Osheya 4:2 - Mukanda wa Nzambi Dihungila Dikulukulu ne Dihungila Dihia-dihia 2003

² Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

MUKANDA WA MYIDI MUKULU

² Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Osheya 4:2 ပူးပေါင်းရင်းမြစ်များ

Genese 4:8

Kana wakambila Ebele muakunyʼandi bualu ebu Hashishe hakadibo mu budimi, Kana wakabika ku mpala kua Ebele muakunyʼandi, wakamushiha.

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 48:1

Unvuai bualu ebu, nuenu bana ba Yakoba, badibo babikila ku dina diandi dia Isalele, ne badi bahatuka munda mua Yuda; badi baditshiha ku dina dia Yehowa, badi batela dina dia Nzambi wa Isalele, kadi kabena baditela mu bushuwa anyi mu buakane.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 6:7

Bu mudi mushimi uhatula mai adimu, nunku musoko udi uhatula malu mabi au; diyoyo ne kubutuka bidi biunvuibua munda muau; ku mpala kuanyi misangu yonso kudi masama ne mputa.

Muadi 4:13

Malu â akulua bualu bua mibi ya baprofete bandi ne malu mabi a bakuidi bandi, bakamatshisha mashi a bantu bakane munkatshi mua musoko.

Yezekiyele 7:23

Fula lukanu; bualu bua buloba ebu budi bûle tente ne kumatshisha kua mashi, ne musoko udi mule tente ne malu mabi makole.

Osheya 10:13

Nunkukuna malu mabi, nuakuhuola anu bubi, nuakudia mamuma a mashimi; bualu bua nuakueyemena nshila wenu ne tshisumbu tshia bena bukitu benu.

Osheya 10:4

Badi bamba mei a hatuhu; badi baditshiha ne mitshihu ya mashimi, badi bahunga bihungidi; nunku kulumbulula kuabo kua bilumbu nekujuke bu mudi mamuma a mulungu atoloka mu mabula a madimi.

Osheya 11:12

Bena Efelayima badi bannyunguluka ne mashimi, Bena Isalele badi bannyunguluka ne mei a kundinga nʼau; kadi Bena Yuda batshidi bamanyibue kudi Nzambi, ne batshidi beyemena Wa Tshijila.

Osheya 12:14

Bena Efelayima bakamukuatshisha tshiji tshikole; nunku Mukelenge wabo neabahishe bua kumatshisha kuabo kua mashi, neabahingashile difutu dia bihendu biabo.

Osheya 5:2

Bakumbula dijimba dile ku Shitima, kadi meme nembakengeshe buonso buabo.

Osheya 6:8

Gilada udi musoko wa benji ba malu mabi, bakushiyamu bidiatshilu bia mashi.

Osheya 6:9

Bu mudi bisumbu bia banyengi balamina muntu, mbu mudi tshisumbu tshia bakuidi bashiha bantu; mu nshila wa ku Shekeme bakushiha bantu, e, bakulonda malu mabi.

Osheya 7:1

Hanakusua kushikisha disama a dia Bena Isalele, bubi bua Bena Efelayima buakusokoloka, ne bubi bua Bena Samalea buakumueneshibua. Bualu bua bakuenza malu a mashimi, muibi udi ubumbula nsubu, ne tshisumbu tshia banyengi tshidi tshinyenga bintu ha mbelu.

Osheya 7:3

Badi basankisha mukelenge ne bubi buabo, ne bakokeshi babo ne mashimi abo.

Osheya 7:4

Buonso buabo badi bena masandi; badi bu nfulu udi mulambi mutemeshe, udi ulekela kusonsola kahia, ku tshikondo tshidiye uhanga kuenza mampa tô ne hatuntumukau.

Mika 3:2

Nuenu nudi ne buimpe lukuna ne nudi nunanga bubi; nudi mibulula dikoba dia bantu banyi, ne minyinyi ya ku mifuba yabo;

Mika 3:9

Ndi nnusengelela bua nunvue bienu muanda eu, nuenu badi ha mutu ha tshiota tshia Yakoba, ne bakokeshi ba tshisamba tshia Bena Isalele, badi bakina kulumbulula kuakane, badi banyanga malu makane.

Mika 6:10

Biuma biakuhetabo ku bibi bitshidi mu nsubu ya bantu babi, anyi? Tshihiminu tshia buivi tshindi ngela mulau tshidimu, anyi?

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Sefanya 3:1

Mulau wikale kudi musoko udi mutomboke ne munyanguke, musoko udi ukengesha bantu!

Zekâya 5:3

Ahu yeye wakangambila ne, Eu udi mulau udi utangalaka ha buloba buonso. Bualu bua muntu yonso udi wiba neumushibue ku luseke elu bu mudiu wamba; ne muntu yonso udi uditshiha ne mashimi neumushibue ku luseke alu bu mudiu wamba.

Zekâya 7:9

Yehowa wa misumba wakamba ne, Kosai bilumbu ne dikosa dia bushuwa, leshanganai dinanga ne nufuilangane luse, muntu ne muntu ne mukuabo.

Matayi 23:35

nunku mashi onso a bantu bakane akumata hanshi nealue ha bianza bienu, mashi a Ebele muntu muakane tô ne mashi a Zekâya, muana wa Balakia, unuakashihela hankatshi ha ntempelo ne tshishihelu.

Bienzedi 7:52

Muprofete kai wakadi bankambua benu kabai bamukengeshe? Bakashiha bakadi badianjila kuamba diambedi ne, Muakane ulualua; katataka nuenu nuakulua bamutungidi bandi ne bamushihi;

Dielulula 5:11

Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Dielulula 5:18

Kuendi masandi.

Dielulula 5:19

Kuibi.

1 Tesalonike 2:15

Bobo bakashiha Mukelenge Yesu ne baprofete, bakatuihata tuetu kabidi, kabena basankisha Nzambi, ne badi banyoka bantu bonso;

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.