Nsumuinu 3:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nshila yau idi nshila ya disanka, nshila yau yonso idi nshila ya ditalala.

MUKANDA WA MYIDI MUKULU

¹⁷ Adi amuendesha mu njila wa diakalenga, mudiye wenda amu mu bupole.

Nsumuinu 3:17 ပူးပေါင်းရင်းမြစ်များ

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Misambu 119:14

Ndi ne disanka mu dilonda dia mei ebe, bu mundi nsanka mu bubanji buonso.

Misambu 119:165

Badi bananga mikenji yebe badi ne ditalala dinene; kakuena tshidi mua kubalenduisha.

Misambu 119:174

Ndi njinga luhandu luebe, Yehowa, ne mikenji yebe idi disanka dianyi.

Misambu 119:47

Nendisankishe mu mikenji yebe, indi nnanga.

Misambu 25:10

Nshila yonso ya Yehowa idi ya luse lujalame ne lulamatu kudi badi batumikila tshihungidi tshiandi ne mikenji yandi.

Misambu 37:11

Kadi badi ne mitshima mihuekele nebahiane buloba, mioyo yabo neyisanke mu ditalala dikumbane.

Nsumuinu 16:7

Bikala bienzedi bia muntu bisankishe Yehowa, yeye udi umulengeshisha ne bena lukuna bandi.

Nsumuinu 2:10

Bualu bua meji neabuele mu mutshima webe, lungenyi neluikale lulengele mu muoyo webe.

Nsumuinu 22:18

Bualu bua newikale ne disanka, biwâlama munda muebe, biajadikibuau ku mishiku yebe.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 57:19

Yehowa udi wamba ne, Ditalala, ditalala dikale kudi muntu udi kule ne kudi muntu udi ha buihi; nemmuondahe.

Luke 1:79

Bua kutokeshela badi bashikame mu mîdima ne mu dileshi dia lufu, Ne bua kuendesha makasa etu mu nshila wa ditalala.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.