Osheya 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakangambila ne, Ya kabidi, nanga mukashi udi munangibue kudi mulunda wandi ne udi muena masandi, bu mudi Yehowa unanga Bena Isalele, nansha bobo bafila mitshima yabo kudi nzambi mikuabo ne bananga mikata ya tumuma tua nvinyo.

MUKANDA WA MYIDI MUKULU

¹ Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Osheya 3:1 ပူးပေါင်းရင်းမြစ်များ

2 Samuele 6:19

Yeye wakabanyina bantu bonso ba mu tshisumba tshia Bena Isalele, ne halume ne bakashi, mitanda ya bidia, minyinyi ne bisumbu bia tumuma tukese tûme. Nunku bantu bakamuangalaka muntu kuandi muntu kuandi.

2 Bakalenga 13:23

Kadi Yehowa wakabalesha dinanga, wakabafila luse, wakabalesha kalolo, bualu bua tshihungidi tshiakahungeye ne Abalahama ne Isaka ne Yakoba, yeye wakabenga bua kubabutula, kakabihata ku mesu kuandi.

1 Kulondolola 16:3

Yeye wakaha muntu yonso wa mu Isalele ne balume ne bakashi mutanda wa bidia ne tshihesa tshia munyinyi ne tshisumbu tshia tumuma tûme.

Nehemya 9:31

Kadi hua luse luebe lunene wewe kuakababutula buonso buabo, kuakabalekela; bualu bua wewe udi Nzambi wa diakalengele ne wa luse.

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Ekesode 32:6

Hakatshiabu bakabika ne dinda dionso, bakafua milambu ya kuosha, bakalua ne milambu ya kuvuisha nʼai ditalala, bantu bakashikama bua kudia ne bua kunua, bakabika bua kunaya.

Musambu wa Solomo 2:5

Unkoleshe ne tumuma tukese tûme, unsangashe ne mamuma a pommes, bualu bua dinanga diakunkengesha.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Yirmeya 3:20

Yehowa udi wamba ne, Bulelela, bu mudi mukashi utungila bayandi tshitungu bua kumuka kudiye, nunku nuenu ba mu Bena Isalele nuakuntungila tshitungu muomumue.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Osheya 2:5

Bualu bua mamu wabo wakulonda malu a masandi; yeye wakabalela wakuenza malu a bundu. Bualu bua wakamba biandi ne, Nendonde bannangi badi bampa bidia bianyi ne mai a kunua, miosa yanyi ya mikoko ne buanda bua lin, manyi anyi ne bia kunua bianyi.

Osheya 4:11

Masandi ne maluvu ne nvinyo mihia-mihia bidi biumusha meji a mu mutshima.

Osheya 7:5

Mu dituku dia disanka dia mukelenge wetu bakokeshi bakadisamisha ku luya lua maluvu a nvinyo; yeye wakolola tshianza tshiandi diatshimue ne baseki.

Amosa 2:8

Badi badiolola hanshi hehi ne bioshelu bionso ha bilamba biakangatabo bu tshieya; mu nsubu wa Nzambi wabo badi banua nvinyo ya bantu bakafutshishabo bibau.

Amosa 6:6

Badi banuina nvinyo mu malonga, badi badilaba manyi a mushinga mukole hamʼbidi; kadi kabena banyingalasha mitshima yabo bualu bua kubutuka kua Yosefe!

Mika 7:7

Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Zekâya 1:16

Nunku Yehowa udi wamba ne, Nempingane ku Yelushalema ne luse; nebasemu nsubu wanyi kabidi. Yehowa wa misumba udi wamba ne, Nebolole muonshi bua kuidikisha nʼau Yelushalema.

Matayi 26:50

Yesu wakamuambila ne, Mulunda wanyi, enza bualu buwakuluila. Hashishe, bakahia, bakalenga Yesu bianza, bakamukuata.

1 Korente 10:21

Kanuena mua kunua luhanza lua Mukelenge ne luhanza lua bademon hohamue; kanuena mua kudisanga ku mesa a Mukelenge ne ku mesa a bademon hohamue.

1 Korente 10:7

Lekelai kuikala batendeledi ba mpingu, bu muakadi bakuabo babo; bu muakafundabo ne, Bantu bakashikama bua kudia ne bua kunua, bakabika bua kunaya.

1 Petro 4:3

Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

Balombodi 10:16

Bobo bakumusha nzambi ya bende yakadi munkatshi muabo, bakakuatshila Yehowa mudimu; ne mutshima wandi wakanyingalala bua ntatu ya Bena Isalele.

Balombodi 9:27

Bakaya mu madimi, bakahuola mamuma abo, bakatua tumuma tuabo tua nvinyo ku makasa abo, bakadia bidia bia disanka, bakabuela mu nsubu wa nzambi wabo, bakadia, bakanua, bakela Abimeleke mulau.