Osheya 5:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nebaye ne bisumbu biabo bia mikoko ne ngombe bua kukeba nʼabi Yehowa, kadi kabena bamusangana; yeye wakûmuka kudibo.

MUKANDA WA MYIDI MUKULU

⁶ Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Osheya 5:6 ပူးပေါင်းရင်းမြစ်များ

Ekesode 10:9

Mose wakamba ne, Netuye ne bana bakese ne bantu banunu, ne bana betu ba balume ne bana betu ba bakashi, netuye ne mikoko yetu ne ngombe yetu, bualu bua tudi ne bualu bua kudia bidia ku mesu kua Yehowa.

Nsumuinu 1:28

Hashishe nebambikile, kadi tshiena ngitaba; nebankebe ne lukunukunu, kadi kabena bansangana.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 21:27

Mulambu udi bantu babi bafila udi utondesha Yehowa; mona mudiu utamba kumutondesha haluabo nʼau ne mitshima idi ihangidisha malu mabi!

Musambu wa Solomo 5:6

Nakunzuluila wanyi munanga tshibi, kadi wanyi munanga wakadi mumane kuya. Mutshima wanji wakabungama hakadiye wakula; nakamukeba, kadi tshiakamuheta; nakamubikila, kadi yeye kakuitaba.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Yirmeya 11:11

Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

Yirmeya 11:14

Nunku kulombedi bantu aba Nzambi, kubishi nansha dî diebe anyi kulomba kuebe bua bualu buabo; bualu bua tshiena mbunvuila mu tshikondo tshidibo badila kundi bua dikenga diabo.

Yirmeya 14:12

Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Yirmeya 7:4

Kanueyemenyi mei a mashimi a badi bamba ne, Eu udi ntempelo wa Yehowa, ntempelo wa Yehowa, ntempelo wa Yehowa.

Muadi 3:44

Wakudibuikila ne ditutu, nunku kakuena mutendelelu udi mua kufika kûdi.

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Yezekiyele 8:6

Yeye wakankonka ne, Muana wa muntu, udi umona bu mudibo benza, anyi? Malu a bundu adi ba mu tshisamba tshia Bena Isalele benza munemu, adi angihata ku nsubu wanyi wa tshijila, udi umona mene, anyi? Kadi neumone malu makuabo a bundu adi ahita â bunene.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Amosa 8:12

Nebendakane ku mai manene tô ne ku mai manene makuabo, ne ku node tô ne ku esete; nebendakane eku ne eku bua kukebabo dî dia Yehowa, kadi kabena badisangana.

Mika 3:4

Hashishe, nebadile kudi Yehowa, kadi yeye kena ubunvuila; yeye mene neusokoke mpala wandi kudibo mu tshikondo atshi, bualu bua bakuenza malu mabi.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.

Luke 5:16

Kadi yeye wakaya biandi mu bihela, wakatendelela Nzambi.

Yowanane 7:34

Nenunkebe, kanuena nunmona; kanuena bamanye mua kulua kungikala.