Osheya 10:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hanasua kubakengesha, nembakengeshe; ne ba mu bisamba bia bantu nebadisangishe hohamue bua kubabunda, hanabakengesha bua malu mabi abo abidi.

MUKANDA WA MYIDI MUKULU

¹⁰ Meme Maweja-Nangila ndi mufike bua kubanyoka. Bisamba bikuabu nebisangidile bena Izrayele, bua kubaluisha bua malu mabi, adibu benza misangu ne misangu.

Osheya 10:10 ပူးပေါင်းရင်းမြစ်များ

1 Bakalenga 12:28

Nunku mukelenge wakakeba lungenyi, wakatula tuana tua ngombe tua or tubidi; wakambila bantu ne, Budi butamba bukole bua nuenu kuya ku Yelushalema; tangilai nzambi yenu, Bena Isalele, yakanuluhula mu buloba bua Ejipitu.

Yobe 39:10

Udi mua kusuika mbowa ne mionshi bua yeye kuela mabula mu budimi, anyi? Yeye neitabushe bua kuenda ku nyima kuebe ukukokela lukasu lua kushiha nʼalu mabuwa a buloba a mu tshibanda, anyi?

Yeshaya 1:24

Nunku Mukelenge, Yehowa wa misumba, Mukole wa Isalele, udi Wamba ne, Tangilai! Nendiholeshe bua badi bankina, nendisombuele kudi badi nʼanyi lukuna.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 16:16

Yehowa udi wamba ne, Monai, nentume di bua kubikila bilembi bia minyinyi ya mu mai bia bungi, nebibakuate; ku nyima nembikile bilembi bia nyama bia bungi, ne biobi nebibakebe ku mikuna mile yonso ne ku mikuna mikese ne munkatshi mua mena a mu mabue.

Yirmeya 21:4

Yehowa, Nzambi wa Isalele, udi wamba ne, Tangilai, nennukudimune bielelu bia nvita bidi mu bianza bienu, binudi nuluangana nʼabi ne mukelenge wa Babulona ne Bena Kasada badi banutshintshimika ha nyima ha ngumbu yenu; nembasangishe bonso munda mua musoko eu.

Yezekiyele 16:37

bua malu â nensangishe balunda bebe bonso bawakadisankisha nʼabo, bonso bawakananga mene ne bonso bawakadi nʼabo lukuna hohamue; nenkunguishe bantu aba ba ku nseke yonso bua kukutshintshimikabo, nemmueneshe butaka buebe kudibo bua bobo babumone hatoke.

Yezekiyele 16:42

Nunku nempuwishe tshiji tshianyi kûdi, mukau wanyi undi nʼau kûdi neûmuke, nengikale holâ, tshiena ngikale ne tshiji kabidi.

Yezekiyele 23:46

Bualu bua Mukelenge Yehowa udi wamba ne, Nendue ne tshisumbu tshia bantu bua kubaluisha, nembafile kudibo bua kubakuatshisha buowa ne bua kunyengabo bintu biabo.

Yezekiyele 23:9

Bua malu â nakamufila mu bianza bia bamunangi bandi, mu bianza bia Bena Ashû mene bakatambeye kunanga.

Yezekiyele 5:13

Bua nunku tshiji tshianyi netshishike, tshiji tshianyi tshikole netshikale kudibo, hashishe netshibole, nensambibue. Nebamanye ne meme Yehowa nakuamba dî bua mukau wanyi, hanahumuna tshiji tshianyi hamʼbidi habo.

Osheya 10:9

Ku matuku a ku Gibea tô ne mpindiu, nuenu Bena Isalele nuakuenza bibi; mu muaba au bantu babi bakatantamena; nvita kayakafika kudi bantu babi mu Gibea, anyi?

Osheya 4:19

Luhehele luakuya nʼabo mu mahuahua alu; nebakuatshike bundu bua bioshelu biabo.

Osheya 4:9

Bualu ebu nebuikaleku ne, Bu mudi bantu, mbu mudi muakuidi; ne nembakengeshe bu mudi tshikadilu tshiabo, nembafute bu mudi bienzedi biabo.

Osheya 8:1

Teka mpungi ku mishiku yebe! Muena lukuna neadiele ku nsubu wa Yehowa bu nyunyu wa mukanku, bualu bua bakushiha tshihungidi tshianyi, bakusambuka mikenji yanyi.

Osheya 8:10

Nansha biadiabo bulunda ne ba munkatshi mua bisamba bia bantu, nembasangishe kabidi tshituha tshihi, nebabange kukenga muinshi mua tshikokedi tshia mukelenge wa bakokeshi.

Matayi 22:7

Mukelenge wakadi ne tshishi, wakatuma masalayi andi, wakashiha batahianganyi aba, wakosha musoko wabo.

Dielulula 28:63

Bu muakadi Yehowa ne disanka bua kunuenzela bimpe ne bua kunukumbasha ba bungi, mbu mudiye mua kuikala ne disanka bua kunujimisha ne bua kunushiha; nebanûmushe mu buloba bunudi nuya bua kubuhiana.