Osheya 14:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ matamba abo neabaluluke; bulengele buabo nebuikale bu bua mutshi wa olive, ne muhuya wabo muimpe newikale bu wa Lebanona.

MUKANDA WA MYIDI MUKULU

⁶ Nengikale munkatshi mua bena Izrayele, bu lumume ludi bambuluisha buloba. Nanku, bena Izrayele nebalengele, bu tshilongu tshia nsungubidi. Nebele miji bu mitshi ya mu Lebanone.

Osheya 14:6 ပူးပေါင်းရင်းမြစ်များ

Genese 27:27

Yeye wakasemena ha buihi, wakatuangana nʼandi mishiku, yeye wakanunkila muhuya wa bilulu biandi, wakamuvudishila disanka ne, Tangila, muhuya wa muanʼanyi udi bu muhuya wa budimi buakasankishibua kudi Yehowa,

Misambu 128:3

Mukashi webe neikale bu muonshi wa tumuma udi ukuama bimpe munda mua nsubu muebe. Bana bebe baledibue nebikale bu ntonga ya mitshi ya olive, banyunguluke mesa ebe.

Misambu 52:8

Kadi meme hanyi ndi bu mutshi wa olive utshidi usampila mu nsubu wa Nzambi. Ndi ngeyemena luse lua Nzambi tô ne tshiendelele.

Misambu 92:12

Bantu bakane badi bakola bu dibue dia ngashi, badi baleha bu mutshi wa cèdre wa mu Lebanona.

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Yeshaya 35:2

netshimeneshe bilongo bia bungi, netshisanke ne disanka ne misambu mene. Nebatshiheshe butumbi bua Lebanona, bulengele bua Kâmele ne Shalona; nebatangile butumbi bua Yehowa ne bulengele bua Nzambi wetu.

Yeshaya 66:14

Nenumone malu â, ne mitshima yenu neyisanke; mifuba yenu neyidiunde bimpe bu mashinde a lutende. Bukole hua tshianza tshia Yehowa nebumanyibue kudi bantu bandi, ne tshiji tshiandi netshikale kudi badi nʼandi lukuna.

Yirmeya 11:16

Yehowa wakakuidika dina ne, Mutshi wa olive mubishi, udi mulengele muikale ne mamuma makane; kadi yeye wakautemeshila kahia ka tshiona tshinene, ne matamba au akatshibuka.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

Matayi 13:31

Yeye wakabelela lusumuinu lukuabo ne, Bukelenge bua mu diulu budi bu lutete lua mutada luakangata muntu bua kukuna mu budimi buandi;

Yowanane 15:1

Meme ndi muonshi mimene mulelela wa mamuma a nvinyo, Tatu wanyi udi mulami wau.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.