Osheya 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nunku nakamusela ku bituha bia argent dikumi ne bitanu, ne ku homer ne tshituha tshia hankatshi tshia homer bia matete a orge.

MUKANDA WA MYIDI MUKULU

² Nanku, meme kuangata mukajanyi tshiakabidi, ku nkanu dikumi ne itanu ya tshiamu tshitoke tshia mushinga mukole, ne ku litre 600 ya ntete ya orje.

Osheya 3:2 ပူးပေါင်းရင်းမြစ်များ

Genese 31:41

Nakadi mu nsubu webe nunku to bidimu makumi abidi, nakakukuatshila mudimu bidimu dikumi ne binai bua bana bebe ba bakashi babidi, ne bidimu bisambombo bua bimuna biebe, ne wewe wakakudimuna difutu dianyi misangu dikumi.

Genese 34:12

Binuandomba bintu bia dibaka bidi bitamba bungi, nennuhebi, anjai kumpa nsongaka shi bu mukashi wanyi.

Ekesode 22:17

Biahidia tatu wa mukashi kumufila kudiye, yeye neafute biuma bu bia dibaka dia bakashi batshidi kamama.

Yeshaya 5:10

Bualu bua hectares itanu ya buloba mu budimi bua nvinyo neyilue anu ne tshihiminu tshimue tshia nvinyo, ne ntshihiminu tshimue tshia homer tshia maminu netshikuamishe anu tshihiminu tshimue tshia épha tshia bia kudia.

Yezekiyele 45:11

Tshihiminu tshia épha ne tshihiminu tshia bintu bienguluke bikale ne tshihiminu tshimue, bua tshihiminu tshia épha tshikale tshituha tshia dikumi tshia homer; nunku tshihiminu tshia homer tshikale luidi lua kuidikisha nʼalu.

Osheya 3:3

Nakamuambila ne, Bûdi nʼabu mbua kuikala muena kuanyi matuku a bungi; kulondi malu a masandi, kuikadi mukashi wa muntu mukuabo; ne meme nengikale muomumue kûdi.

Lewitiki 27:16

Biajidila muntu Yehowa tshituha tshia budimi bua buhianyi buandi, wewe neutuangane nʼandi mushinga ku bungi bua bintu bidiye mukunemu, biakuneye homer wa orge, mushinga wai newikale nshekele ya argent makumi atanu.

Rute 4:10

Bualu bukuabo, nakasumba Luta Muena Moaba, mukashi wa Malona bu mukashi wanyi, bua kuhingisha dina dia mufu ku buhianyi buandi, bua dina dia mufu kadijiminyi mu nkatshi mua bana babo ne ku tshibi tshia muaba wandi nudi bamanyi ba bualu ebu lelu.

1 Samuele 18:25

Shaula wakamba ne, Nuambile Davidi ne, Mukelenge kena ukeba biuma bia dibaka anu tukoba tua Bena Peleshete lukama: bua kusombuela bena lukuna ba mukelenge. Shaula wakadi wela meji munda muandi bua kushihesheye Davidi ku bianza bia Bena Peleshete.