Osheya 11:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nebalonde Yehowa; yeye nêle dî bu nyama wa ntambue; bualu bua yeye nêle dî diandi, bana bandi nebalue kudiye bazakale, bafume ku wesete.

MUKANDA WA MYIDI MUKULU

¹⁰ Bena tshimuangi nebalonde Maweja-Nangila. Yeye udi udila bu nyama wa ntambue. Padiye udila, bana bende badi bafika, benda bazakala, batumina dishiya dia mayi manene.

Osheya 11:10 ပူးပေါင်းရင်းမြစ်များ

Yobe 37:1

E, bua muanda eu mutshima wanyi udi uzakala, udi ukanka, umuka mu muaba wau.

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 2:11

Nukuatshile Yehowa mudimu ne dishina, nusanke nʼandi ne nuzakale diatshimue.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 2:5

Bana ba Yakoba, luai bienu, tuende mu munya wa Yehowa.

Yeshaya 31:4

Bua Yehowa udi ungambila dî edi ne, Bu mudi nyama wa ntambue ne muana mulume wa ntambue ukungula hadieye nyama udiye mukuate, ne habikilabo tshisumbu tshia balami ba mikoko bua kumuluisha, bu mudiye kayi utshina mei adibo bamuela, kayi unvuila mbila yabo, nunku Yehowa wa misumba neahueke hanshi bua kuluangana nvita ha Mukuna wa Siona ne ha mutu ha mukuna wau.

Yeshaya 42:13

Yehowa nealuhuke bu muena nvita mukole; neasonsole lukunukunu luandi bu muena nvita; nêle dî diandi, nêle mbila mikole; neadimueneshe bu muena bukitu kudi bena lukuna bandi.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yeshaya 64:2

bu mudi muanda mulue hosha kahia tshisala, ne hasabisha kadilu mai, bua kumanyisha badi nʼebe lukuna dina diebe, bua ba mu bisamba bia bantu bazakale ku mpala kuebe!

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yeshaya 66:5

Nuenu badi bazakala hanunvua dî diandi, unvuai dî dia Yehowa ne, Bana benu badi nʼenu lukuna ne bakanuihata bua bualu bua dina dianyi bakuamba ne, Yehowa atumbishibue, bua tuetu tumone disanka dienu; kadi mbobo bine balualua kufuishibua bundu.

Yirmeya 2:2

Ya wele lusanzu mu matshu a Bena Yelushalema, ubambile ne, Yehowa udi wamba ne, Ndi nkuvuluisha bua luse lua mu bunsongakashi buebe, bua dinanga diwakadi nʼadi hanakakubangila, bu muwakandonda mu tshihela, mu buloba buakadi kabuyi ne bintu bikunamu.

Yirmeya 25:30

Nunku ubamanyishe mei â onso, ubambile ne, Yehowa neakungule ku muaba wa mulu, neambe dî diandi didi difuma ku muaba wa tshijila udiye mushikame; neadile ne dî dinene kudi ba mu luhangu luandi lua mikoko; nêle mbila, bu mudibo benza kudi bantu badi badiata tumuma tua nvinyo mu tshikaminu, bua kuhisha ba ha buloba bonso.

Yirmeya 31:9

Nebalue badila muadi; nembalombole ne disengelela; nembendeshe ha buihi ne misulu ya mai, mu nshila mululame mudibo kabayi mua kulenduka; bualu bua ndi tatu wa Bena Isalele, ne Efelayima udi muanʼa bute wanyi.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.

Yirmeya 50:4

Yehowa udi wamba ne, Mu matuku au ne mu tshikondo atshi bana ba Isalele nebalue, bobo ne Bena Yuda hohamue; nebaye mu nshila wabo, benda badila, nebakebe Yehowa Nzambi wabo.

Yirmeya 7:6

binuikala kanuyi nukengesha benyi ne bana ba nshiya ne bakashi ba mu lufuila, binuikala kanuyi numatshisha mashi a badi kabayi ne bualu hanshi mu muaba eu, binuikala kanuyi nulonda nzambi ya hatuhu bua kudikengesha nʼai,

Yirmeya 7:9

Kia! Nenuibe, nenushihe bakuabo, nenuende masandi, nenuditshihe ne mashimi, nenuoshile Bâla musenga wa manananshi, nenulonde nzambi ya hatuhu mudi kanuyi bamanye, anyi?

Yezekiyele 26:16

Mu diba adi bakokeshi ba ku muelelu wa mai manene nebatuluke mu nkuasa yabo ya bukelenge, nebavule bilulu biabo, nebakohole bivualu biabo bidi ne malenda; nebashale ne dizakala; nebashikame hanshi ha buloba, nebazakale diba dionso, nebakuatshike buowa bualu buenu.

Osheya 3:5

Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.

Yowele 3:16

Yehowa udi wela dî diandi dikole difume ku Siona, udi wela dî diandi bu mukungulu wa nvula difume ku Yelushalema; diulu ne buloba bidi bikanka. Kadi Yehowa udi tshinyemenu kudi bantu bandi, udi bu musoko wa ngumbu kudi Bena Isalele.

Amosa 1:2

Yeye wakamba ne, Yehowa udi wela dî dikole difume ku Siona, udi wamba dî diandi difume ku Yelushalema; mpata ya mashinde ya balami ba mikoko idi yasa muadi, ne bia ha mutu ha Kâmele bidi bifuba.

Amosa 3:4

Nyama wa ntambue udi ukungula muitu, bikaleye kayi mukuate nyama, anyi? Muana wa nyama wa ntambue udi wela dî diandi ku buina buandi bikaleye kayi mukuate tshintu, anyi?

Amosa 3:8

Nyama wa ntambue udi mukungule; nganyi udi kayi utshina? Yehowa Nzambi udi wamba dî diandi; muprofete kai udi kayi udiambila bantu?

Mika 4:5

Bualu bua ba mu bisamba bionso batshidi benda muntu ne muntu mu dina dia nzambi wandi; kadi tuetu netuende mu dina Yehowa Nzambi wetu tshiendelele.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Zekâya 10:10

Nendue nʼabo kabidi bafume mu buloba bua Ejipitu, nembasangishe hamue, nembaluhule bafume mu buloba bua Ashû; nendue nʼabo mu buloba bua Gilada ne bua Lebanona, ne kabena basanganamu muaba wa kubateka.

Zekâya 10:12

Yehowa udi wamba ne, Nembakoleshe mu Yehowa, nebatumbile mu dina dianyi.

Zekâya 8:7

Yehowa wa misumba udi wamba ne, Monai, nempatule bantu banyi mu buloba bua ku luseke ludi diba dihatuka ne mu buloba bua ku luseke ludi diba dibuela.

Yowanane 8:12

Yesu wakabambila kabidi ne, Ndi munya wa ba ha buloba; wandonda kena wendakana mu mîdima, kadi neikale ne munya wa muoyo.

Bienzedi 24:25

Hakadiye wakulangana abo bualu bua buakane, ne bua didikanda, ne bua tshilumbuluidi tshilualua, Felika wakatshina bikole, wakamba ne, Ya biebe katataka; hanaheta tshikondo tshiakane, nenkubikile kundi.

Rome 8:1

Nunku kakuena dihila mpindiu kudi badi mu Kilisto Yesu.

2 Petro 2:10

yeye udi utamba kukengesha bantu badi balonda malu a mubidi mu lukuka ludi lubabihisha, ne badi bahetula bukokeshi. Badi bena dikamakama ne badisu, kabena bazakala hakahendabo badi ne butumbi;

Didimanyisha 10:3

ne wakela dî dikole, bu muadi wa nyama wa ntambue; ne hakeleye dî diandi, mikungulu muanda mutekete yakakula mei ai.