Osheya 4:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

MUKANDA WA MYIDI MUKULU

¹² Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Osheya 4:12 ပူးပေါင်းရင်းမြစ်များ

2 Bakalenga 17:7

Bualu bua Bena Isalele bakadi benza malu mabi ku mesu kua Yehowa, Nzambi wabo, wakabaluhula mu buloba bua Ejipitu mu bianza bia Palo, mukelenge wa Ejipitu, ne bakatshina nzambi mikuabo,

2 Kulondolola 21:13

kadi udi wenda mu nshila ya bakelenge ba Isalele, wakenzesha Bena Yuda ne ba mu Yelushalema malu a masandi bu muakenza ba mu nsubu wa Ahaba, ne bualu bua wewe wakashiha bana benu ba mu nsubu wa tatuʼebe bakadi bakuhita buakane;

Misambu 106:39

Nunku bakadibihisha ku bienzedi biakenzabo, bakalonda malu a masandi mu bienzedi biabo.

Misambu 73:27

Bua mona, badi nʼebe kule nebajimine. Wewe wakubutula bonso badi bakulekela bua kulondabo malu a masandi.

Yirmeya 10:8

Kadi bantu kabena ne meji, badi anu ne buhote; diyisha dia mpingu didi hatuhu; idi anu tshituha tshia mutshi!

Yirmeya 2:27

badi bambila tshibasa tshia mutshi ne, Wewe udi tatu wetu; badi bambila dibue ne, Wewe wakatulela; bualu bua bakunkoma nyima yabo, kabakutangisha mpala yabo kundi; kadi mu tshikondo tshialua makenga kudibo nebangele dî ne, Juka, utusungile!

Yirmeya 23:13

Nakumona malu a hatuhu munkatshi mua baprofete ba mu Samalea; bakamba mei abo mu dina dia Bâla, bakasesuisha bantu banyi Kena Isalele.

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Yezekiyele 21:21

Bualu bua mukelenge wa Babulona udi wimana ku masangu a nshila, kundekelu kua nshila ei ibidi, bua kutempesha lubuku; udi unyungisha mikete, udi webesha telafima, udi utangila mu mutshima wa nyama.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Osheya 5:4

Bienzedi biabo kabiena bikumbana bua bahingane kudi Nzambi wabo, bualu bua mutshima wa masandi udi munda muabo, kabena bamanye Yehowa.

Osheya 6:10

Munkatshi mua Bena Isalele nakumona muanda muhite bubi; mu muaba au Bena Efelayima bakulonda malu a masandi. Bena Isalele bakunyanguka.

Osheya 9:1

Bena Isalele, kanusanki bua kutumba bu mudi ba mu bisamba bia bende hatumba! Bua nuakulonda malu a masandi hanuakulekela Nzambi wenu; nuakunanga difutu dia bena masandi dia ha bishihuidi bionso bia maminu.

Lewitiki 17:7

Nunku kabena bashihela ba-demon milambu yabo hadibo benda nʼabo masandi. Eu newikale mukenji kudibo bikondo biabo bionso.

Lewitiki 20:5

meme nengumushe mesu anyi kudi muntu au ne bantu bonso ba mu nsubu muandi, nemmumushe ne bantu bandi bonso badi benza handi malu a masandi ne Moleke, munkatshi mua bana babo.

Mika 2:11

Bianudinga muntu ne mei a mashimi, wamba ne, Nennuambile mei bua nvinyo ne maluvu makole, yeye neikale muprofete wa bantu aba.

Abakuke 2:19

Mulau wikale kudi udi wambila mutshi ne, Tabala! Udi wambila dibue didi kadiyi mua kuakula ne, Bika! Tshintu etshi tshidi mua kuyisha bantu, anyi? Monai, tshidi tshilamika or ne argent, kadi munda muatshi kamuena muhuya, nansha mukese!

Dibadika 15:39

Hanuatangila malenda au, nuvuluke mikenji ya Yehowa, nuyenze, kanulondi mitshima yenu ne mesu enu adi anuenzesha malu a masandi,

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Balombodi 18:5

Bobo bakamuambila ne, Tudi tukusengelela ne, Utuebeshile Nzambi bua tuetu tumanye ne tudi ne diakalengele mu nshila wetu utuaya.