Osheya 14:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

MUKANDA WA MYIDI MUKULU

³ Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 14:3 ပူးပေါင်းရင်းမြစ်များ

2 Kulondolola 16:7

Mu tshikondo atshi Hanani, mumonyi wa malu, wakalua kudi Asa, mukelenge wa Yuda, wakamuambila ne, Bualu bua wewe wakueyemena mukelenge wa Sulia, kuakueyemena Yehowa Nzambi webe, nunku bantu ba mukelenge wa Sulia bakahanduka mu bianza biebe.

Misambu 10:14

Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 146:3

Kanueyemenyi baminyampala, anyi muana wa muntu, unudi kanuyi mua kusangana dikuatshisha kudiye.

Misambu 146:9

Yehowa udi ulama benyi, udi ukuatshisha bana ba nshiya ne bakashi ba mu lufuila: kadi udi ukonyangasha nshila wa bantu babi.

Misambu 33:17

Kabalu ka nvita kadi tshintu tshia hatuhu kudi badi batekemena luhandu kudiku; kakena mua kusungila bantu ku bukole buaku bunene.

Misambu 68:5

Mu muaba wandi wa tshijila mudiye mushikame mudi Nzambi, tatu wa bana ba nshiya ne mulumbuluidi wa bakashi ba mu lufuila.

Yeshaya 1:29

Bualu bua bundu nebubakuate bua mitshi ya telebinta inuakunanga, nenuikale babuandakashibue bualu bua bibidi binuakusungula.

Yeshaya 2:20

Mu difuku adi bantu nebimashe mpingu yabo ya argent, ne mpingu yabo ya or, yakudifudilabo bua kuyitendelela, nebayimashe kudi bibulebule ne kudi tuhulukusu,

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yeshaya 30:16

kadi nuakuamba bienu ne, Nansha, bualu bua netunyeme ba nyima ha tubalu! Nunku, nenunyeme bulelela. Nuakuamba kabidi ne, Netuende babande ha nyima ha nyama idi inyema lubilu; nunku badi banuihata nebanyeme lubilu kabidi.

Yeshaya 30:2

Badi bahisha luendu bua kuhuekabo mu Ejipitu, ne kabena bakonka lungenyi mukana muanyi. Badi basue kunyemena tshinyemenu kudi Palô, ne kudisokoka muinshi mua mundidimbi wa Ejipitu!

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Yeshaya 31:3

Bena Ejipitu badi bantu, kabena Nzambi nansha; tubalu tuabo tudi nyama, katuena nyuma nansha. Holola Yehowa tshianza tshiandi, mukuatshishi nealenduke, ne udiye mukuatshishe neadishinde, ne buonso buabo nebajimine hohamue.

Yeshaya 36:8

Nunku ndi nkusengelela ne, Udie luhiku ne mukelenge wanyi, mukelenge wa Ashû: nenkuhe tubalu binunu bibidi, biwamanya biebe mua kushikika bahandi ha nyima hatu.

Yirmeya 49:11

Shiya bana bebe ba nshiya, nembalame bua bikale ne muoyo, bakashi bebe ba mu lufuila bangeyemene meme.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Yezekiyele 37:23

Kabena badinyanga kabidi ne mpingu yabo ne bintu biabo bidi bibahihisha, anyi ne malu mabi abo makuabo; ne nembasungile ku matomboka abo onso akadibo bantombokela nʼau, nembalengeshe; nunku nebikale bantu banyi, ne meme nengikale Nzambi wabo.

Osheya 12:1

Bena Efelayima badi badidisha ne luhehele, badi balonda luhehele lua ku esete. Badi bavudisha mashimi ne tshimbambila nusangu yonso; badi bahunga tshihungidi ne Bena Ashû, ne badi baya ne manyi ku Ejipitu.

Osheya 13:2

Mpindiu badi bananukila kulonda malu mabi, badi badifudila bifuanyikishi bia nzambi yabo ku tshiamu tshiabo tshia argent, ne mpingu bu mudi lungenyi luabo, bintu ebi bionso biakadi midimu ya bansenda. Badi bamba bualu buabi ne, Badi bafila milambu, badi baluangana ne bana ba ngombe mishiku.

Osheya 14:8

Bena Efelayima, mpingu yenu idi ne mushinga kai kundi kabidi? Mmeme ndi nnunvuila ne adi nnulama. Ndi bu mutshi wa cyprès udi ne muoyo, nudi nuheta mamuma enu kundi.

Osheya 2:17

Bualu bua nengumushe mena a Ba-Bâla mukana muandi, kabena batela mena abo kabidi.

Osheya 4:12

Bantu banyi badi balomba lungenyi ku tshibasa tshia mutshi, ne tshibangu tshiabo tshidi tshibatempela; bualu bua mutshima wa masandi wakubahambuisha, ne bakulonda malu a masandi, batombokela Nzambi wabo.

Osheya 5:13

Hakamona Bena Efelayima disama diabo, hakamona Bena Yuda mputa wabo, mu diba adi Bena Efelayima bakaya ku Ashû, bakatuma dî kudi Mukelenge Yaleba. Kadi yeye kena ne bukole bua kunushikishila disama dienu, kena mua kunûmishila mputa wenu.

Osheya 7:11

Bena Efelayima badi bu nyunyu wa nkutshi muhote udi kayi ne lungenyi; badi bela dî diabo ku Ejipitu, badi baya ku Ashû.

Osheya 8:6

Luhingu elu luakufuma ku buloba bua Isalele; nsenda wakulufula, ne kaluena Nzambi nansha; bulelela, muanʼeu wa ngombe wa Bena Samalea neatshibudibue bituha.

Osheya 8:9

Bualu bua bakuhanda ku Ashû, bu mpunda wa mu mpata wa diendankaya wenda. Bena Efelayima bakufila bintu bua kuheta banangi.

Yona 2:10

Hashishe, Yehowa wakela munyinyi au dî diandi ne munyinyi wakaluka Yona ku mpata.

Zekâya 13:2

Yehowa wa misumba udi wamba ne, Mu dituku adi nenjimishe mena a mpingu mu buloba, ne bantu kabena bayivuluka kabidi kashidi; nengihate baprofete ne nyuma ya bukoya mu buloba.

Yowanane 14:18

Tshiena nushîa bana ba nshîe, nempingane kunudi.

Dielulula 17:16

Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.