mu Ejipitu bakadi batengula, kadi bantu bonso bakalelabo mu nshila mu tshihela hakaluhukabo mu Ejipitu kabakadi batengula.

1 Yone 2:3

Mu bualu ebu tudi bamanye ne, Tudi bamumanye, bitualama mikenshi yandi.

1 Yone 3:6

Muntu yonso utu wikala munda muandi katu wenza bibi; muntu yonso utu wenza bibi kena muanze kumumona, kena mumumanye.

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.