Nsumuinu 29:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge udi ujadika buloba buandi ku kulumbulula kuakane, kadi muntu udi ulomba milambu mihite udi ububutula.

MUKANDA WA MYIDI MUKULU

⁴ Mukalenga udi ukosa nsambu ya bantu bende biakane, udi ubatutshisha dikasa dimpe. Kadi udi ubalambuisha bitadi bipite, udi ubabutula.

Nsumuinu 29:4 ပူးပေါင်းရင်းမြစ်များ

2 Samuele 8:15

Davidi wakakokesha Bena Isalele bonso; Davidi wakalumbuluila bantu bandi bonso biakane, wakabenzela malu makane.

1 Bakalenga 2:12

Solomo wakashikama mu nkuasa wa bukelenge wa Davidi, tatu wandi; bukelenge buandi buakajadikibua bikole.

2 Kulondolola 9:8

Yehowa Nzambi webe, wakasanka bualu buebe bua kukushikika ha nkuasa wandi wa butumbi bua wewe kuikala mukelenge ku mpala kua Yehowa Nzambi webe, avudishibue disanka! Bualu bua Nzambi webe wakananga Bena Isalele bua kubajadika tshiendelele, nunku yeye wakakuhingisha mukelenge ku mutu kuabo bua wewe kuenza malu mimpe ne makane.

Yobe 11:6

ne bua yeye akuleshe malu masokoka a mu meji andi! Bualu bua yeye udi ne lungenyi lule, umanye biebe ne, Nzambi kena ukumbasha dikenga diebe bu mudi bubi buebe.

Misambu 89:14

Buakane ne kulumbulula kuakane bidi bishimikidi bia nkuasa webe wa butumbi; luse lujalame ne lulamatu lua bushuwa bidi bienda ku mpala kuebe.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Nsumuinu 14:34

Buakane budi butuma tshisamba tshia bantu ku mpala, kadi malu mabi adi afuisha bantu bonso bundu.

Nsumuinu 16:10

Dikosa dia bualu dia tshijila didi ku mishiku ya mukelenge; mukana muandi kamuena mushiha mikenji hakoseye nsambu.

Nsumuinu 16:12

Bienza bakelenge malu mabi, badi banyanguke, bualu bua nkuasa wa bukelenge udi ujadikibua ku buakane.

Nsumuinu 20:8

Mukelenge udi ushikama mu nkuasa wa bukelenge ukosamu bilumbu udi usungulula malu mabi onso ne mesu andi.

Nsumuinu 29:14

Bialumbuluisha mukelenge bahele ne lulamatu lua bushuwa, nkuasa wandi wa bukelenge neajadikibue tshiendelele.

Nsumuinu 8:15

Bakelenge badi bakokesha bua bualu buanyi, ne bakokeshi badi balumbulula ne kulumbulula kuakane.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Danyele 11:20

Mukuabo neahingane mu muaba wandi; neatume mulambuishi bua kuhiteye ku luseke lua bukelenge ludi luhita bulengele; kadi hahita anu matuku mibi, yeye neumushibue kakuyi tshiji, kakuyi nvita.

Mika 7:3

Bianza biabo bidi ku malu mabi bua kuaenza lukasa; mukokeshi ne mulumbuluishi badi bakeba mbueshilu; muntu munene udi wamba bubi budi mutshima wandi musue kuenza; nunku badi banyanga malu makane hohamue.

1 Samuele 13:13

Samuele wakambila Shaula ne, Wewe wakenza buhote: wewe kuakanemeka mukenji wa Yehowa, Nzambi webe, wakakuambileye; bu wewe muenze nunku, Yehowa wakadi kujadika bukelenge buebe mu Isalele tshiendelele.