Osheya 11:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakabakoka ne mionshi idibo bakoka nʼai muntu, ne mionshi ya dinanga mene; nakadi kudibo bu muntu udi wambula mutshi wa tshikokedi ha nshingu yabo; ne nakateka bia kudia ku mpala kuabo.

MUKANDA WA MYIDI MUKULU

⁴ Mvua mubaludike ne luse ne dinanga. Mvua mubambule, mudi tatu ukongoloja muanende mutekete ku ditama. Mvua muiname bua kudisha bena Izrayele.

Osheya 11:4 ပူးပေါင်းရင်းမြစ်များ

2 Samuele 7:14

Nengikale tatu wandi, yeye neikale muanʼanyi; henzeye bualu bubi, nemmukengeshe ne nsokotshi wa bantu ne mibunda-bunda ya bana ba bantu;

Misambu 105:40

Bakamulomba ne yeye wakabaha nkuadi, wakabukutshisha ne bidia bia mu diulu.

Ekesode 16:32

Mose wakamba ne, Etshi ntshintu tshiakuamba Yehowa ne, Nushale ne tshihiminu tshia bintu ebi tô ne ku bikondo bienu bionso, bua nuenu numone bidia binakanudisha nʼabi mu tshihela, hanakanuhatula mu buloba bua Ejipitu.

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Lewitiki 26:13

Meme ndi Yehowa, Nzambi wenu, wakanuhatula mu buloba bua Ejipitu bua nuenu kanuikadi bahika babo, nakatshibula mitshi ya tshikokedi yakatekabo ha nshingu yenu, nakanujalamisha.

Yowanane 12:32

Ne meme, biambishabo ha buloba, nenkoke bantu bonso kundi.

2 Korente 5:14

Bualu bua dinanga dia Kilisto didi dituenzesha; bua tuakujingulula bualu ebu ne, Bualu bua umue wakafuila bonso, nunku bonso bakafua;

Dielulula 32:12

Yehowa nkayandi wakamulombola, kakadi nzambi wa bende kudiye.

Dielulula 32:14

Wakamudisha manteke a mabele a ngombe, ne mabele a mbushi, ne dianyi dia mikoko ne bimpanga bia mu Bashana ne mbushi, ne blê yakatamba buimpe, nuakanua nvinyo ya tumuma tukunze tuakadi bu mashi.