Osheya 6:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Munkatshi mua Bena Isalele nakumona muanda muhite bubi; mu muaba au Bena Efelayima bakulonda malu a masandi. Bena Isalele bakunyanguka.

MUKANDA WA MYIDI MUKULU

¹⁰ Ndi mumone malu mabi matambe mu tshisamba tshia bena Izrayele. Ditendelela dia mvidie dia bena Efrayime, ndinyange bena Izrayele bonsu.

Osheya 6:10 ပူးပေါင်းရင်းမြစ်များ

1 Bakalenga 12:8

Kadi yeye kakitabusha lungenyi luakamuambila bakulumpe; wakebesha bansongalume bakakola nʼandi, bakadi bimana ku mpala kuandi ne,

1 Bakalenga 15:30

bualu bua malu mabi akenza Yalobama ne akenzesheye Bena Isalele ne bua tshiji tshiakafuisheye Yehowa, Nzambi wa Isalele.

2 Bakalenga 17:7

Bualu bua Bena Isalele bakadi benza malu mabi ku mesu kua Yehowa, Nzambi wabo, wakabaluhula mu buloba bua Ejipitu mu bianza bia Palo, mukelenge wa Ejipitu, ne bakatshina nzambi mikuabo,

Yirmeya 18:13

Nunku Yehowa udi wamba ne, Nukonke ba munkatshi mua bisamba bia bantu ne, Nganyi wakunvua lumu lua malu a mushindu eu? Muana mukashi wa mu Isalele utshidi kamama wakuenza bualu buhite bubi.

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yirmeya 3:6

Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Yezekiyele 23:5

Ohola wakalonda malu a masandi hakadiye wanyi, wakatamba kulesha dinanga kudi bamunangi bandi, kudi Bena Ashû mene, bena mutumba nʼandi,

Yezekiyele 23:7

Yeye wakadifila kudibo mu masandi, buonso buabo bakadi balume bahite bulengele ba munkatshi mua Bena Ashû; wakadinyanga ne mpingu ya bantu aba bakatambeye kunanga.

Osheya 4:11

Masandi ne maluvu ne nvinyo mihia-mihia bidi biumusha meji a mu mutshima.

Osheya 4:12

Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

Osheya 4:17

Bena Efelayima bakudilamika kudi mpingu yabo, nubalekele nʼai!

Osheya 5:3

Ndi mumanye Bena Efelayima, ne Bena Isalele kabena basokoma kundi. Bualu bua mpindiu, nuenu Bena Efelayima, nuakulonda malu a masandi, Bena Isalele bakunyanguka.