Nsumuinu 8:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Kadi wahanga kunsangana udi wenzela muoyo wandi bibi; bonso badi bankina badi bananga lufu.

MUKANDA WA MYIDI MUKULU

³⁶ Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Nsumuinu 8:36 ပူးပေါင်းရင်းမြစ်များ

Yobe 35:6

Biwikala muenze bibi, udi umuenzela yeye bualu kai? Bikala malu mabi ebe makumbane, udi umuenzela yeye tshinyi?

Nsumuinu 1:31

Bua malu â nebadie mamuma adi bienzedi biabo bikuama, nebukute ne malu adibo bahangidisha.

Nsumuinu 1:32

Bualu hua dihingana tshianyima dia batshimbakanyi nedibashihe, ne kalengu ka bahote nekababutule.

Nsumuinu 12:1

Udi unanga diyisha didi dimuludikila nshila udi unanga lungenyi, kadi udi ukina kubedibua kuandi udi mujibale.

Nsumuinu 15:32

Udi ubenga diyisha udi uhetula muoyo wandi, kadi udi unvua dî dia bamubedi udi uheta lungenyi.

Nsumuinu 20:2

Buowa budi mukelenge utshinyisha nʼabu bantu budi bu muadi wa nyama wa ntambue; udi umufuisha tshiji udi udienzela muoyo wandi bibi.

Nsumuinu 21:6

Kuheta tshibutshilu ku ludimi lua mashimi kudi bu dibungi didi luhehele lumuangalasha, kudi buteyi bua lufu kabidi.

Yeshaya 3:9

Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

Yirmeya 27:13

Bua tshinyi wewe ne bantu bebe nudi basue kufua ku muele wa nvita ne ku tshiole ne ku tshihuhu, bu muakuamba Yehowa bualu bua ba mu tshisamba badi kabayi bakuatshila mukelenge wa Babulona mudimu?

Yezekiyele 18:31

Nudiumushile malu mabi enu onso anuakungenzela, nudiangatshile mutshima muhia-muhia ne nyuma muhia-muhia. Bualu kai nudi basue kufua, nuenu ba mu tshisamba tshia Bena Isalele?

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Bienzedi 13:46

Paulo ne Bânaba bakajukuila bantu, bakamba ne, Butuakadi nʼabu mbua kunuambila nuenu dî dia Nzambi diambedi. Kadi bualu bua nuenu nudi nuhidia dî edi, ne nudi nudilumbuluila bualu buenu ne, Katuena bantu bakane ba kuangata muoyo wa tshiendelele, tuetu netuye kudi bantu ba bisamba bia bende.

Bienzedi 16:28

Kadi Paulo wakela dî diandi bikole ne, Kudienzedi bibi, buonso buetu tudiku.

1 Korente 16:22

Bikala muntu kai musue Mukelenge, edibue biandi mulau. Mukelenge alue biandi.

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?