Osheya 3:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda, ne kabayi ne telafima.

MUKANDA WA MYIDI MUKULU

⁴ Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Osheya 3:4 ပူးပေါင်းရင်းမြစ်များ

Genese 31:19

Hakaya Labana bua kukoseye mikoko miosa, Lakele wakiba mpingu ya mu nsubu wa tatuʼandi.

Genese 31:34

Kadi Lakele wakamana kumusha mpingu, wakayiteka muinshi mua biseba bia tumelo, wakashikama ha mutu hai Labana wakakeba ne bianza, kakayisangana.

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

2 Samuele 6:14

Davidi wakaja maja ku mpala kua Yehowa ne bukole buandi buonso: Davidi wakadi ne efoda wa lin musuika mu tshifila tshiandi.

2 Bakalenga 23:24

Yoshiya wakumusha kabidi bena mbuku ne bena muhongo ne mpingu yonso ne malu a bundu onso biakadi mu Yuda ne mu Yelushalema bua yeye ajadike mei onso a mikenji akadi mafunda mu mukanda wakasangana Hilekiya muakuidi mu nsubu wa Yehowa.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

Ekesode 28:4

Ebi mbilulu bidibo ne bua kutela tshintu tshia kuteka ha tshiadi, ne efoda, ne tshikowelu, ne kazaku ka bibaka bibaka, ne tshilulu ne mukaba, bobo nebatelele Alona ne bana bandi bilulu bia tshijila, bua yeye ankuatshile mudimu wa buakuidi.

Ekesode 28:6

Bobo nebatele efoda ne bintu bia or ne bilulu bia bleu ne bukunzubile ne bikunze-kunzû ne bia lin mutambe buimpe, bintu bidibo benzesha kudi bantu badi ne lungenyi lule.

Muadi 2:9

Bibi biandi biakubuela mu buloba; yeye wakutshibula biamu biabi bituha bituha; mukelenge wandi ne miloho yandi badi bamuangalaka munkatshi mua bisamba bia bantu, mudi kamuyi mikenji; nansha baprofete kabatshiena bamona bikena kumona bifume kudi Yehowa.

Yezekiyele 19:14

Kahia kakahatuka mu matamba au, kakosha matamba ne mamuma au; nunku kamuakushala ditamba dikole bu dikombo dia kukokesha nʼadi. Eu udi musambu wa muadi, newikaleku bu kasala ka madilu.

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Yezekiyele 21:21

Bualu bua mukelenge wa Babulona udi wimana ku masangu a nshila, kundekelu kua nshila ei ibidi, bua kutempesha lubuku; udi unyungisha mikete, udi webesha telafima, udi utangila mu mutshima wa nyama.

Yezekiyele 21:31

Nenkukoleshe tshiji tshianyi, nenkuelele kahia ka tshiji tshianyi; nenkufile mu bianza bia bantu badi bu nyama mene, badi ne lungenyi lule lua kubutula nʼalu bakuabo.

Danyele 11:31

Bena nvita nehalue kudiye babatumineye mukenji, nebanyange tshitendelelu ne muaba muasa ne ngumbu ya nvita, nebalekeshe diosha dia mulambu wa kuosha wa buatshia-buatshia, nebajadike tshinyangu tshia dibutuka mu muaba wau.

Danyele 12:11

Tshikondo tshidibo bumusha mulambu wa kuosha wa buatshia-buatshia tô ne tshidibo bateka tshinyangu tshia dibutuka mu muaba wau, matuku neahite tshinunu ne nkama ibidi ne makumi tshitema.

Danyele 9:27

Muntu neajadike tshihungidi tshikole ne bantu ba bungi bua kushalatshi lumingu lumue. Hankatshi ha lumingu nealekeshe difila dia mulambu wa nyama mishiha ne wa bia kudia. Mu muaba wa milambu ei yeye neateke tshinyangu tshia dibutuka, tô ne halua dibutuka diakasungula Nzambi hamʼbidi ha muena tshinyangu.

Osheya 13:10

Mukelenge wenu udi kudi kunyi bua kunuhandisheye mu misoko yenu yonso? Balumbuluishi benu badi kudi kunyi, bawakuamba ne, Utuhe mukelenge ne bakokeshi?

Osheya 13:11

Nakunuha mukelenge mu tshifikʼa munda tshianyi, nakumunyenga mu tshiji tshianyi tshikole.

Osheya 2:11

Nendekeshe miloû yandi yonso, bidia biandi bia masanka, masanka andi a ngondo mihia-mihia, matuku andi a mbingu ne bikondo bionso biakudisu-nguileye bua kusanka.

Lewitiki 8:7

Wakaluatshisha Alona kazaku, wakamuela mukaba, wakamuluatshisha tshikowelu ne efoda, wakamuela mukaba wa efoda, wakamusuika hamʼbidi handi.

Zekâya 10:2

Bualu bua mpingu ya telafima idi yamba mei a hatuhu, batempi ba mbuku badi batempa ne mashimi; badi balota bilota badi bawilangana bilota bia mashimi, badi basambangana ne busambi hua tshianana. Bua malu â bantu badi batatakana bu mikoko, badi bakenga kabayi ne mulami.

Zekâya 13:2

Yehowa wa misumba udi wamba ne, Mu dituku adi nenjimishe mena a mpingu mu buloba, ne bantu kabena bayivuluka kabidi kashidi; nengihate baprofete ne nyuma ya bukoya mu buloba.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Yowanane 19:15

Bakela mei abo bikole ne, Umumushe, umumushe, umushihe ku mutshi mutshiamakane! Pilato wakabakonka ne, Nshihe Mukelenge wenu, anyi? Bakuidi banene bakamukudimuna ne, Katuena ne mukelenge mukuabo, anu Kaisa.

Ebrewu 10:26

Bua bituenza malu mabi bua disungula dia mutshima hatuakamana kuangata dimanya dia bushua, kakuena kushala kabidi munga mulambu bua kubuikidila nʼau mibi,

Balombodi 17:5

Muntu eu Mika wakadi ne nsubu wa mpingu, Wakenza kabidi efoda ne telafima, wakajidila umue wa bana bandi balume, wakalua muakuidi wandi.

Balombodi 18:14

Hashishe balume aba bakaya bua kutentekelabo buloba bua Layisha, bakakonka bana babo ne, Nudi bamanye ne efoda ne telafima ne luhingu luakasongabo ne luhingu luakatulabo bidi mu nsubu ei, anyi? Nunku nuelangane meji a bualu bunudi nʼabu mbua kuenza.

Balombodi 8:27

Gideona Wakenza efoda ne bintu ebi, wakamuteka mu Ofela, musoko wandi; Bena Isalele bonso bakendaku masandi; nunku efoda eu wakalua bu buteyi kudi Gideona ne ba mu nsubu wandi.

1 Samuele 14:3

ne Ahiya, muana mulume wa Ahituba, muanʼabo ne Ikaboda, muana mulume wa Pinehasa, muana mulume wa Eli, muakuidi wa Yehowa wa mu Shilo, wakadi nʼandi muluate tshilulu tshia efoda. Bantu kabakamanya ne, Yonatana wakaya.

1 Samuele 15:23

Kutomboka kudi bualu bubi bu butempi bua mbuku ne tshitshu tshidi bu kutendelela kua mpingu ne manga a hatuhu. Bualu bua wewe wakahidia dî dia Yehowa yeye kabidi wakakuhidia bua wewe kuikala mukelenge.

1 Samuele 2:18

Samuele wakenzela Yehowa mudimu; hakatshidiye muana, wakadi uluata efoda wa lin.

1 Samuele 21:9

Muakuidi wakamuambila ne, Muele wa nvita wa Goleyata, Muena Peleshete, uwakashiha mu tshibanda tshia Ela, udiku, udi mujingila mu tshilulu ku nyima kua efoda; biwasua kuwangata, uwangate, bualu bua kakuena muele mukuabo kunoko. Davidi wakamba ne, Kakuena mukuabo bu au, ûmpe.

1 Samuele 22:18

Mukelenge wakambila Doege ne, Wewe ushihe bakuidi. Doege, Muena Edome, wakatshunguluka, wakashiha bakuidi dituku adi makumi muanda mukulu ne batanu bakadi baluata efoda ya lin.

1 Samuele 23:6

Hakanyema Ebeyatâ, muana wa Ahimeleke, kudi Davidi mu Kila, yeye wakadi mulue ne efoda mu tshianza tshiandi.

1 Samuele 23:9

Davidi wakamanya ne, Shaula udi ungelela tshifulu: nunku yeye wakabikila Ebeyatâ muakuidi, wakamuambila ne, Lua kundi ne efoda.

1 Samuele 30:7

Davidi wakambila Ebeyatâ muakuidi, muana wa Ahimeleke ne, Ndi nkusengelela ne, Ulue kundi ne efoda. Ebeyatâ wakalua kudi Davidi ne efoda.