Osheya 13:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nembahikule ku bukole bua Muaba wa Bafue, anyi? Nembahandishe ku lufu, anyi? Lufu, makenga ebe adi kudi kunyi? Muaba wa Bafue, kubutula kuebe kudi hanyi? Kukudimuna kua mitshima kudi kusokokibua ku mesu kuanyi.

MUKANDA WA MYIDI MUKULU

¹⁴ Nanku, meme Maweja-Nangila, nempandishe bena Izrayele ku lufu anyi? Nembumushe muaba wa bafue anyi? Lufu, bukole buebe budi penyi? Lufu, leja bukole buudi ushipangana nabu. Meme tshiakubafuila luse to.

Osheya 13:14 ပူးပေါင်းရင်းမြစ်များ

Yobe 33:24

hashishe, yeye udi umulesha luse, udi wamba ne, Umusungile bua kahueki biandi mu Dijimba dia Bafue, bualu bua nakusangana tshia kumuhikula nʼatshi.

Yobe 41:22

Bukole budi bujalama mu nshingu wandi, buowa budi buja maja ku mpala kuandi.

Misambu 16:10

Bualu bua wewe kuena ushiya muoyo wanyi mu Muaba wa Bafue; kuena witabusha bua muntu webe wa tshijila atangile Dijimba dia Bafue.

Misambu 30:3

Ke, Yehowa, wakuhaula muoyo wanyi mu Muaba wa Bafue, wakumpingashila muoyo wanyi bua meme tshikadi munkatshi mua badi bahueka mu Dijimba dia Bafue.

Misambu 49:15

Kadi Nzambi, neahikule muoyo wanyi ku bukole bua Muaba wa Bafue, bua yeye neangangate.

Misambu 49:16

Kutshinyi havuishibua muntu bubanji, havulangana biuma bia mu nsubu muandi.

Misambu 71:20

Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 86:13

Bua luse luebe lujalame lûdi undesha ludi lunene; bualu bua wakuhandisha muoyo wanyi ku ndondo wa mu Muaba wa Bafue.

Yeshaya 25:8

Yeye wakumina lufu tshiendelele; ne Mukelenge Yehowa neakuhule binsonshi ku mesu kua bantu bonso; neumushe tshihendu tshidibo bahenda nʼatshi bantu bandi, utshiumusha ha buloba buonso; bualu bua Yehowa wakuamba dî edi.

Yeshaya 26:19

Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 20:16

muntu eu ikale bu misoko yakabutulabo kudi Yehowa kayi ubalesha luse; yeye unvue mu adi wa bantu ne lunkelu, ne lubila lua nvita munda munya;

Yirmeya 31:35

Edi ndi didibo bamba kudi Yehowa, udi utekela bantu diba bua kubatemeshila munya, udi welela ngondo ne mitoto mikenji bua kubakenkelayi butuku, udi uvuandulula mai a mu mai manene tô ne hahatula mavuala au tshiona tshikole; Yehowa wa misumba ndina diandi.

Yezekiyele 37:9

Hashishe yeye wakangambila ne, Ela di diebe dia buprofete kudi luhehele; ela dî diebe, wewe muana wa muntu, ambila luhehele ne, Mukelenge Yehowa udi wamba ne, Lua ku mpehele inai, wewe muhuya, buela munda mua bantu aba bashihibue bua bobo bikale ne muoyo.

Osheya 6:2

Hahita matuku abidi, yeye neahingashe; halua dituku disatu, yeye neatubishe bua tuetu tuikale ne muoyo ku mpala kuandi.

Osheya 7:10

Dihetu dia Bena Isalele didi dibahisha, kadi kabena bahingana kudi Yehowa Nzambi wabo; kabena bamukeba, nansha malu â onso mikale nunku.

Malaki 3:6

Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Rome 11:15

Bua bikata kumushibua kuabo kuakulua dilengesha dia ba ha buloba ne Nzambi, ditabushibua diabo nedilue tshinyi tshikuabo, anu muoyo wa ku bafue mene?

Rome 11:29

Bua Nzambi kena ukudimuna mutshima bua maha andi ne dibikila diandi kudi Isalele.

2 Korente 5:4

Bulelela, tuetu badi mu nsubu eu tudi tufua mikemu banemena kudi bujitu; kembua tudi basue kuvula bintu bitudi tuluata, kadi tudi basue kuluatshishibua, bua tshidi ne bua kufua tshiminyibue kudi muoyo.

Filipe 3:21

yeye neakudimune mibidi ya buhuekele buetu bua kufuananganai ne mubidi wandi wa butumbi, bu mudi kuenza kuandi kudiye mumanye mua kuvuisha nʼaku bintu bionso ku nyima kuandi.

1 Tesalonike 4:14

Bualu bua bituitabusha ne Yesu wakafua, ne wakabika ku lufu kabidi, muomumue Nzambi nealue ne bantu aba nʼandi kabidi bakalala tulu ma lufu bualu bua Yesu.

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Didimanyisha 20:13

Mai manene kabidi, akahatula bafue bakadimu, ne lufu ne Muaba wa Bafue biakahatula bafue bakadimu, ne bakalumbuluisha muntu yonso bu muakadi bienzedi biandi.

Didimanyisha 21:4

Yeye neakuhule tshinsonshi tshionso ku mesu kuabo; ne lufu kaluena luikalaku kabidi; madilu kêna ikalaku kabidi, nasha muadi, nasha kanyinganyinga kabidi; malu a kumudilu akumuka.

Didimanyisha 6:8

Nakatangila, ne mona, kabalu ka tshitoketoke; ne dina dia wakadi ushikama ha nyima haku diakadi Lufu; ne Muaba wa Bafue wakalonda ku nyima kuandi. Ne bakabaha bukokeshi ha mutu ha tshituha tshinai tshia ba ha buloba, bua kubashiha ne muele wa nvita, ne tshiole, ne lufu, ne kudi nyama ya luonji ya ha buloba.

1 Samuele 15:29

Bukole bua Isalele kabuena bujima anyi bukudimuka, bualu bua yeye kena bu muntu bua kukudimukeye.