Osheya 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

MUKANDA WA MYIDI MUKULU

¹² Eyowa, neuwule mukaji awu bilamba, babayende batangile. Muntu kena mua kunkandika to.

Osheya 2:12 ပူးပေါင်းရင်းမြစ်များ

Misambu 80:12

Wakushimbula luhangu luau bualu kai, bua bonso badi bahita mu nshila badi bahuola mamuma au?

Yeshaya 29:17

Diba ndishala dikese bua Lebanona kuandamuka bu budimi budi bulua ne bintu bia bungi, ne budimi budi bulua ne bintu bia bungi nebubadibue bu ditu, anyi?

Yeshaya 5:5

Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

Yeshaya 7:23

Mu dituku adi, mu muaba wonso muakadi mionshi ya tumuma tua nvinyo tshinunu, yakadi mushinga wa bituha bia argent tshinunu, nemuikale buloba budi bumenesha anu meba ne mingonge.

Yirmeya 13:26

Nunku nenkuvule bilulu ku mesu kuebe, bundu buebe nebumueneke.

Yirmeya 26:18

Mika, Muena Molesheta, wakambila bantu dî dia Nzambi mu matuku a Hezikiya, mukelenge wa Yuda. Yeye wakambila Bena Yuda bonso ne, Yehowa wa misumba udi wamba ne, Nebabundulule Siona bu mudibo babundulula budimi, Yelushalema nealue anu bikulu, ne mukuna wa ntempelo newikale bu mukuna mu ditu.

Yirmeya 5:17

Nebadie bintu bia mu madimi enu ne bidia bienu, nebashihe bana benu ba balume ne bana benu ba bakashi; nebadie bisumbu bienu bia mikoko ne bimuna; nebanyange mionshi yenu ya tumuma ne mitshi ya nfigi; nebashimbule misoko yenu ya ngumbu inuakueyemena ne muele wa nvita.

Yirmeya 8:13

Yehowa udi wamba ne, Nembabutule kabutu; kakuena kuikala kamuma kamue ku muonshi wa tumuma tua nvinyo anyi kamuma ka nfigi ku mutshi wa nfigi; mabeshi mene neafubidile, ne bintu bionso binakubaha nebijimine.

Osheya 13:8

Nembabunde bu nkashama udibo banyenga bana bandi, nembahande tô ne ku lukutu lua mutshima; nembafile bu mudi mukashiʼa nyama wa ntambue wenza; nyama wa mu mpata neabahande bihesa.

Osheya 2:5

Bualu bua mamu wabo wakulonda malu a masandi; yeye wakabalela wakuenza malu a bundu. Bualu bua wakamba biandi ne, Nendonde bannangi badi bampa bidia bianyi ne mai a kunua, miosa yanyi ya mikoko ne buanda bua lin, manyi anyi ne bia kunua bianyi.

Osheya 5:14

Bualu bua nengikale bu nyama wa ntambue kudi Bena Efelayima, ne bu muana wa nyama wa ntambue kudi Bena Yuda. Meme, meme mene, nembahande ne nengumuke; nenye nʼabo ne kakuena muntu wa babandisha.

Osheya 9:1

Bena Isalele, kanusanki bua kutumba bu mudi ba mu bisamba bia bende hatumba! Bua nuakulonda malu a masandi hanuakulekela Nzambi wenu; nuakunanga difutu dia bena masandi dia ha bishihuidi bionso bia maminu.

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.