Osheya 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.

MUKANDA WA MYIDI MUKULU

⁵ Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Osheya 3:5 ပူးပေါင်းရင်းမြစ်များ

1 Bakalenga 12:16

Hakamona Bena Isalele ne Mukelenge kakabunvuila, bantu bakandamuna ne, Tudi ne tshituha kai mu Davidi? Katuena ne buhianyi mu muana wa Yishai. Nuenu Bena Isalele nuhingane ku ntenta yenu! Nuenu Bena Davidi nudilamine nsubu yenu. Nunku Bena Isalele bakaya ku ntenta yabo.

Yeshaya 17:7

Mu dituku adi bantu nebatangile kudi Mufuki wabo, ne mesu abo neanemeke wa Tshijila wa Isalele.

Yeshaya 2:2

Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Yeshaya 2:3

Bantu ba bungi nebayeku, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; bua yeye atuyishe bienzedi biandi, ne bua tuetu tuende mu nshila yandi. Bualu bua diyisha dia mikenji nedifume mu Siona, ne dî dia Yehowa nedihatuke mu Yelushalema.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Yirmeya 23:5

Yehowa udi wamba ne, Monai, mu matuku atshidi alua, nensampishile Davidi Lutonga luakane; yeye neakokeshe bu mukelenge, nealeshe bakuabo meji makane, neajadike kulumbulula kuimpe ne buakane mu buloba.

Yirmeya 30:24

Tshiji tshikole tshia Yehowa katshiena tshihingana kudiye, tô ne hamaneye kuenza ne kushikisha malu onso akahangidisheye mu mutshima wandi. Mu matuku alualua ku mpala nenujingulule bualu ebu.

Yirmeya 30:9

kadi nebakuatshile Yehowa Nzambi wabo mudimu, ne Davidi mukelenge wabo unababishila.

Yirmeya 33:17

Bualu bua Yehowa udi wamba ne, Davidi kena uhanga kuikala ne muana mulume bua kushikameye mu nkuasa wa bukelenge wa Isalele tshiendelele;

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yezekiyele 16:63

bua wewe uvuluke, ukuatshike bundu, bua wewe kubuludi mukana muebe kabidi kashidi, bualu bua bundu nebukukuate, hanashikisha kukubuikidila malu mabi onso awakuenza.

Yezekiyele 38:16

Neulue kuluisha bantu banyi Bena Isalele, bu ditutu didi dibuikila buloba. Mu matuku a kunshikidilu, nenkutume bua kuluangana ne ba mu buloba buanyi, bua ba mu bisamba bia bantu bammanye meme, hanamuenesha tshijila tshianyi ku mesu kuabo ku bienzedi bindi nkuenzela wewe, Gogo.

Yezekiyele 38:8

Hahita matuku a bungi, nebakubikile bua kuluangana; kunshikidilu kua bidimu ubange kuya bua kuluisha bena buloba bakuhanduka ku kubutuka kua muele wa nvita, tshisamba tshia bantu badibo bahatula munkatshi mua bisamba bia bungi bia bantu; bakabasangisha ha mikuna ya mu Isalele yakadi mibutuke ne dibutuka dia tshiendelele diambedi, kadi idi ne bantu bashikamehu mpindiu bakuhatulabo munkatshi mua bisamba bia bungi bia bantu, buonso buabo bashikamehu kabayi ne bualu budi bubahumbisha.

Danyele 10:14

Mpindiu nakulua bua kukujinguluila malu adi akuata bana benu mu matuku alualua; bualu bua tshikena kumona etshi tshidi tshikulesha malu a mu matuku adi kayi manji kulua.

Danyele 2:28

Kadi Nzambi udiku mu diulu udi usokolola malu masokoka, ne yeye wakumanyisha mukelenge Nebukadenesâ malu akadi ha kulua mu matuku atshidi ku mpala. Tshilota tshiebe ne bikena kumona biwakumona ku mutu webe mu bulalu bidi nunku:

Osheya 1:11

Nebasangishe Bena Yuda ne Bena Isalele hohamue, ne bobo bine nebadisunguile muntu umue bua kuikaleye ha mutu habo; nebumuke mu buloba ebu, bua dituku dia Yizelele nedikale dinene.

Osheya 11:10

Nebalonde Yehowa; yeye nêle dî bu nyama wa ntambue; bualu bua yeye nêle dî diandi, bana bandi nebalue kudiye bazakale, bafume ku wesete.

Osheya 5:15

Nenye, nempingane ku muaba wanyi, tô ne hatondabo bubi buabo ne hakebabo mpala wanyi. Mu makenga abo nebankebe ne lukunukunu, bamba ne,

Osheya 5:6

Nebaye ne bisumbu biabo bia mikoko ne ngombe bua kukeba nʼabi Yehowa, kadi kabena bamusangana; yeye wakûmuka kudibo.

Osheya 6:1

Luai bienu, tuhingane kudi Yehowa; yeye wakatuhanda, kadi neashikishe disama dietu; yeye wakatutaha, kadi neajingile mputa wetu tshilulu.

Amosa 9:11

Mu dituku adi nengibake kabidi nsubu wa Davidi wakadi muhuke, nengibake kabidi bituha bia bimanu biandi bidi bishimbuke; nengibake bituha biandi biakanyanguka, nemmuase bua kuikaleye bu muvueye diambedi.

Mika 4:1

Mu matuku alualua mukuna wa nsubu wa Yehowa neujadikibue bu mukuna wa ha mutu ha mikuna minene, neubandishibue ha mutu na mikuna mikese; ne ba mu bisamba bionso nebabuelemu.

Dibadika 24:14

Katataka nyaya kudi bantu banyi, lua biebe, nenkuleshe malu adi bantu aba benzela bantu bebe mu matuku adi ku mpala.

Rome 11:25

Bana betu, tshiena musue nuhange kumanya bualu ebu busokoka, bua nuenu kanuditekemenyi bu munudi bena meshi, ne, Bukole bua mutshima buakakuata Bena Isalele tshituha tshihi, tô ne hafika dikumbana dia bisamba bia bende mu lumu luimpe.

Rome 2:4

Anyi udi uhetula bubanshi bua buimpe bua Nzambi ne lutulu luandi ne luse lua musangu mule; kuena mumanye ne luse lua Nzambi ludi lukukoka ku dikudimuna dia mutshima, anyi?

Dielulula 4:30

Hanuakenga mu dikenga, halua malu au onso kunudi, nenuhingane kudi Yehowa, Nzambi wenu, mu matuku adi ku nyima, nenutumikile dî diandi: